๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๑๙. เจตสิกํ กุสลํ ธมฺมํ ปฏิจฺจ เจตสิโก กุสโล ธมฺโม อุปฺปชฺชติ เหตุปจฺจยา. เจตสิกํ กุสลํ ธมฺมํ ปฏิจฺจ อเจตสิโก กุสโล ธมฺโม อุปฺปชฺชติ เหตุปจฺจยา. เจตสิกํ กุสลํ ธมฺมํ ปฏิจฺจ เจตสิโก กุสโล จ อเจตสิโก กุสโล จ ธมฺมา อุปฺปชฺชนฺติ เหตุปจฺจยา. (๓)

อเจตสิกํ กุสลํ ธมฺมํ ปฏิจฺจ เจตสิโก กุสโล ธมฺโม อุปฺปชฺชติ เหตุปจฺจยา. (๑)

เจตสิกํ กุสลญฺจ อเจตสิกํ กุสลญฺจ ธมฺมํ ปฏิจฺจ เจตสิโก กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๐. เหตุยา ปญฺจ, อารมฺมเณ ปญฺจ, อธิปติยา ปญฺจ…เป… อวิคเต ปญฺจ.

นอธิปติยา ปญฺจ, นปุเรชาเต ปญฺจ…เป… นกมฺเม ตีณิ, นวิปาเก ปญฺจ…เป… นวิปฺปยุตฺเต ปญฺจ (สํขิตฺตํ, สหชาตวาราทิ วิตฺถาเรตพฺโพ).

๒๑. เจตสิโก กุสโล ธมฺโม เจตสิกสฺส กุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๒๒. เหตุยา ตีณิ, อารมฺมเณ นว, อธิปติยา นว (อาทิมฺหิ ตีณิ, สหชาตาธิปติ, มชฺฌิเมสุ ตีสุ มชฺฌิมานุโลมิกาเยว ปญฺหา, สหชาตาธิปติ,) อนนฺตเร นว…เป… สหชาเต ปญฺจ…เป… อุปนิสฺสเย นว, อาเสวเน นว, กมฺเม ตีณิ, อาหาเร ปญฺจ, อินฺทฺริเย ปญฺจ, ฌาเน ตีณิ, มคฺเค ตีณิ, สมฺปยุตฺเต ปญฺจ, อตฺถิยา ปญฺจ, นตฺถิยา นว…เป… อวิคเต ปญฺจ (สํขิตฺตํ).

๒๓. เจตสิกํ อกุสลํ ธมฺมํ ปฏิจฺจ เจตสิโก อกุสโล ธมฺโม อุปฺปชฺชติ เหตุปจฺจยา. เจตสิกํ อกุสลํ ธมฺมํ ปฏิจฺจ อเจตสิโก อกุสโล ธมฺโม อุปฺปชฺชติ เหตุปจฺจยา. เจตสิกํ อกุสลํ ธมฺมํ ปฏิจฺจ เจตสิโก อกุสโล จ อเจตสิโก อกุสโล จ ธมฺมา อุปฺปชฺชนฺติ เหตุปจฺจยา. (๓)

อเจตสิกํ อกุสลํ ธมฺมํ ปฏิจฺจ เจตสิโก อกุสโล ธมฺโม อุปฺปชฺชติ เหตุปจฺจยา. (๑)

เจตสิกํ อกุสลญฺจ อเจตสิกํ อกุสลญฺจ ธมฺมํ ปฏิจฺจ เจตสิโก อกุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๔. เหตุยา ปญฺจ, อารมฺมเณ ปญฺจ…เป… อวิคเต ปญฺจ (สํขิตฺตํ, ยถา กุสลนยํ เอวํ นเหตุปจฺจยมฺปิ กาตพฺพํ). (สหชาตวารมฺปิ…เป… ปญฺหาวารมฺปิ วิตฺถาเรตพฺพํ).

๒๕. เจตสิกํ อพฺยากตํ ธมฺมํ ปฏิจฺจ เจตสิโก อพฺยากโต ธมฺโม อุปฺปชฺชติ เหตุปจฺจยา. เจตสิกํ อพฺยากตํ ธมฺมํ ปฏิจฺจ อเจตสิโก อพฺยากโต ธมฺโม อุปฺปชฺชติ เหตุปจฺจยา. เจตสิกํ อพฺยากตํ ธมฺมํ ปฏิจฺจ เจตสิโก อพฺยากโต จ อเจตสิโก อพฺยากโต จ ธมฺมา อุปฺปชฺชนฺติ เหตุปจฺจยา. (๓)

อเจตสิกํ อพฺยากตํ ธมฺมํ ปฏิจฺจ อเจตสิโก อพฺยากโต ธมฺโม อุปฺปชฺชติ เหตุปจฺจยา… ตีณิ.

เจตสิกํ อพฺยากตญฺจ อเจตสิกํ อพฺยากตญฺจ ธมฺมํ ปฏิจฺจ เจตสิโก อพฺยากโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๒๖. เหตุยา นว, อารมฺมเณ นว, อธิปติยา นว…เป… ปุเรชาเต อาเสวเน ปญฺจ, กมฺเม นว, วิปาเก นว…เป… อวิคเต นว (สํขิตฺตํ).

นเหตุยา นว, นอารมฺมเณ ตีณิ, นอธิปติยา นว (สพฺเพ กาตพฺพา)…เป… นกมฺเม จตฺตาริ, นวิปาเก นว, นอาหาเร เอกํ, นอินฺทฺริเย เอกํ, นฌาเน ฉ, นมคฺเค นว, นสมฺปยุตฺเต ตีณิ, นวิปฺปยุตฺเต ฉ…เป… โนวิคเต ตีณิ. (สํขิตฺตํ, สหชาตวาราทิ วิตฺถาเรตพฺโพ).

๒๗. เจตสิโก อพฺยากโต ธมฺโม เจตสิกสฺส อพฺยากตสฺส ธมฺมสฺส เหตุปจฺจเยน ปจฺจโย (สํขิตฺตํ).

๒๘. เหตุยา ตีณิ, อารมฺมเณ นว, อธิปติยา นว (เอตฺถ ฉสุ สหชาตาธิปติ), อนนฺตเร นว…เป… สหชาเต นว, อญฺญมญฺเญ นว, นิสฺสเย นว, อุปนิสฺสเย นว, ปุเรชาเต ตีณิ, อาเสวเน นว, กมฺเม ตีณิ, วิปาเก นว, อาหาเร นว, อินฺทฺริเย นว, ฌาเน ตีณิ, มคฺเค ตีณิ, สมฺปยุตฺเต ปญฺจ, วิปฺปยุตฺเต ปญฺจ, อตฺถิยา นว…เป… อวิคเต นว (สํขิตฺตํ).