๑-๗. ปฏิจฺจวาราทิ

ปจฺจยจตุกฺกํ

๒๘. กิเลสวิปฺปยุตฺตํ สํกิเลสิกํ กุสลํ ธมฺมํ ปฏิจฺจ กิเลสวิปฺปยุตฺโต สํกิเลสิโก กุสโล ธมฺโม อุปฺปชฺชติ เหตุปจฺจยา. (๑)

กิเลสวิปฺปยุตฺตํ อสํกิเลสิกํ กุสลํ ธมฺมํ ปฏิจฺจ กิเลสวิปฺปยุตฺโต อสํกิเลสิโก กุสโล ธมฺโม อุปฺปชฺชติ เหตุปจฺจยา (สํขิตฺตํ).

๒๙. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ. โลกิยทุกกุสลสทิสํ. สหชาตวาเรปิ…เป… ปญฺหาวาเรปิ วิตฺถาเรตพฺพํ).

๓๐. กิเลสวิปฺปยุตฺตํ สํกิเลสิกํ อพฺยากตํ ธมฺมํ ปฏิจฺจ กิเลสวิปฺปยุตฺโต สํกิเลสิโก อพฺยากโต ธมฺโม อุปฺปชฺชติ เหตุปจฺจยา. (๑)

กิเลสวิปฺปยุตฺตํ อสํกิเลสิกํ อพฺยากตํ ธมฺมํ ปฏิจฺจ กิเลสวิปฺปยุตฺโต อสํกิเลสิโก อพฺยากโต ธมฺโม อุปฺปชฺชติ เหตุปจฺจยา… ตีณิ.

กิเลสวิปฺปยุตฺตํ สํกิเลสิกํ อพฺยากตญฺจ กิเลสวิปฺปยุตฺตํ อสํกิเลสิกํ อพฺยากตญฺจ ธมฺมํ ปฏิจฺจ กิเลสวิปฺปยุตฺโต สํกิเลสิโก อพฺยากโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๓๑. เหตุยา ปญฺจ, อารมฺมเณ เทฺว…เป… อาเสวเน เอกํ…เป… อวิคเต ปญฺจ (สํขิตฺตํ. โลกิยทุกอพฺยากตสทิสํ. สหชาตวาเรปิ…เป… ปญฺหาวาเรปิ สพฺพตฺถ วิตฺถาเรตพฺพํ).

กิเลสโคจฺฉกกุสลตฺติกํ นิฏฺฐิตํ.