๑-๗. ปฏิจฺจวาราทิ

ปจฺจยจตุกฺกํ

๘๕. ปริยาปนฺนํ กุสลํ ธมฺมํ ปฏิจฺจ ปริยาปนฺโน กุสโล ธมฺโม อุปฺปชฺชติ เหตุปจฺจยา. (๑)

อปริยาปนฺนํ กุสลํ ธมฺมํ ปฏิจฺจ อปริยาปนฺโน กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๘๖. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ. โลกิยทุกกุสลสทิสํ. สหชาตวาโรปิ…เป… ปญฺหาวาโรปิ วิตฺถาเรตพฺพา).

๘๗. ปริยาปนฺนํ อกุสลํ ธมฺมํ ปฏิจฺจ ปริยาปนฺโน อกุสโล ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ).

๘๘. ปริยาปนฺนํ อพฺยากตํ ธมฺมํ ปฏิจฺจ ปริยาปนฺโน อพฺยากโต ธมฺโม อุปฺปชฺชติ เหตุปจฺจยา. (๑)

อปริยาปนฺนํ อพฺยากตํ ธมฺมํ ปฏิจฺจ อปริยาปนฺโน อพฺยากโต ธมฺโม อุปฺปชฺชติ เหตุปจฺจยา… ตีณิ.

ปริยาปนฺนํ อพฺยากตญฺจ อปริยาปนฺนํ อพฺยากตญฺจ ธมฺมํ ปฏิจฺจ ปริยาปนฺโน อพฺยากโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๘๙. เหตุยา ปญฺจ, อารมฺมเณ เทฺว…เป… อวิคเต ปญฺจ (สํขิตฺตํ. โลกิยทุกอพฺยากตสทิสํ. สหชาตวารมฺปิ…เป… ปญฺหาวารมฺปิ สพฺพตฺถ วิตฺถาเรตพฺพํ).