๑-๗. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

๒๕๗. อกุสลํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ เหตุปจฺจยา. (๑)

อพฺยากตํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ เหตุปจฺจยา. (๑)

อกุสลํ เหตุวิปฺปยุตฺตญฺจ อพฺยากตํ เหตุวิปฺปยุตฺตญฺจ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ เหตุปจฺจยา. (๑)

อพฺยากตํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ อารมฺมณปจฺจยา. (๑) (สํขิตฺตํ.)

๒๕๘. เหตุยา ตีณิ, อารมฺมเณ เอกํ, อธิปติยา เอกํ…เป… อวิคเต ตีณิ (สํขิตฺตํ).

นเหตุ-นอารมฺมณปจฺจยา

๒๕๙. อพฺยากตํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ นเหตุปจฺจยา. (๑)

อกุสลํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ นอารมฺมณปจฺจยา. (๑)

อพฺยากตํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ นอารมฺมณปจฺจยา. (๑)

อกุสลํ เหตุวิปฺปยุตฺตญฺจ อพฺยากตํ เหตุวิปฺปยุตฺตญฺจ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ นอารมฺมณปจฺจยา (สํขิตฺตํ).

๒๖๐. นเหตุยา เอกํ, นอารมฺมเณ ตีณิ, นอธิปติยา ตีณิ…เป… โนวิคเต ตีณิ. (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

เหตุ-อารมฺมณ-อนนฺตรปจฺจยา

๒๖๑. อกุสโล เหตุวิปฺปยุตฺโต ธมฺโม อพฺยากตสฺส เหตุวิปฺปยุตฺตสฺส ธมฺมสฺส เหตุปจฺจเยน ปจฺจโย. (๑)

อกุสโล เหตุวิปฺปยุตฺโต ธมฺโม อกุสลสฺส เหตุวิปฺปยุตฺตสฺส ธมฺมสฺส อารมฺมณปจฺจเยน ปจฺจโย. อกุสโล เหตุวิปฺปยุตฺโต ธมฺโม อพฺยากตสฺส เหตุวิปฺปยุตฺตสฺส ธมฺมสฺส อารมฺมณปจฺจเยน ปจฺจโย. (๒)

อพฺยากโต เหตุวิปฺปยุตฺโต ธมฺโม อพฺยากตสฺส เหตุวิปฺปยุตฺตสฺส ธมฺมสฺส อารมฺมณปจฺจเยน ปจฺจโย. อพฺยากโต เหตุวิปฺปยุตฺโต ธมฺโม อกุสลสฺส เหตุวิปฺปยุตฺตสฺส ธมฺมสฺส อารมฺมณปจฺจเยน ปจฺจโย. (๒)

อกุสโล เหตุวิปฺปยุตฺโต ธมฺโม อกุสลสฺส เหตุวิปฺปยุตฺตสฺส ธมฺมสฺส อนนฺตรปจฺจเยน ปจฺจโย. อกุสโล เหตุวิปฺปยุตฺโต ธมฺโม อพฺยากตสฺส เหตุวิปฺปยุตฺตสฺส ธมฺมสฺส อนนฺตรปจฺจเยน ปจฺจโย. (๒)

อพฺยากโต เหตุวิปฺปยุตฺโต ธมฺโม อพฺยากตสฺส เหตุวิปฺปยุตฺตสฺส ธมฺมสฺส อนนฺตรปจฺจเยน ปจฺจโย. อพฺยากโต เหตุวิปฺปยุตฺโต ธมฺโม อกุสลสฺส เหตุวิปฺปยุตฺตสฺส ธมฺมสฺส อนนฺตรปจฺจเยน ปจฺจโย. (๒) (สํขิตฺตํ.)

๒๖๒. เหตุยา เอกํ, อารมฺมเณ จตฺตาริ, อนนฺตเร จตฺตาริ, สมนนฺตเร จตฺตาริ, สหชาเต ตีณิ, อญฺญมญฺเญ เอกํ, นิสฺสเย จตฺตาริ, อุปนิสฺสเย จตฺตาริ…เป… อวิคเต จตฺตาริ (สํขิตฺตํ).

นเหตุยา ปญฺจ, นอารมฺมเณ ปญฺจ (สํขิตฺตํ).

เหตุปจฺจยา นอารมฺมเณ เอกํ (สํขิตฺตํ).

นเหตุปจฺจยา อารมฺมเณ จตฺตาริ (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)