๑-๗. ปฏิจฺจวาราทิ

ปจฺจยจตุกฺกํ

๑๐๑. สอุตฺตรํ กุสลํ ธมฺมํ ปฏิจฺจ สอุตฺตโร กุสโล ธมฺโม อุปฺปชฺชติ เหตุปจฺจยา. (๑)

อนุตฺตรํ กุสลํ ธมฺมํ ปฏิจฺจ อนุตฺตโร กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๐๒. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ. สหชาตวาโรปิ…เป… ปญฺหาวาโรปิ สพฺพตฺถ วิตฺถาเรตพฺพา).

๑๐๓. สอุตฺตรํ อกุสลํ ธมฺมํ ปฏิจฺจ สอุตฺตโร อกุสโล ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ. สหชาตวาเรปิ…เป… ปญฺหาวาเรปิ สพฺพตฺถ เอกํ).

สอุตฺตรํ อพฺยากตํ ธมฺมํ ปฏิจฺจ สอุตฺตโร อพฺยากโต ธมฺโม อุปฺปชฺชติ เหตุปจฺจยา. (๑)

อนุตฺตรํ อพฺยากตํ ธมฺมํ ปฏิจฺจ อนุตฺตโร อพฺยากโต ธมฺโม อุปฺปชฺชติ เหตุปจฺจยา… ตีณิ. (๓)

สอุตฺตรํ อพฺยากตญฺจ อนุตฺตรํ อพฺยากตญฺจ ธมฺมํ ปฏิจฺจ สอุตฺตโร อพฺยากโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๐๔. เหตุยา ปญฺจ, อารมฺมเณ เทฺว…เป… อวิคเต ปญฺจ (สํขิตฺตํ. สหชาตวารมฺปิ…เป… ปญฺหาวารมฺปิ สพฺพตฺถ วิตฺถาเรตพฺพํ โลกิยทุกอพฺยากตสทิสํ).