๗. ปญฺหาวาโร

ปจฺจยจตุกฺกํ

๘๐. สวิตกฺกสวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส เหตุปจฺจเยน ปจฺจโย. (๑)

อวิตกฺกวิจารมตฺโต เหตุ ธมฺโม อวิตกฺกวิจารมตฺตสฺส เหตุสฺส ธมฺมสฺส เหตุปจฺจเยน ปจฺจโย. (๑)

อวิตกฺกอวิจาโร เหตุ ธมฺโม อวิตกฺกอวิจารสฺส เหตุสฺส ธมฺมสฺส เหตุปจฺจเยน ปจฺจโย. (๑)

๘๑. สวิตกฺกสวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อารมฺมณปจฺจเยน ปจฺจโย. สวิตกฺกสวิจาโร เหตุ ธมฺโม อวิตกฺกอวิจารสฺส เหตุสฺส ธมฺมสฺส อารมฺมณปจฺจเยน ปจฺจโย. (๒)

อวิตกฺกวิจารมตฺโต เหตุ ธมฺโม สวิตกฺกสวิจารสฺส เหตุสฺส ธมฺมสฺส อารมฺมณปจฺจเยน ปจฺจโย. อวิตกฺกวิจารมตฺโต เหตุ ธมฺโม อวิตกฺกอวิจารสฺส เหตุสฺส ธมฺมสฺส อารมฺมณปจฺจเยน ปจฺจโย. (๒)

อวิตกฺกอวิจาโร เหตุ ธมฺโม อวิตกฺกอวิจารสฺส เหตุสฺส ธมฺมสฺส อารมฺมณปจฺจเยน ปจฺจโย. อวิตกฺกอวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อารมฺมณปจฺจเยน ปจฺจโย. (๒)

๘๒. สวิตกฺกสวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อธิปติปจฺจเยน ปจฺจโย. (๑)

อวิตกฺกวิจารมตฺโต เหตุ ธมฺโม อวิตกฺกวิจารมตฺตสฺส เหตุสฺส ธมฺมสฺส อธิปติปจฺจเยน ปจฺจโย. อวิตกฺกวิจารมตฺโต เหตุ ธมฺโม สวิตกฺกสวิจารสฺส เหตุสฺส ธมฺมสฺส อธิปติปจฺจเยน ปจฺจโย. (๒)

อวิตกฺกอวิจาโร เหตุ ธมฺโม อวิตกฺกอวิจารสฺส เหตุสฺส ธมฺมสฺส อธิปติปจฺจเยน ปจฺจโย. อวิตกฺกอวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อธิปติปจฺจเยน ปจฺจโย. (๒)

๘๓. สวิตกฺกสวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อนนฺตรปจฺจเยน ปจฺจโย… ตีณิ.

อวิตกฺกวิจารมตฺโต เหตุ ธมฺโม อวิตกฺกวิจารมตฺตสฺส เหตุสฺส ธมฺมสฺส อนนฺตรปจฺจเยน ปจฺจโย … ตีณิ.

อวิตกฺกอวิจาโร เหตุ ธมฺโม อวิตกฺกอวิจารสฺส เหตุสฺส ธมฺมสฺส อนนฺตรปจฺจเยน ปจฺจโย… ตีณิ…เป….

สวิตกฺกสวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อุปนิสฺสยปจฺจเยน ปจฺจโย… นว (สํขิตฺตํ).

๘๔. เหตุยา ตีณิ, อารมฺมเณ ฉ, อธิปติยา ปญฺจ, อนนฺตเร นว, สมนนฺตเร นว, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย นว, อาเสวเน ปญฺจ, วิปาเก ตีณิ…เป… อวิคเต ตีณิ.

นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ ตีณิ (สํขิตฺตํ).

นเหตุปจฺจยา อารมฺมเณ ฉ (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

นเหตุปทํ.