๑-๗. ปฏิจฺจวาราทิ

ปจฺจยจตุกฺกํ

๑๘. สรณํ สวิตกฺกสวิจารํ ธมฺมํ ปฏิจฺจ สรโณ สวิตกฺกสวิจาโร ธมฺโม อุปฺปชฺชติ เหตุปจฺจยา. (๑)

อรณํ สวิตกฺกสวิจารํ ธมฺมํ ปฏิจฺจ อรโณ สวิตกฺกสวิจาโร ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๙. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ. สหชาตวารมฺปิ…เป… ปญฺหาวารมฺปิ วิตฺถาเรตพฺพํ).

๒๐. อรณํ อวิตกฺกวิจารมตฺตํ ธมฺมํ ปฏิจฺจ อรโณ อวิตกฺกวิจารมตฺโต ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ…เป… อวิคเต เอกํ (สํขิตฺตํ. สหชาตวาเรปิ…เป… ปญฺหาวาเรปิ สพฺพตฺถ เอกํ).

๒๑. อรณํ อวิตกฺกอวิจารํ ธมฺมํ ปฏิจฺจ อรโณ อวิตกฺกอวิจาโร ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ (สพฺพตฺถ เอกํ)…เป… อวิคเต เอกํ (สํขิตฺตํ).