๑-๗. ปฏิจฺจวาราทิ

ปจฺจยจตุกฺกํ

๑. สรณํ สุขาย เวทนาย สมฺปยุตฺตํ ธมฺมํ ปฏิจฺจ สรโณ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. (๑)

อรณํ สุขาย เวทนาย สมฺปยุตฺตํ ธมฺมํ ปฏิจฺจ อรโณ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒. เหตุยา เทฺว, อารมฺมเณ เทฺว…เป… กมฺเม เทฺว, วิปาเก เอกํ…เป… อวิคเต เทฺว (สํขิตฺตํ. สหชาตวาโรปิ…เป… ปญฺหาวาโรปิ สพฺพตฺถ วิตฺถาเรตพฺพา).

๓. สรณํ ทุกฺขาย เวทนาย สมฺปยุตฺตํ ธมฺมํ ปฏิจฺจ สรโณ ทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. (๑)

สรณํ ทุกฺขาย เวทนาย สมฺปยุตฺตํ ธมฺมํ ปฏิจฺจ สรโณ ทุกฺขาย เวทนาย สมฺปยุตฺโต ธมฺโม อุปฺปชฺชติ อารมฺมณปจฺจยา. (๑) (สํขิตฺตํ.)

๔. เหตุยา เอกํ, อารมฺมเณ เทฺว…เป… อวิคเต เทฺว (สํขิตฺตํ. สหชาตวารมฺปิ…เป… ปญฺหาวารมฺปิ วิตฺถาเรตพฺพํ).

๕. สรณํ อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ สรโณ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. (๑)

อรณํ อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ อรโณ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา (สํขิตฺตํ).

๖. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ. สหชาตวารมฺปิ…เป… ปญฺหาวารมฺปิ สพฺพตฺถ วิตฺถาเรตพฺพํ).

สรณทุกเวทนาตฺติกํ นิฏฺฐิตํ.