๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๒๔๔. กุสลํ สเหตุกํ ธมฺมํ ปฏิจฺจ กุสโล สเหตุโก ธมฺโม อุปฺปชฺชติ เหตุปจฺจยา. (๑)

อกุสลํ สเหตุกํ ธมฺมํ ปฏิจฺจ อกุสโล สเหตุโก ธมฺโม อุปฺปชฺชติ เหตุปจฺจยา. (๑)

อพฺยากตํ สเหตุกํ ธมฺมํ ปฏิจฺจ อพฺยากโต สเหตุโก ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๔๕. เหตุยา ตีณิ…เป… อวิคเต ตีณิ (สํขิตฺตํ).

นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นกมฺเม ตีณิ, นวิปาเก ตีณิ, นวิปฺปยุตฺเต ตีณิ.

เหตุปจฺจยา นอธิปติยา ตีณิ (สํขิตฺตํ).

นอธิปติปจฺจยา เหตุยา ตีณิ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

เหตุ-อารมฺมณปจฺจยา

๒๔๖. กุสโล สเหตุโก ธมฺโม กุสลสฺส สเหตุกสฺส ธมฺมสฺส เหตุปจฺจเยน ปจฺจโย. (๑)

อกุสโล สเหตุโก ธมฺโม อกุสลสฺส สเหตุกสฺส ธมฺมสฺส เหตุปจฺจเยน ปจฺจโย. (๑)

อพฺยากโต สเหตุโก ธมฺโม อพฺยากตสฺส สเหตุกสฺส ธมฺมสฺส เหตุปจฺจเยน ปจฺจโย. (๑)

กุสโล สเหตุโก ธมฺโม กุสลสฺส สเหตุกสฺส ธมฺมสฺส อารมฺมณปจฺจเยน ปจฺจโย. กุสโล สเหตุโก ธมฺโม อกุสลสฺส สเหตุกสฺส ธมฺมสฺส อารมฺมณปจฺจเยน ปจฺจโย. กุสโล สเหตุโก ธมฺโม อพฺยากตสฺส สเหตุกสฺส ธมฺมสฺส อารมฺมณปจฺจเยน ปจฺจโย. (๓)

อกุสโล สเหตุโก ธมฺโม อกุสลสฺส สเหตุกสฺส ธมฺมสฺส อารมฺมณปจฺจเยน ปจฺจโย… ตีณิ. (๓)

อพฺยากโต สเหตุโก ธมฺโม อพฺยากตสฺส สเหตุกสฺส ธมฺมสฺส อารมฺมณปจฺจเยน ปจฺจโย… ตีณิ. (๓)

กุสโล สเหตุโก ธมฺโม กุสลสฺส สเหตุกสฺส ธมฺมสฺส อธิปติปจฺจเยน ปจฺจโย (สํขิตฺตํ).

๒๔๗. เหตุยา ตีณิ, อารมฺมเณ นว, อธิปติยา สตฺต, อนนฺตเร ปญฺจ, สมนนฺตเร ปญฺจ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย นว…เป… อวิคเต ตีณิ (สํขิตฺตํ).

นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ ตีณิ (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

อเหตุกปทํ