๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๑. โนกิเลสํ กุสลํ ธมฺมํ ปฏิจฺจ โนกิเลโส กุสโล ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๒. กิเลสํ อกุสลํ ธมฺมํ ปฏิจฺจ กิเลโส อกุสโล ธมฺโม อุปฺปชฺชติ เหตุปจฺจยา… ตีณิ.

โนกิเลสํ อกุสลํ ธมฺมํ ปฏิจฺจ โนกิเลโส อกุสโล ธมฺโม อุปฺปชฺชติ เหตุปจฺจยา… ตีณิ.

กิเลสํ อกุสลญฺจ โนกิเลสํ อกุสลญฺจ ธมฺมํ ปฏิจฺจ กิเลโส อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๓. เหตุยา นว, อารมฺมเณ นว (สพฺพตฺถ นว), อวิคเต นว (สํขิตฺตํ).

๔. กิเลสํ อกุสลํ ธมฺมํ ปฏิจฺจ กิเลโส อกุสโล ธมฺโม อุปฺปชฺชติ นเหตุปจฺจยา – วิจิกิจฺฉํ ปฏิจฺจ วิจิกิจฺฉาสหคโต โมโห, อุทฺธจฺจํ ปฏิจฺจ อุทฺธจฺจสหคโต โมโห (๑).

โนกิเลสํ อกุสลํ ธมฺมํ ปฏิจฺจ กิเลโส อกุสโล ธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต โมโห. (๑)

กิเลสํ อกุสลญฺจ โนกิเลสํ อกุสลญฺจ ธมฺมํ ปฏิจฺจ กิเลโส อกุสโล ธมฺโม อุปฺปชฺชติ นเหตุปจฺจยา – วิจิกิจฺฉาสหคเต ขนฺเธ จ วิจิกิจฺฉญฺจ ปฏิจฺจ วิจิกิจฺฉาสหคโต โมโห, อุทฺธจฺจสหคเต ขนฺเธ จ อุทฺธจฺจญฺจ ปฏิจฺจ อุทฺธจฺจสหคโต โมโห. (๑) (สํขิตฺตํ.)

๕. นเหตุยา ตีณิ, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ, สหชาตวาราทิ วิตฺถาเรตพฺโพ).

๖. กิเลโส อกุสโล ธมฺโม กิเลสสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๗. เหตุยา ตีณิ, อารมฺมเณ นว, อธิปติยา นว (มชฺเฌ ตีณิ สหชาตาธิปติ), อนนฺตเร นว, สมนนฺตเร นว…เป… อุปนิสฺสเย นว, อาเสวเน นว, กมฺเม ตีณิ, อาหาเร ตีณิ, อินฺทฺริเย ตีณิ, ฌาเน ตีณิ, มคฺเค นว, สมฺปยุตฺเต นว…เป… อวิคเต นว (สํขิตฺตํ).

โนกิเลสํ อพฺยากตํ ธมฺมํ ปฏิจฺจ โนกิเลโส อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

๘. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)