๑-๗. ปฏิจฺจวาราทิ

ปจฺจยจตุกฺกํ

๙๔. นิยตํ กุสลํ ธมฺมํ ปฏิจฺจ นิยโต กุสโล ธมฺโม อุปฺปชฺชติ เหตุปจฺจยา. (๑)

อนิยตํ กุสลํ ธมฺมํ ปฏิจฺจ อนิยโต กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๙๕. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ. โลกิยทุกกุสลสทิสํ. สหชาตวารมฺปิ…เป… ปญฺหาวารมฺปิ วิตฺถาเรตพฺพํ).

๙๖. นิยตํ อกุสลํ ธมฺมํ ปฏิจฺจ นิยโต อกุสโล ธมฺโม อุปฺปชฺชติ เหตุปจฺจยา. (๑)

อนิยตํ อกุสลํ ธมฺมํ ปฏิจฺจ อนิยโต อกุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๙๗. เหตุยา เทฺว, อารมฺมเณ เทฺว (สพฺพตฺถ เทฺว), อวิคเต เทฺว (สํขิตฺตํ).

นเหตุยา เอกํ, นอธิปติยา เทฺว, นปุเรชาเต เอกํ…เป… นกมฺเม เทฺว…เป… นวิปฺปยุตฺเต เอกํ (สํขิตฺตํ. สหชาตวาราทิ วิตฺถาเรตพฺโพ).

๙๘. นิยโต อกุสโล ธมฺโม นิยตสฺส อกุสลสฺส ธมฺมสฺส เหตุปจฺจเยน ปจฺจโย. (๑)

อนิยโต อกุสโล ธมฺโม อนิยตสฺส อกุสลสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๙๙. เหตุยา เทฺว, อารมฺมเณ ตีณิ, อธิปติยา เทฺว (นิยเต สหชาตาธิปติ, ทุติเย อารมฺมณาธิปติ สหชาตาธิปติ), อนนฺตเร เทฺว…เป… นิสฺสเย เทฺว, อุปนิสฺสเย ตีณิ, อาเสวเน เทฺว, กมฺเม เทฺว…เป… อวิคเต เทฺว (สํขิตฺตํ).

๑๐๐. อนิยตํ อพฺยากตํ ธมฺมํ ปฏิจฺจ อนิยโต อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ. สหชาตวาเรปิ…เป… ปญฺหาวาเรปิ สพฺพตฺถ เอกํ).