๑-๗. ปฏิจฺจวาราทิ

ปจฺจยจตุกฺกํ

๗๗. อรูปาวจรํ กุสลํ ธมฺมํ ปฏิจฺจ อรูปาวจโร กุสโล ธมฺโม อุปฺปชฺชติ เหตุปจฺจยา. (๑)

นอรูปาวจรํ กุสลํ ธมฺมํ ปฏิจฺจ นอรูปาวจโร กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๗๘. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ).

นอธิปติยา เทฺว…เป… นอาเสวเน เอกํ…เป… นวิปฺปยุตฺเต เทฺว (สํขิตฺตํ. สหชาตวาราทิ วิตฺถาเรตพฺโพ).

๗๙. อรูปาวจโร กุสโล ธมฺโม อรูปาวจรสฺส กุสลสฺส ธมฺมสฺส เหตุปจฺจเยน ปจฺจโย. (๑)

นอรูปาวจโร กุสโล ธมฺโม นอรูปาวจรสฺส กุสลสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๘๐. เหตุยา เทฺว, อารมฺมเณ ตีณิ, อธิปติยา ตีณิ, อนนฺตเร ตีณิ…เป… สหชาเต เทฺว…เป… อุปนิสฺสเย จตฺตาริ, อาเสวเน ตีณิ, กมฺเม เทฺว…เป… อตฺถิยา เทฺว, นตฺถิยา ตีณิ…เป… อวิคเต เทฺว (สํขิตฺตํ).

๘๑. นอรูปาวจรํ อกุสลํ ธมฺมํ ปฏิจฺจ นอรูปาวจโร อกุสโล ธมฺโม อุปฺปชฺชติ เหตุปจฺจยา… เอกํ (สพฺพตฺถ เอกํ, สํขิตฺตํ).

อรูปาวจรํ อพฺยากตํ ธมฺมํ ปฏิจฺจ อรูปาวจโร อพฺยากโต ธมฺโม อุปฺปชฺชติ เหตุปจฺจยา… ตีณิ.

นอรูปาวจรํ อพฺยากตํ ธมฺมํ ปฏิจฺจ นอรูปาวจโร อพฺยากโต ธมฺโม อุปฺปชฺชติ เหตุปจฺจยา. (๑)

อรูปาวจรํ อพฺยากตญฺจ นอรูปาวจรํ อพฺยากตญฺจ ธมฺมํ ปฏิจฺจ นอรูปาวจโร อพฺยากโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๘๒. เหตุยา ปญฺจ, อารมฺมเณ เทฺว, อธิปติยา ปญฺจ…เป… อวิคเต ปญฺจ (สํขิตฺตํ).

นเหตุยา เอกํ, นอารมฺมเณ ตีณิ, นอธิปติยา เทฺว…เป… นปุเรชาเต จตฺตาริ, นปจฺฉาชาเต นอาเสวเน ปญฺจ, นกมฺเม เทฺว, นวิปาเก ปญฺจ, นอาหาเร เอกํ…เป… นวิปฺปยุตฺเต เทฺว…เป… โนวิคเต ตีณิ (สํขิตฺตํ. สหชาตวาราทิ วิตฺถาเรตพฺโพ).

๘๓. อรูปาวจโร อพฺยากโต ธมฺโม อรูปาวจรสฺส อพฺยากตสฺส ธมฺมสฺส เหตุปจฺจเยน ปจฺจโย… ตีณิ.

นอรูปาวจโร อพฺยากโต ธมฺโม นอรูปาวจรสฺส อพฺยากตสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๘๔. เหตุยา จตฺตาริ, อารมฺมเณ ตีณิ (อรูปาวจรมูเล เทฺว, นอรูปาวจเร เอกํ), อธิปติยา จตฺตาริ (อรูปาวจรมูเล ตีณิ, นอรูเป เอกํ), อนนฺตเร จตฺตาริ…เป… สหชาเต ปญฺจ, อญฺญมญฺเญ เทฺว, นิสฺสเย สตฺต, อุปนิสฺสเย จตฺตาริ, ปุเรชาเต เทฺว, ปจฺฉาชาเต เทฺว, อาเสวเน ตีณิ, กมฺเม จตฺตาริ, วิปาเก เทฺว…เป… สมฺปยุตฺเต เทฺว, วิปฺปยุตฺเต ตีณิ, อตฺถิยา สตฺต, นตฺถิยา จตฺตาริ…เป… อวิคเต สตฺต (สํขิตฺตํ).