๑-๗. ปฏิจฺจวาราทิ

ปจฺจยจตุกฺกํ

๒๘. สรณํ ทสฺสเนน ปหาตพฺพํ ธมฺมํ ปฏิจฺจ สรโณ ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ. สหชาตวาเรปิ …เป… ปญฺหาวาเรปิ สพฺพตฺถ เอกํ).

๒๙. สรณํ ภาวนาย ปหาตพฺพํ ธมฺมํ ปฏิจฺจ สรโณ ภาวนาย ปหาตพฺโพ ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ. สหชาตวาเรปิ…เป… ปญฺหาวาเรปิ สพฺพตฺถ เอกํ).

๓๐. อรณํ เนวทสฺสเนน นภาวนาย ปหาตพฺพํ ธมฺมํ ปฏิจฺจ อรโณ เนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยา.

เหตุยา เอกํ (สพฺพตฺถ เอกํ)…เป… อวิคเต เอกํ (สํขิตฺตํ).