๑-๗. ปฏิจฺจวาราทิ
ปจฺจยจตุกฺกํ
เหตุปจฺจโย
๑๒๔. ทสฺสเนน ปหาตพฺพเหตุกํ เหตุํ ธมฺมํ ปฏิจฺจ ทสฺสเนน ปหาตพฺพเหตุโก เหตุ ธมฺโม อุปฺปชฺชติ เหตุปจฺจยา. (๑)
ภาวนาย ปหาตพฺพเหตุกํ เหตุํ ธมฺมํ ปฏิจฺจ ภาวนาย ปหาตพฺพเหตุโก เหตุ ธมฺโม อุปฺปชฺชติ เหตุปจฺจยา. (๑)
เนวทสฺสเนน นภาวนาย ปหาตพฺพเหตุกํ เหตุํ ธมฺมํ ปฏิจฺจ เนวทสฺสเนน นภาวนาย ปหาตพฺพเหตุโก เหตุ ธมฺโม อุปฺปชฺชติ เหตุปจฺจยา (๑) (สํขิตฺตํ.)
๑๒๕. เหตุยา ตีณิ, อารมฺมเณ ตีณิ…เป… อวิคเต ตีณิ (สํขิตฺตํ).
นอธิปติยา ตีณิ, นปุเรชาเต ตีณิ…เป… นวิปฺปยุตฺเต ตีณิ (สํขิตฺตํ. สหชาตวารมฺปิ …เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ).
๑๒๖. ทสฺสเนน ปหาตพฺพเหตุโก เหตุ ธมฺโม ทสฺสเนน ปหาตพฺพเหตุกสฺส เหตุสฺส ธมฺมสฺส เหตุปจฺจเยน ปจฺจโย (สํขิตฺตํ).
เหตุยา ตีณิ, อารมฺมเณ อฏฺฐ, อธิปติยา ฉ…เป… อวิคเต ตีณิ (สํขิตฺตํ).
นเหตุยา อฏฺฐ, นอารมฺมเณ อฏฺฐ (สํขิตฺตํ).
เหตุปจฺจยา นอารมฺมเณ ตีณิ (สํขิตฺตํ).
นเหตุปจฺจยา อารมฺมเณ อฏฺฐ (สํขิตฺตํ).
(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)