๑-๖. ปฏิจฺจวาราทิ

ปจฺจยจตุกฺกํ

๒๓. สวิตกฺกํ กุสลํ ธมฺมํ ปฏิจฺจ สวิตกฺโก กุสโล ธมฺโม อุปฺปชฺชติ เหตุปจฺจยา. สวิตกฺกํ กุสลํ ธมฺมํ ปฏิจฺจ อวิตกฺโก กุสโล ธมฺโม อุปฺปชฺชติ เหตุปจฺจยา. สวิตกฺกํ กุสลํ ธมฺมํ ปฏิจฺจ สวิตกฺโก กุสโล จ อวิตกฺโก กุสโล จ ธมฺมา อุปฺปชฺชนฺติ เหตุปจฺจยา. (๓)

อวิตกฺกํ กุสลํ ธมฺมํ ปฏิจฺจ อวิตกฺโก กุสโล ธมฺโม อุปฺปชฺชติ เหตุปจฺจยา. อวิตกฺกํ กุสลํ ธมฺมํ ปฏิจฺจ สวิตกฺโก กุสโล ธมฺโม อุปฺปชฺชติ เหตุปจฺจยา. (๒)

สวิตกฺกํ กุสลญฺจ อวิตกฺกํ กุสลญฺจ ธมฺมํ ปฏิจฺจ สวิตกฺโก กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๔. เหตุยา ฉ, อารมฺมเณ ฉ (สพฺพตฺถ ฉ), อวิคเต ฉ (สํขิตฺตํ).

นอธิปติยา ฉ, นปุเรชาเต ฉ…เป… นกมฺเม จตฺตาริ…เป… นวิปฺปยุตฺเต ฉ (สํขิตฺตํ. สหชาตวารมฺปิ…เป… สมฺปยุตฺตวารมฺปิ วิตฺถาเรตพฺพํ).