๑-๗. ปฏิจฺจวาราทิ

ปจฺจยจตุกฺกํ

๓๘. อรณํ เสกฺขํ ธมฺมํ ปฏิจฺจ อรโณ เสกฺโข ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ. (สํขิตฺตํ.) (สหชาตวาเรปิ…เป… ปญฺหาวาเรปิ สพฺพตฺถ เอกํ.)

๓๙. อรณํ อเสกฺขํ ธมฺมํ ปฏิจฺจ อรโณ อเสกฺโข ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ. (สํขิตฺตํ.) (สหชาตวาเรปิ…เป… ปญฺหาวาเรปิ สพฺพตฺถ เอกํ.)

๔๐. สรณํ เนวเสกฺขนาเสกฺขํ ธมฺมํ ปฏิจฺจ สรโณ เนวเสกฺขนาเสกฺโข ธมฺโม อุปฺปชฺชติ เหตุปจฺจยา… ตีณิ.

อรณํ เนวเสกฺขนาเสกฺขํ ธมฺมํ ปฏิจฺจ อรโณ เนวเสกฺขนาเสกฺโข ธมฺโม อุปฺปชฺชติ เหตุปจฺจยา. (๑)

สรณํ เนวเสกฺขนาเสกฺขญฺจ อรณํ เนวเสกฺขนาเสกฺขญฺจ ธมฺมํ ปฏิจฺจ อรโณ เนวเสกฺขนาเสกฺโข ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๔๑. เหตุยา ปญฺจ, อารมฺมเณ เทฺว, อธิปติยา ปญฺจ…เป… อวิคเต ปญฺจ. (สํขิตฺตํ. สหชาตวาเรปิ…เป… ปญฺหาวาเรปิ สพฺพตฺถ วิตฺถาเรตพฺโพ.)