๑-๗. ปฏิจฺจวาราทิ

ปจฺจยจตุกฺกํ

๑. นทสฺสเนน ปหาตพฺพํ กุสลํ ธมฺมํ ปฏิจฺจ นทสฺสเนน ปหาตพฺโพ กุสโล ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ, อธิปติยา เอกํ…เป… อวิคเต เอกํ (สํขิตฺตํ. สหชาตวาเรปิ…เป… ปญฺหาวาเรปิ สพฺพตฺถ เอกํ).

๒. ทสฺสเนน ปหาตพฺพํ อกุสลํ ธมฺมํ ปฏิจฺจ ทสฺสเนน ปหาตพฺโพ อกุสโล ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เทฺว, อารมฺมเณ เทฺว, อธิปติยา เทฺว…เป… อวิคเต เทฺว (สํขิตฺตํ).

๓. ทสฺสเนน ปหาตพฺพํ อกุสลํ ธมฺมํ ปฏิจฺจ ทสฺสเนน ปหาตพฺโพ อกุสโล ธมฺโม อุปฺปชฺชติ นเหตุปจฺจยา – วิจิกิจฺฉาสหคเต ขนฺเธ ปฏิจฺจ วิจิกิจฺฉาสหคโต โมโห. (๑)

นทสฺสเนน ปหาตพฺพํ อกุสลํ ธมฺมํ ปฏิจฺจ นทสฺสเนน ปหาตพฺโพ อกุสโล ธมฺโม อุปฺปชฺชติ นเหตุปจฺจยา. (๑) (สํขิตฺตํ.)

๔. นเหตุยา เทฺว, นอธิปติยา เทฺว, นปุเรชาเต เทฺว…เป… นกมฺเม เทฺว, นวิปาเก เทฺว, นวิปฺปยุตฺเต เทฺว (สํขิตฺตํ. สหชาตวาเรปิ…เป… สมฺปยุตฺตวาเรปิ สพฺพตฺถ วิตฺถาเรตพฺพํ).

๕. ทสฺสเนน ปหาตพฺโพ อกุสโล ธมฺโม ทสฺสเนน ปหาตพฺพสฺส อกุสลสฺส ธมฺมสฺส เหตุปจฺจเยน ปจฺจโย. (๑)

นทสฺสเนน ปหาตพฺโพ อกุสโล ธมฺโม นทสฺสเนน ปหาตพฺพสฺส อกุสลสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๖. เหตุยา เทฺว, อารมฺมเณ ตีณิ (ทสฺสเน เอกํ, นทสฺสเน เทฺว), อธิปติยา ตีณิ (ทสฺสเนน ปหาตพฺพมูลกํ เอกํ, นทสฺสเน เทฺว, อารมฺมณาธิปติ, สหชาตาธิปติ, เอการมฺมณาธิปติ), อนนฺตเร เทฺว (ทสฺสนมูลกํ เอกํ, นทสฺสเน เอกํ), สมนนฺตเร เทฺว, สหชาเต เทฺว…เป… อุปนิสฺสเย ตีณิ, อาเสวเน เทฺว, กมฺเม เทฺว, อาหาเร เทฺว…เป… สมฺปยุตฺเต เทฺว, อตฺถิยา เทฺว, นตฺถิยา เทฺว…เป… อวิคเต เทฺว (สํขิตฺตํ).

๗. นทสฺสเนน ปหาตพฺพํ อพฺยากตํ ธมฺมํ ปฏิจฺจ นทสฺสเนน ปหาตพฺโพ อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ …เป… ปญฺหาวาเรปิ สพฺพตฺถ เอกํ.)