๑-๗. ปฏิจฺจวาราทิ

ปจฺจยจตุกฺกํ

๗๑. รูปาวจรํ กุสลํ ธมฺมํ ปฏิจฺจ รูปาวจโร กุสโล ธมฺโม อุปฺปชฺชติ เหตุปจฺจยา. (๑)

นรูปาวจรํ กุสลํ ธมฺมํ ปฏิจฺจ นรูปาวจโร กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๗๒. เหตุยา เทฺว, อารมฺมเณ เทฺว (สพฺพตฺถ เทฺว, สํขิตฺตํ).

นอธิปติยา เทฺว…เป… นปุเรชาเต เอกํ, นอาเสวเน เอกํ…เป… นวิปฺปยุตฺเต เอกํ (สํขิตฺตํ. สหชาตวาราทิ วิตฺถาเรตพฺโพ).

๗๓. รูปาวจโร กุสโล ธมฺโม รูปาวจรสฺส กุสลสฺส ธมฺมสฺส เหตุปจฺจเยน ปจฺจโย. (๑)

นรูปาวจโร กุสโล ธมฺโม นรูปาวจรสฺส กุสลสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๗๔. เหตุยา เทฺว, อารมฺมเณ จตฺตาริ, อธิปติยา ตีณิ (รูปาวจเร เอกํ, สหชาตาธิปติเยว, นรูปาวจเร เทฺว), อนนฺตเร ตีณิ (รูปาวจเร เอกํ, นรูปาวจเร เทฺว), สมนนฺตเร ตีณิ, สหชาเต เทฺว…เป… อุปนิสฺสเย จตฺตาริ, อาเสวเน ตีณิ, กมฺเม เทฺว…เป… อตฺถิยา เทฺว, นตฺถิยา ตีณิ…เป… อวิคเต เทฺว (สํขิตฺตํ).

๗๕. นรูปาวจรํ อกุสลํ ธมฺมํ ปฏิจฺจ นรูปาวจโร อกุสโล ธมฺโม อุปฺปชฺชติ เหตุปจฺจยา (สพฺพตฺถ เอกํ).

รูปาวจรํ อพฺยากตํ ธมฺมํ ปฏิจฺจ รูปาวจโร อพฺยากโต ธมฺโม อุปฺปชฺชติ เหตุปจฺจยา… ตีณิ.

นรูปาวจรํ อพฺยากตํ ธมฺมํ ปฏิจฺจ นรูปาวจโร อพฺยากโต ธมฺโม อุปฺปชฺชติ เหตุปจฺจยา… ตีณิ.

รูปาวจรํ อพฺยากตญฺจ นรูปาวจรํ อพฺยากตญฺจ ธมฺมํ ปฏิจฺจ รูปาวจโร อพฺยากโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๗๖. เหตุยา นว, อารมฺมเณ จตฺตาริ, อธิปติยา ปญฺจ…เป… ปุเรชาเต อาเสวเน เทฺว…เป… อวิคเต นว (สํขิตฺตํ. ยถา กามาวจรทุกอพฺยากตสทิสํ, เอตฺตกาเยว ปญฺหา เหฏฺฐุปริกํ ปริวตฺตนฺติ. สหชาตวารมฺปิ…เป… ปญฺหาวารมฺปิ สพฺพตฺถ วิตฺถาเรตพฺพํ).