๑-๗. ปฏิจฺจวาราทิ

ปจฺจยจตุกฺกํ

๖๗. สรณํ อชฺฌตฺตารมฺมณํ ธมฺมํ ปฏิจฺจ สรโณ อชฺฌตฺตารมฺมโณ ธมฺโม อุปฺปชฺชติ เหตุปจฺจยา. (๑)

อรณํ อชฺฌตฺตารมฺมณํ ธมฺมํ ปฏิจฺจ อรโณ อชฺฌตฺตารมฺมโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา เทฺว, อารมฺมเณ เทฺว…เป… อวิคเต เทฺว. (สํขิตฺตํ.) (สหชาตวาเรปิ …เป… ปญฺหาวาเรปิ สพฺพตฺถ วิตฺถาเรตพฺโพ.)

๖๘. สรณํ พหิทฺธารมฺมณํ ธมฺมํ ปฏิจฺจ สรโณ พหิทฺธารมฺมโณ ธมฺโม อุปฺปชฺชติ เหตุปจฺจยา. (๑)

อรณํ พหิทฺธารมฺมณํ ธมฺมํ ปฏิจฺจ อรโณ พหิทฺธารมฺมโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา เทฺว, อารมฺมเณ เทฺว…เป… อวิคเต เทฺว. (สํขิตฺตํ.) (สหชาตวาเรปิ…เป… ปญฺหาวาเรปิ สพฺพตฺถ วิตฺถาเรตพฺโพ.)