๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๑๘๐. มิจฺฉตฺตนิยตํ เหตุํ ธมฺมํ ปฏิจฺจ มิจฺฉตฺตนิยโต เหตุ ธมฺโม อุปฺปชฺชติ เหตุปจฺจยา. (๑)

สมฺมตฺตนิยตํ เหตุํ ธมฺมํ ปฏิจฺจ สมฺมตฺตนิยโต เหตุ ธมฺโม อุปฺปชฺชติ เหตุปจฺจยา. (๑)

อนิยตํ เหตุํ ธมฺมํ ปฏิจฺจ อนิยโต เหตุ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๘๑. เหตุยา ตีณิ, อารมฺมเณ ตีณิ, อธิปติยา ตีณิ…เป… วิปาเก เอกํ…เป… อวิคเต ตีณิ (สํขิตฺตํ).

นอธิปติยา เทฺว, นปุเรชาเต เทฺว, นปจฺฉาชาเต ตีณิ, นอาเสวเน เอกํ, นวิปาเก ตีณิ, นวิปฺปยุตฺเต เทฺว (สํขิตฺตํ).

(สหชาตวารมฺปิ …เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)

เหตุ-อารมฺมณปจฺจยาทิ

๑๘๒. มิจฺฉตฺตนิยโต เหตุ ธมฺโม มิจฺฉตฺตนิยตสฺส เหตุสฺส ธมฺมสฺส เหตุปจฺจเยน ปจฺจโย. (๑)

สมฺมตฺตนิยโต เหตุ ธมฺโม สมฺมตฺตนิยตสฺส เหตุสฺส ธมฺมสฺส เหตุปจฺจเยน ปจฺจโย. (๑)

อนิยโต เหตุ ธมฺโม อนิยตสฺส เหตุสฺส ธมฺมสฺส เหตุปจฺจเยน ปจฺจโย. (๑)

มิจฺฉตฺตนิยโต เหตุ ธมฺโม อนิยตสฺส เหตุสฺส ธมฺมสฺส อารมฺมณปจฺจเยน ปจฺจโย. (๑)

สมฺมตฺตนิยโต เหตุ ธมฺโม อนิยตสฺส เหตุสฺส ธมฺมสฺส อารมฺมณปจฺจเยน ปจฺจโย. (๑)

อนิยโต เหตุ ธมฺโม อนิยตสฺส เหตุสฺส ธมฺมสฺส อารมฺมณปจฺจเยน ปจฺจโย. (๑)

อนิยโต เหตุ ธมฺโม มิจฺฉตฺตนิยตสฺส เหตุสฺส ธมฺมสฺส อารมฺมณปจฺจเยน ปจฺจโย. (๑)

สมฺมตฺตนิยโต เหตุ ธมฺโม สมฺมตฺตนิยตสฺส เหตุสฺส ธมฺมสฺส อธิปติปจฺจเยน ปจฺจโย. สมฺมตฺตนิยโต เหตุ ธมฺโม อนิยตสฺส เหตุสฺส ธมฺมสฺส อธิปติปจฺจเยน ปจฺจโย. (๒)

อนิยโต เหตุ ธมฺโม อนิยตสฺส เหตุสฺส ธมฺมสฺส อธิปติปจฺจเยน ปจฺจโย. (๑)

อนนฺตรปจฺจยาทิ

๑๘๓. มิจฺฉตฺตนิยโต เหตุ ธมฺโม อนิยตสฺส เหตุสฺส ธมฺมสฺส อนนฺตรปจฺจเยน ปจฺจโย. (๑)

สมฺมตฺตนิยโต เหตุ ธมฺโม อนิยตสฺส เหตุสฺส ธมฺมสฺส อนนฺตรปจฺจเยน ปจฺจโย. (๑)

อนิยโต เหตุ ธมฺโม อนิยตสฺส เหตุสฺส ธมฺมสฺส อนนฺตรปจฺจเยน ปจฺจโย. อนิยโต เหตุ ธมฺโม มิจฺฉตฺตนิยตสฺส เหตุสฺส ธมฺมสฺส อนนฺตรปจฺจเยน ปจฺจโย. อนิยโต เหตุ ธมฺโม สมฺมตฺตนิยตสฺส เหตุสฺส ธมฺมสฺส อนนฺตรปจฺจเยน ปจฺจโย. (๓)

๑๘๔. มิจฺฉตฺตนิยโต เหตุ ธมฺโม มิจฺฉตฺตนิยตสฺส เหตุสฺส ธมฺมสฺส อุปนิสฺสยปจฺจเยน ปจฺจโย. มิจฺฉตฺตนิยโต เหตุ ธมฺโม อนิยตสฺส เหตุสฺส ธมฺมสฺส อุปนิสฺสยปจฺจเยน ปจฺจโย. (๒)

สมฺมตฺตนิยโต เหตุ ธมฺโม สมฺมตฺตนิยตสฺส เหตุสฺส ธมฺมสฺส อุปนิสฺสยปจฺจเยน ปจฺจโย. สมฺมตฺตนิยโต เหตุ ธมฺโม อนิยตสฺส เหตุสฺส ธมฺมสฺส อุปนิสฺสยปจฺจเยน ปจฺจโย. (๒)

อนิยโต เหตุ ธมฺโม อนิยตสฺส เหตุสฺส ธมฺมสฺส อุปนิสฺสยปจฺจเยน ปจฺจโย. อนิยโต เหตุ ธมฺโม มิจฺฉตฺตนิยตสฺส เหตุสฺส ธมฺมสฺส อุปนิสฺสยปจฺจเยน ปจฺจโย. อนิยโต เหตุ ธมฺโม สมฺมตฺตนิยตสฺส เหตุสฺส ธมฺมสฺส อุปนิสฺสยปจฺจเยน ปจฺจโย. (๓) (สํขิตฺตํ.)

๑๘๕. เหตุยา ตีณิ, อารมฺมเณ จตฺตาริ, อธิปติยา ตีณิ, อนนฺตเร ปญฺจ, สมนนฺตเร ปญฺจ, สหชาเต ตีณิ…เป… อุปนิสฺสเย สตฺต…เป… อวิคเต ตีณิ (สํขิตฺตํ).

นเหตุยา สตฺต, นอารมฺมเณ สตฺต (สํขิตฺตํ).

เหตุปจฺจยา นอารมฺมเณ ตีณิ (สํขิตฺตํ).

นเหตุปจฺจยา อารมฺมเณ จตฺตาริ (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

นเหตุปทํ