๑-๗. ปฏิจฺจวาราทิ

ปจฺจยจตุกฺกํ

๓๗. สวิจารํ กุสลํ ธมฺมํ ปฏิจฺจ สวิจาโร กุสโล ธมฺโม อุปฺปชฺชติ เหตุปจฺจยา… ตีณิ.

อวิจารํ กุสลํ ธมฺมํ ปฏิจฺจ อวิจาโร กุสโล ธมฺโม อุปฺปชฺชติ เหตุปจฺจยา… เทฺว.

สวิจารํ กุสลญฺจ อวิจารํ กุสลญฺจ ธมฺมํ ปฏิจฺจ สวิจาโร กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๓๘. เหตุยา ฉ, อารมฺมเณ ฉ…เป… อวิคเต ฉ (สํขิตฺตํ. สวิตกฺกทุกกุสลสทิสํ. สหชาตวารมฺปิ…เป… ปญฺหาวารมฺปิ วิตฺถาเรตพฺพํ).

๓๙. สวิจารํ อกุสลํ ธมฺมํ ปฏิจฺจ สวิจาโร อกุสโล ธมฺโม อุปฺปชฺชติ เหตุปจฺจยา… ตีณิ.

อวิจารํ อกุสลํ ธมฺมํ ปฏิจฺจ สวิจาโร อกุสโล ธมฺโม อุปฺปชฺชติ เหตุปจฺจยา. (๑)

สวิจารํ อกุสลญฺจ อวิจารํ อกุสลญฺจ ธมฺมํ ปฏิจฺจ สวิจาโร อกุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๔๐. เหตุยา ปญฺจ, อารมฺมเณ ปญฺจ…เป… อวิคเต ปญฺจ (สํขิตฺตํ. สวิตกฺกทุกอกุสลสทิสํ. สหชาตวารมฺปิ…เป… ปญฺหาวารมฺปิ วิตฺถาเรตพฺพํ).

๔๑. สวิจารํ อพฺยากตํ ธมฺมํ ปฏิจฺจ สวิจาโร อพฺยากโต ธมฺโม อุปฺปชฺชติ เหตุปจฺจยา… ตีณิ.

อวิจารํ อพฺยากตํ ธมฺมํ ปฏิจฺจ อวิจาโร อพฺยากโต ธมฺโม อุปฺปชฺชติ เหตุปจฺจยา… ตีณิ.

สวิจารํ อพฺยากตญฺจ อวิจารํ อพฺยากตญฺจ ธมฺมํ ปฏิจฺจ สวิจาโร อพฺยากโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๔๒. เหตุยา นว, อารมฺมเณ นว…เป… วิปาเก นว…เป… อวิคเต นว (สํขิตฺตํ. สวิตกฺกทุกอพฺยากตสทิสํ. สหชาตวาโรปิ…เป… สมฺปยุตฺตวาโรปิ วิตฺถาเรตพฺพา).

๔๓. สวิจาโร อพฺยากโต ธมฺโม สวิจารสฺส อพฺยากตสฺส ธมฺมสฺส เหตุปจฺจเยน ปจฺจโย (สํขิตฺตํ).

๔๔. เหตุยา จตฺตาริ, อารมฺมเณ นว…เป… มคฺเค จตฺตาริ …เป… อวิคเต นว (สํขิตฺตํ).

นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ จตฺตาริ (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)