๑-๗. ปฏิจฺจวาราทิ

ปจฺจยจตุกฺกํ

๖๒. กามาวจรํ กุสลํ ธมฺมํ ปฏิจฺจ กามาวจโร กุสโล ธมฺโม อุปฺปชฺชติ เหตุปจฺจยา. (๑)

นกามาวจรํ กุสลํ ธมฺมํ ปฏิจฺจ นกามาวจโร กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๖๓. เหตุยา เทฺว, อารมฺมเณ เทฺว (สพฺพตฺถ เทฺว), อวิคเต เทฺว (สํขิตฺตํ).

นอธิปติยา เทฺว…เป… นวิปฺปยุตฺเต เทฺว. (สํขิตฺตํ.)

(สหชาตวาราทิ วิตฺถาเรตพฺโพ.)

๖๔. กามาวจโร กุสโล ธมฺโม กามาวจรสฺส กุสลสฺส ธมฺมสฺส เหตุปจฺจเยน ปจฺจโย. (๑)

นกามาวจโร กุสโล ธมฺโม นกามาวจรสฺส กุสลสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๖๕. เหตุยา เทฺว, อารมฺมเณ จตฺตาริ, อธิปติยา ตีณิ (กามาวจเร เอกํ, นกามาวจเร เทฺว), อนนฺตเร ตีณิ (กามาวจเร เทฺว, นกามาวจเร เอกํ)…เป… สหชาเต เทฺว …เป… อุปนิสฺสเย จตฺตาริ, อาเสวเน ตีณิ, กมฺเม เทฺว, อาหาเร เทฺว…เป… นตฺถิยา ตีณิ…เป… อวิคเต เทฺว (สํขิตฺตํ).

๖๖. กามาวจรํ อกุสลํ ธมฺมํ ปฏิจฺจ กามาวจโร อกุสโล ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๖๗. กามาวจรํ อพฺยากตํ ธมฺมํ ปฏิจฺจ กามาวจโร อพฺยากโต ธมฺโม อุปฺปชฺชติ เหตุปจฺจยา… ตีณิ.

นกามาวจรํ อพฺยากตํ ธมฺมํ ปฏิจฺจ นกามาวจโร อพฺยากโต ธมฺโม อุปฺปชฺชติ เหตุปจฺจยา… ตีณิ.

กามาวจรํ อพฺยากตญฺจ นกามาวจรํ อพฺยากตญฺจ ธมฺมํ ปฏิจฺจ กามาวจโร อพฺยากโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๖๘. เหตุยา นว, อารมฺมเณ จตฺตาริ, อธิปติยา ปญฺจ…เป… อญฺญมญฺเญ ฉ…เป… ปุเรชาเต เทฺว, อาเสวเน เทฺว…เป… อวิคเต นว (สํขิตฺตํ).

นเหตุยา เอกํ, นอารมฺมเณ ตีณิ, นอธิปติยา นว…เป… นกมฺเม เทฺว, นวิปาเก ปญฺจ, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค เอกํ, นสมฺปยุตฺเต ตีณิ, นวิปฺปยุตฺเต เทฺว, โนนตฺถิยา ตีณิ, โนวิคเต ตีณิ (สํขิตฺตํ. สหชาตวาราทิ วิตฺถาเรตพฺโพ).

๖๙. กามาวจโร อพฺยากโต ธมฺโม กามาวจรสฺส อพฺยากตสฺส ธมฺมสฺส เหตุปจฺจเยน ปจฺจโย. (๑)

นกามาวจโร อพฺยากโต ธมฺโม นกามาวจรสฺส อพฺยากตสฺส ธมฺมสฺส เหตุปจฺจเยน ปจฺจโย… ตีณิ (สํขิตฺตํ).

๗๐. เหตุยา จตฺตาริ, อารมฺมเณ จตฺตาริ, อธิปติยา จตฺตาริ (กามาวจเร เอกํ, นกามาวจเร ตีณิ, กามาวจเร สหชาตาธิปติเยว), อนนฺตเร จตฺตาริ, สมนนฺตเร จตฺตาริ, สหชาเต สตฺต, อญฺญมญฺเญ ฉ, นิสฺสเย สตฺต, อุปนิสฺสเย จตฺตาริ, ปุเรชาเต เทฺว, ปจฺฉาชาเต เทฺว, อาเสวเน ตีณิ, กมฺเม จตฺตาริ, วิปาเก จตฺตาริ, อาหาเร จตฺตาริ…เป… สมฺปยุตฺเต เทฺว, วิปฺปยุตฺเต ตีณิ, อตฺถิยา สตฺต, นตฺถิยา จตฺตาริ…เป… อวิคเต สตฺต (สํขิตฺตํ).