๗. ปญฺหาวาโร

ปจฺจยจตุกฺกํ

๓๙. วิปาโก เหตุ ธมฺโม วิปากสฺส เหตุสฺส ธมฺมสฺส เหตุปจฺจเยน ปจฺจโย. (๑)

วิปากธมฺมธมฺโม เหตุ ธมฺโม วิปากธมฺมธมฺมสฺส เหตุสฺส ธมฺมสฺส เหตุปจฺจเยน ปจฺจโย. (๑)

เนววิปากนวิปากธมฺมธมฺโม เหตุ ธมฺโม เนววิปากนวิปากธมฺมธมฺมสฺส เหตุสฺส ธมฺมสฺส เหตุปจฺจเยน ปจฺจโย. (๑)

๔๐. วิปาโก เหตุ ธมฺโม วิปากสฺส เหตุสฺส ธมฺมสฺส อารมฺมณปจฺจเยน ปจฺจโย. วิปาโก เหตุ ธมฺโม วิปากธมฺมธมฺมสฺส เหตุสฺส ธมฺมสฺส อารมฺมณปจฺจเยน ปจฺจโย. วิปาโก เหตุ ธมฺโม เนววิปากนวิปากธมฺมธมฺมสฺส เหตุสฺส ธมฺมสฺส อารมฺมณปจฺจเยน ปจฺจโย. (๓)

วิปากธมฺมธมฺโม เหตุ ธมฺโม วิปากธมฺมธมฺมสฺส เหตุสฺส ธมฺมสฺส อารมฺมณปจฺจเยน ปจฺจโย. วิปากธมฺมธมฺโม เหตุ ธมฺโม วิปากสฺส เหตุสฺส ธมฺมสฺส อารมฺมณปจฺจเยน ปจฺจโย. วิปากธมฺมธมฺโม เหตุ ธมฺโม เนววิปากนวิปากธมฺมธมฺมสฺส เหตุสฺส ธมฺมสฺส อารมฺมณปจฺจเยน ปจฺจโย. (๓)

เนววิปากนวิปากธมฺมธมฺโม เหตุ ธมฺโม เนววิปากนวิปากธมฺมธมฺมสฺส เหตุสฺส ธมฺมสฺส อารมฺมณปจฺจเยน ปจฺจโย… ตีณิ.

๔๑. วิปาโก เหตุ ธมฺโม วิปากสฺส เหตุสฺส ธมฺมสฺส อธิปติปจฺจเยน ปจฺจโย. วิปาโก เหตุ ธมฺโม วิปากธมฺมธมฺมสฺส เหตุสฺส ธมฺมสฺส อธิปติปจฺจเยน ปจฺจโย. วิปาโก เหตุ ธมฺโม เนววิปากนวิปากธมฺมธมฺมสฺส เหตุสฺส ธมฺมสฺส อธิปติปจฺจเยน ปจฺจโย … ตีณิ.

วิปากธมฺมธมฺโม เหตุ ธมฺโม วิปากธมฺมธมฺมสฺส เหตุสฺส ธมฺมสฺส อธิปติปจฺจเยน ปจฺจโย… เทฺว.

เนววิปากนวิปากธมฺมธมฺโม เหตุ ธมฺโม เนววิปากนวิปากธมฺมธมฺมสฺส เหตุสฺส ธมฺมสฺส อธิปติปจฺจเยน ปจฺจโย. (๑) (สํขิตฺตํ.)

๔๒. เหตุยา ตีณิ, อารมฺมเณ นว, อธิปติยา ฉ, อนนฺตเร ปญฺจ, สมนนฺตเร ปญฺจ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย นว, อาเสวเน เทฺว, วิปาเก เอกํ…เป… อวิคเต ตีณิ (สํขิตฺตํ).

นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ ตีณิ (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

นเหตุปทปจฺจยจตุกฺกํ

๔๓. วิปากํ นเหตุํ ธมฺมํ ปฏิจฺจ วิปาโก นเหตุ ธมฺโม อุปฺปชฺชติ เหตุปจฺจยา. วิปากํ นเหตุํ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ เหตุปจฺจยา. วิปากํ นเหตุํ ธมฺมํ ปฏิจฺจ วิปาโก นเหตุ จ เนววิปากนวิปากธมฺมธมฺโม นเหตุ จ ธมฺมา อุปฺปชฺชนฺติ เหตุปจฺจยา. (๓)

วิปากธมฺมธมฺมํ นเหตุํ ธมฺมํ ปฏิจฺจ วิปากธมฺมธมฺโม นเหตุ ธมฺโม อุปฺปชฺชติ เหตุปจฺจยา. วิปากธมฺมธมฺมํ นเหตุํ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ เหตุปจฺจยา. วิปากธมฺมธมฺมํ นเหตุํ ธมฺมํ ปฏิจฺจ วิปากธมฺมธมฺโม นเหตุ จ เนววิปากนวิปากธมฺมธมฺโม นเหตุ จ ธมฺมา อุปฺปชฺชนฺติ เหตุปจฺจยา. (๓)

เนววิปากนวิปากธมฺมธมฺมํ นเหตุํ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ เหตุปจฺจยา… ตีณิ.

วิปากํ นเหตุญฺจ เนววิปากนวิปากธมฺมธมฺมํ นเหตุญฺจ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ เหตุปจฺจยา… ตีณิ.

วิปากธมฺมธมฺมํ นเหตุญฺจ เนววิปากนวิปากธมฺมธมฺมํ นเหตุญฺจ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ เหตุปจฺจยา (สํขิตฺตํ).

๔๔. เหตุยา เตรส, อารมฺมเณ ปญฺจ, อธิปติยา นว, อนนฺตเร ปญฺจ, สมนนฺตเร ปญฺจ, สหชาเต เตรส, อญฺญมญฺเญ สตฺต, นิสฺสเย เตรส, อุปนิสฺสเย ปญฺจ, ปุเรชาเต ตีณิ, อาเสวเน เทฺว, กมฺเม เตรส, วิปาเก นว, อาหาเร เตรส…เป… สมฺปยุตฺเต ปญฺจ…เป… อวิคเต เตรส (สํขิตฺตํ).

นเหตุ-นอารมฺมณปจฺจยา

๔๕. วิปากํ นเหตุํ ธมฺมํ ปฏิจฺจ วิปาโก นเหตุ ธมฺโม อุปฺปชฺชติ นเหตุปจฺจยา… นว.

วิปากํ นเหตุํ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ นอารมฺมณปจฺจยา (สํขิตฺตํ).

๔๖. นเหตุยา นว, นอารมฺมเณ ปญฺจ, นอธิปติยา เตรส, นอนนฺตเร ปญฺจ, นสมนนฺตเร ปญฺจ, นอญฺญมญฺเญ ปญฺจ, นอุปนิสฺสเย ปญฺจ, นปุเรชาเต ทฺวาทส, นปจฺฉาชาเต เตรส, นอาเสวเน เตรส, นกมฺเม เทฺว, นวิปาเก ปญฺจ, นวิปฺปยุตฺเต ตีณิ…เป… โนวิคเต ปญฺจ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)