๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๑๖๒. ปริตฺตํ นเหตุํ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ เหตุปจฺจยา… ตีณิ.

มหคฺคตํ นเหตุํ ธมฺมํ ปฏิจฺจ มหคฺคโต นเหตุ ธมฺโม อุปฺปชฺชติ เหตุปจฺจยา. มหคฺคตํ นเหตุํ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ เหตุปจฺจยา. มหคฺคตํ นเหตุํ ธมฺมํ ปฏิจฺจ ปริตฺโต นเหตุ จ มหคฺคโต นเหตุ จ ธมฺมา อุปฺปชฺชนฺติ เหตุปจฺจยา. (๓)

อปฺปมาณํ นเหตุํ ธมฺมํ ปฏิจฺจ อปฺปมาโณ นเหตุ ธมฺโม อุปฺปชฺชติ เหตุปจฺจยา. อปฺปมาณํ นเหตุํ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ เหตุปจฺจยา. อปฺปมาณํ นเหตุํ ธมฺมํ ปฏิจฺจ ปริตฺโต นเหตุ จ อปฺปมาโณ นเหตุ จ ธมฺมา อุปฺปชฺชนฺติ เหตุปจฺจยา. (๓)

ปริตฺตํ นเหตุญฺจ มหคฺคตํ นเหตุญฺจ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ เหตุปจฺจยา… ตีณิ.

ปริตฺตํ นเหตุญฺจ อปฺปมาณํ นเหตุญฺจ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๖๓. เหตุยา เตรส, อารมฺมเณ ปญฺจ, อธิปติยา นว…เป… วิคเต ปญฺจ, อวิคเต เตรส (สํขิตฺตํ).

ปจฺจนียํ

นเหตุปจฺจโย

๑๖๔. ปริตฺตํ นเหตุํ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ นเหตุปจฺจยา. (๑) (สํขิตฺตํ.)

นเหตุยา เอกํ, นอารมฺมเณ ปญฺจ, นอธิปติยา ทส…เป… โนวิคเต ปญฺจ (สํขิตฺตํ).

เหตุปจฺจยา นอารมฺมเณ ปญฺจ (สํขิตฺตํ).

นเหตุปจฺจยา อารมฺมเณ เอกํ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)