๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๒๒๗. อชฺฌตฺตํ นเหตุํ ธมฺมํ ปฏิจฺจ อชฺฌตฺโต นเหตุ ธมฺโม อุปฺปชฺชติ เหตุปจฺจยา. (๑)

พหิทฺธา นเหตุํ ธมฺมํ ปฏิจฺจ พหิทฺธา นเหตุ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๒๘. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ).

นเหตุยา เทฺว, นอธิปติยา เทฺว…เป… นวิปฺปยุตฺเต เทฺว (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)

อารมฺมณปจฺจโย

๒๒๙. อชฺฌตฺโต นเหตุ ธมฺโม อชฺฌตฺตสฺส นเหตุสฺส ธมฺมสฺส อารมฺมณปจฺจเยน ปจฺจโย. อชฺฌตฺโต นเหตุ ธมฺโม พหิทฺธา นเหตุสฺส ธมฺมสฺส อารมฺมณปจฺจเยน ปจฺจโย. (๒)

พหิทฺธา นเหตุ ธมฺโม พหิทฺธา นเหตุสฺส ธมฺมสฺส อารมฺมณปจฺจเยน ปจฺจโย. พหิทฺธา นเหตุ ธมฺโม อชฺฌตฺตสฺส นเหตุสฺส ธมฺมสฺส อารมฺมณปจฺจเยน ปจฺจโย. (๒) (สํขิตฺตํ.)

๒๓๐. อารมฺมเณ จตฺตาริ, อธิปติยา จตฺตาริ, อนนฺตเร เทฺว …เป… อุปนิสฺสเย จตฺตาริ…เป… อวิคเต ฉ (สํขิตฺตํ).

นเหตุยา ฉ, นอารมฺมเณ ฉ (สํขิตฺตํ).

อารมฺมณปจฺจยา นเหตุยา จตฺตาริ (สํขิตฺตํ).

นเหตุปจฺจยา อารมฺมเณ จตฺตาริ (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)