๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๑๕. อุปาทานวิปฺปยุตฺตํ กุสลํ ธมฺมํ ปฏิจฺจ อุปาทานวิปฺปยุตฺโต กุสโล ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๑๖. อุปาทานสมฺปยุตฺตํ อกุสลํ ธมฺมํ ปฏิจฺจ อุปาทานสมฺปยุตฺโต อกุสโล ธมฺโม อุปฺปชฺชติ เหตุปจฺจยา… ตีณิ.

อุปาทานวิปฺปยุตฺตํ อกุสลํ ธมฺมํ ปฏิจฺจ อุปาทานวิปฺปยุตฺโต อกุสโล ธมฺโม อุปฺปชฺชติ เหตุปจฺจยา… เทฺว.

อุปาทานสมฺปยุตฺตํ อกุสลญฺจ อุปาทานวิปฺปยุตฺตํ อกุสลญฺจ ธมฺมํ ปฏิจฺจ อุปาทานสมฺปยุตฺโต อกุสโล ธมฺโม อุปฺปชฺชติ เหตุปจฺจยา (สํขิตฺตํ).

๑๗. เหตุยา ฉ, อารมฺมเณ ฉ (สพฺพตฺถ ฉ), อวิคเต ฉ (สํขิตฺตํ).

นเหตุยา เอกํ, นอธิปติยา ฉ…เป… นกมฺเม จตฺตาริ, นวิปาเก ฉ, นวิปฺปยุตฺเต ฉ (สํขิตฺตํ. สหชาตวาราทิ วิตฺถาเรตพฺโพ).

๑๘. อุปาทานสมฺปยุตฺโต อกุสโล ธมฺโม อุปาทานสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย… ตีณิ.

อุปาทานวิปฺปยุตฺโต อกุสโล ธมฺโม อุปาทานวิปฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย… เทฺว.

อุปาทานสมฺปยุตฺโต อกุสโล จ อุปาทานวิปฺปยุตฺโต อกุสโล จ ธมฺมา อุปาทานสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๑๙. เหตุยา ฉ, อารมฺมเณ นว, อธิปติยา นว (อุปาทานสมฺปยุตฺตมูลเก ตีณิ, สหชาตาธิปติ, อุปาทานวิปฺปยุตฺเต เอกํ), อนนฺตเร นว, สมนนฺตเร นว, สหชาเต ฉ, อญฺญมญฺเญ ฉ, นิสฺสเย ฉ, อุปนิสฺสเย นว, อาเสวเน นว, กมฺเม จตฺตาริ, อาหาเร จตฺตาริ, อินฺทฺริเย จตฺตาริ, ฌาเน จตฺตาริ, มคฺเค จตฺตาริ, สมฺปยุตฺเต ฉ, อตฺถิยา ฉ, นตฺถิยา นว, วิคเต นว, อวิคเต ฉ (สํขิตฺตํ).

๒๐. อุปาทานวิปฺปยุตฺตํ อพฺยากตํ ธมฺมํ ปฏิจฺจ อุปาทานวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ).