๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๒๑๘. อตีตารมฺมณํ นเหตุํ ธมฺมํ ปฏิจฺจ อตีตารมฺมโณ นเหตุ ธมฺโม อุปฺปชฺชติ เหตุปจฺจยา. (๑)

อนาคตารมฺมณํ นเหตุํ ธมฺมํ ปฏิจฺจ อนาคตารมฺมโณ นเหตุ ธมฺโม อุปฺปชฺชติ เหตุปจฺจยา. (๑)

ปจฺจุปฺปนฺนารมฺมณํ นเหตุํ ธมฺมํ ปฏิจฺจ ปจฺจุปฺปนฺนารมฺมโณ นเหตุ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๑๙. เหตุยา ตีณิ, อารมฺมเณ ตีณิ, อธิปติยา ตีณิ…เป… อวิคเต ตีณิ (สํขิตฺตํ).

นเหตุยา ตีณิ, นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นกมฺเม ตีณิ, นวิปาเก ตีณิ, นฌาเน เอกํ, นมคฺเค ตีณิ, นวิปฺปยุตฺเต เทฺว (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)

อารมฺมณปจฺจโย

๒๒๐. อตีตารมฺมโณ นเหตุ ธมฺโม อตีตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิ.

อนาคตารมฺมโณ นเหตุ ธมฺโม อนาคตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิ.

ปจฺจุปฺปนฺนารมฺมโณ นเหตุ ธมฺโม ปจฺจุปฺปนฺนารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ).

๒๒๑. อารมฺมเณ นว, อธิปติยา สตฺต…เป… อวิคเต ตีณิ (สํขิตฺตํ).

นเหตุยา นว, นอารมฺมเณ นว (สํขิตฺตํ).

อารมฺมณปจฺจยา นเหตุยา นว (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)