๗. ปญฺหาวาโร

ปจฺจยจตุกฺกํ

อารมฺมณ-อธิปติปจฺจยา

๗๕. สํกิลิฏฺฐสํกิเลสิโก นเหตุ ธมฺโม สํกิลิฏฺฐสํกิเลสิกสฺส นเหตุสฺส ธมฺมสฺส อารมฺมณปจฺจเยน ปจฺจโย… เทฺว.

อสํกิลิฏฺฐสํกิเลสิโก นเหตุ ธมฺโม อสํกิลิฏฺฐสํกิเลสิกสฺส นเหตุสฺส ธมฺมสฺส อารมฺมณปจฺจเยน ปจฺจโย… เทฺว.

อสํกิลิฏฺฐอสํกิเลสิโก นเหตุ ธมฺโม อสํกิลิฏฺฐอสํกิเลสิกสฺส นเหตุสฺส ธมฺมสฺส อารมฺมณปจฺจเยน ปจฺจโย… เทฺว.

๗๖. สํกิลิฏฺฐสํกิเลสิโก นเหตุ ธมฺโม สํกิลิฏฺฐสํกิเลสิกสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิ.

อสํกิลิฏฺฐสํกิเลสิโก นเหตุ ธมฺโม อสํกิลิฏฺฐสํกิเลสิกสฺส นเหตุสฺส ธมฺมสฺส อธิปติปจฺจเยน ปจฺจโย… เทฺว.

อสํกิลิฏฺฐอสํกิเลสิโก นเหตุ ธมฺโม อสํกิลิฏฺฐอสํกิเลสิกสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิ (สํขิตฺตํ).

๗๗. อารมฺมเณ ฉ, อธิปติยา อฏฺฐ, อนนฺตเร สตฺต, สมนนฺตเร สตฺต, สหชาเต นว, อญฺญมญฺเญ ตีณิ, นิสฺสเย เตรส, อุปนิสฺสเย อฏฺฐ, อาเสวเน ตีณิ, กมฺเม สตฺต, วิปาเก จตฺตาริ, อาหาเร สตฺต…เป… อวิคเต เตรส (สํขิตฺตํ).

นเหตุยา จุทฺทส, นอารมฺมเณ จุทฺทส (สํขิตฺตํ).

อารมฺมณปจฺจยา นเหตุยา ฉ (สํขิตฺตํ).

นเหตุปจฺจยา อารมฺมเณ ฉ (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)