๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๒๘. อุปาทานวิปฺปยุตฺตํ อุปาทานิยํ กุสลํ ธมฺมํ ปฏิจฺจ อุปาทานวิปฺปยุตฺโต อุปาทานิโย กุสโล ธมฺโม อุปฺปชฺชติ เหตุปจฺจยา. (๑)

อุปาทานวิปฺปยุตฺตํ อนุปาทานิยํ กุสลํ ธมฺมํ ปฏิจฺจ อุปาทานวิปฺปยุตฺโต อนุปาทานิโย กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๙. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ. โลกิยทุกกุสลสทิสํ. สหชาตวารมฺปิ…เป… ปญฺหาวารมฺปิ วิตฺถาเรตพฺพํ).

๓๐. อุปาทานวิปฺปยุตฺตํ อุปาทานิยํ อกุสลํ ธมฺมํ ปฏิจฺจ อุปาทานวิปฺปยุตฺโต อุปาทานิโย อกุสโล ธมฺโม อุปฺปชฺชติ เหตุปจฺจยา (สพฺพตฺถ เอกํ).

อุปาทานวิปฺปยุตฺตํ อุปาทานิยํ อพฺยากตํ ธมฺมํ ปฏิจฺจ อุปาทานวิปฺปยุตฺโต อุปาทานิโย อพฺยากโต ธมฺโม อุปฺปชฺชติ เหตุปจฺจยา. (๑)

อุปาทานวิปฺปยุตฺตํ อนุปาทานิยํ อพฺยากตํ ธมฺมํ ปฏิจฺจ อุปาทานวิปฺปยุตฺโต อนุปาทานิโย อพฺยากโต ธมฺโม อุปฺปชฺชติ เหตุปจฺจยา… ตีณิ.

อุปาทานวิปฺปยุตฺตํ อุปาทานิยํ อพฺยากตญฺจ อุปาทานวิปฺปยุตฺตํ อนุปาทานิยํ อพฺยากตญฺจ ธมฺมํ ปฏิจฺจ อุปาทานวิปฺปยุตฺโต อุปาทานิโย อพฺยากโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๓๑. เหตุยา ปญฺจ, อารมฺมเณ เทฺว…เป… อวิคเต ปญฺจ (สํขิตฺตํ. โลกิยทุกอพฺยากตสทิสํ. สหชาตวารมฺปิ…เป… ปญฺหาวารมฺปิ สพฺพตฺถ วิตฺถาเรตพฺพํ).

อุปาทานโคจฺฉกกุสลตฺติกํ นิฏฺฐิตํ.