๑-๗. ปฏิจฺจวาราทิ

ปจฺจยจตุกฺกํ

๒๐. สํกิเลสิกญฺเจว โน จ กิเลสํ กุสลํ ธมฺมํ ปฏิจฺจ สํกิเลสิโก เจว โน จ กิเลโส กุสโล ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๒๑. กิเลสญฺเจว สํกิเลสิกญฺจ อกุสลํ ธมฺมํ ปฏิจฺจ กิเลโส เจว สํกิเลสิโก จ อกุสโล ธมฺโม อุปฺปชฺชติ เหตุปจฺจยา… ตีณิ.

สํกิเลสิกญฺเจว โน จ กิเลสํ อกุสลํ ธมฺมํ ปฏิจฺจ สํกิเลสิโก เจว โน จ กิเลโส อกุสโล ธมฺโม อุปฺปชฺชติ เหตุปจฺจยา… ตีณิ.

กิเลสญฺเจว สํกิเลสิกํ อกุสลญฺจ สํกิเลสิกญฺเจว โน จ กิเลสํ อกุสลญฺจ ธมฺมํ ปฏิจฺจ กิเลโส เจว สํกิเลสิโก จ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๒๒. เหตุยา นว, อารมฺมเณ นว…เป… อวิคเต นว (สํขิตฺตํ, กิเลสทุกอกุสลสทิสํ. สหชาตวาเรปิ…เป… ปญฺหาวาเรปิ สพฺพตฺถ วิตฺถาเรตพฺพํ).

๒๓. สํกิเลสิกญฺเจว โน จ กิเลสํ อพฺยากตํ ธมฺมํ ปฏิจฺจ สํกิเลสิโก เจว โน จ กิเลโส อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ …เป… ปญฺหาวาเรปิ สพฺพตฺถ เอกํ.)