๑-๖. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

๒๓๙. อนิทสฺสนสปฺปฏิฆํ นเหตุํ ธมฺมํ ปฏิจฺจ อนิทสฺสนสปฺปฏิโฆ นเหตุ ธมฺโม อุปฺปชฺชติ เหตุปจฺจยา. อนิทสฺสนสปฺปฏิฆํ นเหตุํ ธมฺมํ ปฏิจฺจ สนิทสฺสนสปฺปฏิโฆ นเหตุ ธมฺโม อุปฺปชฺชติ เหตุปจฺจยา. อนิทสฺสนสปฺปฏิฆํ นเหตุํ ธมฺมํ ปฏิจฺจ อนิทสฺสนอปฺปฏิโฆ นเหตุ ธมฺโม อุปฺปชฺชติ เหตุปจฺจยา. อนิทสฺสนสปฺปฏิฆํ นเหตุํ ธมฺมํ ปฏิจฺจ สนิทสฺสนสปฺปฏิโฆ นเหตุ จ อนิทสฺสนอปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา. อนิทสฺสนสปฺปฏิฆํ นเหตุํ ธมฺมํ ปฏิจฺจ อนิทสฺสนสปฺปฏิโฆ นเหตุ จ อนิทสฺสนอปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา. อนิทสฺสนสปฺปฏิฆํ นเหตุํ ธมฺมํ ปฏิจฺจ สนิทสฺสนสปฺปฏิโฆ นเหตุ จ อนิทสฺสนสปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา. อนิทสฺสนสปฺปฏิฆํ นเหตุํ ธมฺมํ ปฏิจฺจ สนิทสฺสนสปฺปฏิโฆ นเหตุ จ อนิทสฺสนสปฺปฏิโฆ นเหตุ จ อนิทสฺสนอปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา… สตฺต.

๒๔๐. อนิทสฺสนอปฺปฏิฆํ นเหตุํ ธมฺมํ ปฏิจฺจ อนิทสฺสนอปฺปฏิโฆ นเหตุ ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ นเหตุํ ธมฺมํ ปฏิจฺจ สนิทสฺสนสปฺปฏิโฆ นเหตุ ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ นเหตุํ ธมฺมํ ปฏิจฺจ อนิทสฺสนสปฺปฏิโฆ นเหตุ ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ นเหตุํ ธมฺมํ ปฏิจฺจ สนิทสฺสนสปฺปฏิโฆ นเหตุ จ อนิทสฺสนอปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา. อนิทสฺสนอปฺปฏิฆํ นเหตุํ ธมฺมํ ปฏิจฺจ อนิทสฺสนสปฺปฏิโฆ นเหตุ จ อนิทสฺสนอปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา. อนิทสฺสนอปฺปฏิฆํ นเหตุํ ธมฺมํ ปฏิจฺจ สนิทสฺสนสปฺปฏิโฆ นเหตุ จ อนิทสฺสนสปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา. อนิทสฺสนอปฺปฏิฆํ นเหตุํ ธมฺมํ ปฏิจฺจ สนิทสฺสนสปฺปฏิโฆ นเหตุ จ อนิทสฺสนสปฺปฏิโฆ นเหตุ จ อนิทสฺสนอปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา… สตฺต.

๒๔๑. อนิทสฺสนสปฺปฏิฆํ นเหตุญฺจ อนิทสฺสนอปฺปฏิฆํ นเหตุญฺจ ธมฺมํ ปฏิจฺจ สนิทสฺสนสปฺปฏิโฆ นเหตุ ธมฺโม อุปฺปชฺชติ เหตุปจฺจยา. อนิทสฺสนสปฺปฏิฆํ นเหตุญฺจ อนิทสฺสนอปฺปฏิฆํ นเหตุญฺจ ธมฺมํ ปฏิจฺจ อนิทสฺสนสปฺปฏิโฆ นเหตุ ธมฺโม อุปฺปชฺชติ เหตุปจฺจยา. อนิทสฺสนสปฺปฏิฆํ นเหตุญฺจ อนิทสฺสนอปฺปฏิฆํ นเหตุญฺจ ธมฺมํ ปฏิจฺจ อนิทสฺสนอปฺปฏิโฆ นเหตุ ธมฺโม อุปฺปชฺชติ เหตุปจฺจยา. อนิทสฺสนสปฺปฏิฆํ นเหตุญฺจ อนิทสฺสนอปฺปฏิฆํ นเหตุญฺจ ธมฺมํ ปฏิจฺจ สนิทสฺสนสปฺปฏิโฆ นเหตุ จ อนิทสฺสนอปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา. อนิทสฺสนสปฺปฏิฆํ นเหตุญฺจ อนิทสฺสนอปฺปฏิฆํ นเหตุญฺจ ธมฺมํ ปฏิจฺจ อนิทสฺสนสปฺปฏิโฆ นเหตุ จ อนิทสฺสนอปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา. อนิทสฺสนสปฺปฏิฆํ นเหตุญฺจ อนิทสฺสนอปฺปฏิฆํ นเหตุญฺจ ธมฺมํ ปฏิจฺจ สนิทสฺสนสปฺปฏิโฆ นเหตุ จ อนิทสฺสนสปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา. อนิทสฺสนสปฺปฏิฆํ นเหตุญฺจ อนิทสฺสนอปฺปฏิฆํ นเหตุญฺจ ธมฺมํ ปฏิจฺจ สนิทสฺสนสปฺปฏิโฆ นเหตุ จ อนิทสฺสนสปฺปฏิโฆ นเหตุ จ อนิทสฺสนอปฺปฏิโฆ นเหตุ จ ธมฺมา อุปฺปชฺชนฺติ เหตุปจฺจยา… สตฺต.

อนิทสฺสนอปฺปฏิฆํ นเหตุํ ธมฺมํ ปฏิจฺจ อนิทสฺสนอปฺปฏิโฆ นเหตุ ธมฺโม อุปฺปชฺชติ อารมฺมณปจฺจยา. (๑) (สํขิตฺตํ.)

๒๔๒. เหตุยา เอกวีส, อารมฺมเณ เอกํ, อธิปติยา เอกวีส…เป… อวิคเต เอกวีส (สํขิตฺตํ).

นเหตุยา เอกวีส, นอารมฺมเณ เอกวีส…เป… โนวิคเต เอกวีส.

เหตุปจฺจยา นอารมฺมเณ เอกวีส (สํขิตฺตํ).

นเหตุปจฺจยา อารมฺมเณ เอกํ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)