๗. ปญฺหาวาโร

ปจฺจยจตุกฺกํ

เหตุปจฺจยาทิ

๒๐๕. อุปฺปนฺโน เหตุ ธมฺโม อุปฺปนฺนสฺส เหตุสฺส ธมฺมสฺส เหตุปจฺจเยน ปจฺจโย – อุปฺปนฺนา เหตู สมฺปยุตฺตกานํ เหตูนํ เหตุปจฺจเยน ปจฺจโย; ปฏิสนฺธิกฺขเณ…เป…. (๑)

อนุปฺปนฺโน เหตุ ธมฺโม อุปฺปนฺนสฺส เหตุสฺส ธมฺมสฺส อารมฺมณปจฺจเยน ปจฺจโย – อนุปฺปนฺนา เหตู เจโตปริยญาณสฺส อนาคตํสญาณสฺส อารมฺมณปจฺจเยน ปจฺจโย. อุปฺปาที เหตุ ธมฺโม อุปฺปนฺนสฺส เหตุสฺส ธมฺมสฺส อารมฺมณปจฺจเยน ปจฺจโย – อุปฺปาที เหตู เจโตปริยญาณสฺส อนาคตํสญาณสฺส อารมฺมณปจฺจเยน ปจฺจโย. (๒)

อุปฺปนฺโน เหตุ ธมฺโม อุปฺปนฺนสฺส เหตุสฺส ธมฺมสฺส อธิปติปจฺจเยน ปจฺจโย… ตีณิ.

สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… อุปนิสฺสยปจฺจเยน ปจฺจโย… วิปากปจฺจเยน ปจฺจโย… อินฺทฺริยปจฺจเยน ปจฺจโย… มคฺคปจฺจเยน ปจฺจโย… สมฺปยุตฺตปจฺจเยน ปจฺจโย… อตฺถิปจฺจเยน ปจฺจโย…เป… อวิคตปจฺจเยน ปจฺจโย.

๒๐๖. เหตุยา เอกํ, อารมฺมเณ เทฺว, อธิปติยา ตีณิ, สหชาเต เอกํ, อญฺญมญฺเญ เอกํ, นิสฺสเย เอกํ, อุปนิสฺสเย เทฺว…เป… อวิคเต เอกํ (สํขิตฺตํ).

นเหตุยา เทฺว, นอารมฺมเณ เทฺว (สํขิตฺตํ).

เหตุปจฺจยา นอารมฺมเณ เอกํ (สํขิตฺตํ).

นเหตุปจฺจยา อารมฺมเณ เทฺว (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

นเหตุปทํ

อารมฺมณปจฺจยาทิ

๒๐๗. อุปฺปนฺโน นเหตุ ธมฺโม อุปฺปนฺนสฺส นเหตุสฺส ธมฺมสฺส อารมฺมณปจฺจเยน ปจฺจโย. (๑)

อนุปฺปนฺโน นเหตุ ธมฺโม อุปฺปนฺนสฺส นเหตุสฺส ธมฺมสฺส อารมฺมณปจฺจเยน ปจฺจโย. (๑)

อุปฺปาที นเหตุ ธมฺโม อุปฺปนฺนสฺส นเหตุสฺส ธมฺมสฺส อารมฺมณปจฺจเยน ปจฺจโย. (๑)

๒๐๘. อุปฺปนฺโน นเหตุ ธมฺโม อุปฺปนฺนสฺส นเหตุสฺส ธมฺมสฺส อธิปติปจฺจเยน ปจฺจโย. (๑)

อนุปฺปนฺโน นเหตุ ธมฺโม อุปฺปนฺนสฺส นเหตุสฺส ธมฺมสฺส อธิปติปจฺจเยน ปจฺจโย. (๑)

อุปฺปาที นเหตุ ธมฺโม อุปฺปนฺนสฺส นเหตุสฺส ธมฺมสฺส อธิปติปจฺจเยน ปจฺจโย. (๑)

อุปฺปนฺโน นเหตุ ธมฺโม อุปฺปนฺนสฺส นเหตุสฺส ธมฺมสฺส สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… อุปนิสฺสยปจฺจเยน ปจฺจโย.

อนุปฺปนฺโน นเหตุ ธมฺโม อุปฺปนฺนสฺส นเหตุสฺส ธมฺมสฺส อุปนิสฺสยปจฺจเยน ปจฺจโย.

อุปฺปาที นเหตุ ธมฺโม อุปฺปนฺนสฺส นเหตุสฺส ธมฺมสฺส อุปนิสฺสยปจฺจเยน ปจฺจโย (สํขิตฺตํ).

๒๐๙. อารมฺมเณ ตีณิ, อธิปติยา ตีณิ, สหชาเต เอกํ, อญฺญมญฺเญ เอกํ, นิสฺสเย เอกํ, อุปนิสฺสเย ตีณิ…เป… อวิคเต เอกํ (สํขิตฺตํ).

นเหตุยา ตีณิ, นอารมฺมเณ ตีณิ (สํขิตฺตํ).

อารมฺมณปจฺจยา นเหตุยา ตีณิ (สํขิตฺตํ).

นเหตุปจฺจยา อารมฺมเณ ตีณิ (สํขิตฺตํ).