๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๙. จิตฺตํ กุสลํ ธมฺมํ ปฏิจฺจ โนจิตฺโต กุสโล ธมฺโม อุปฺปชฺชติ เหตุปจฺจยา. (๑)

โนจิตฺตํ กุสลํ ธมฺมํ ปฏิจฺจ โนจิตฺโต กุสโล ธมฺโม อุปฺปชฺชติ เหตุปจฺจยา. โนจิตฺตํ กุสลํ ธมฺมํ ปฏิจฺจ จิตฺโต กุสโล ธมฺโม อุปฺปชฺชติ เหตุปจฺจยา. โนจิตฺตํ กุสลํ ธมฺมํ ปฏิจฺจ จิตฺโต กุสโล จ โนจิตฺโต กุสโล จ ธมฺมา อุปฺปชฺชนฺติ เหตุปจฺจยา. (๓)

จิตฺตํ กุสลญฺจ โนจิตฺตํ กุสลญฺจ ธมฺมํ ปฏิจฺจ โนจิตฺโต กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๐. เหตุยา ปญฺจ, อารมฺมเณ ปญฺจ (สพฺพตฺถ ปญฺจ), อวิคเต ปญฺจ (สํขิตฺตํ).

นอธิปติยา ปญฺจ, นปุเรชาเต ปญฺจ, นปจฺฉาชาเต ปญฺจ, นอาเสวเน ปญฺจ, นกมฺเม ตีณิ, นวิปาเก ปญฺจ, นวิปฺปยุตฺเต ปญฺจ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ วิตฺถาเรตพฺพํ.)

๑๑. โนจิตฺโต กุสโล ธมฺโม โนจิตฺตสฺส กุสลสฺส ธมฺมสฺส เหตุปจฺจเยน ปจฺจโย. โนจิตฺโต กุสโล ธมฺโม จิตฺตสฺส กุสลสฺส ธมฺมสฺส เหตุปจฺจเยน ปจฺจโย. โนจิตฺโต กุสโล ธมฺโม จิตฺตสฺส กุสลสฺส จ โนจิตฺตสฺส กุสลสฺส จ ธมฺมสฺส เหตุปจฺจเยน ปจฺจโย. (๓) (สํขิตฺตํ.)

๑๒. เหตุยา ตีณิ, อารมฺมเณ นว, อธิปติยา นว, อนนฺตเร นว…เป… สหชาเต อญฺญมญฺเญ นิสฺสเย ปญฺจ, อุปนิสฺสเย อาเสวเน นว, กมฺเม ตีณิ, อาหาเร อินฺทฺริเย ปญฺจ, ฌาเน มคฺเค ตีณิ, สมฺปยุตฺเต ปญฺจ…เป… อวิคเต ปญฺจ (สํขิตฺตํ).

นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ ตีณิ (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

๑๓. จิตฺตํ อกุสลํ ธมฺมํ ปฏิจฺจ โนจิตฺโต อกุสโล ธมฺโม อุปฺปชฺชติ เหตุปจฺจยา. (๑)

โนจิตฺตํ อกุสลํ ธมฺมํ ปฏิจฺจ โนจิตฺโต อกุสโล ธมฺโม อุปฺปชฺชติ เหตุปจฺจยา. โนจิตฺตํ อกุสลํ ธมฺมํ ปฏิจฺจ จิตฺโต อกุสโล ธมฺโม อุปฺปชฺชติ เหตุปจฺจยา. โนจิตฺตํ อกุสลํ ธมฺมํ ปฏิจฺจ จิตฺโต อกุสโล จ โนจิตฺโต อกุสโล จ ธมฺมา อุปฺปชฺชนฺติ เหตุปจฺจยา. (๓)

จิตฺตํ อกุสลญฺจ โนจิตฺตํ อกุสลญฺจ ธมฺมํ ปฏิจฺจ โนจิตฺโต อกุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๔. เหตุยา ปญฺจ, อารมฺมเณ ปญฺจ…เป… อวิคเต ปญฺจ. (สํขิตฺตํ. จิตฺตทุกกุสลสทิสํ, นเหตุยาปิ กตฺตพฺพํ. สหชาตวารมฺปิ…เป… ปญฺหาวารมฺปิ กาตพฺพํ).

๑๕. จิตฺตํ อพฺยากตํ ธมฺมํ ปฏิจฺจ โนจิตฺโต อพฺยากโต ธมฺโม อุปฺปชฺชติ เหตุปจฺจยา. (๑)

โนจิตฺตํ อพฺยากตํ ธมฺมํ ปฏิจฺจ โนจิตฺโต อพฺยากโต ธมฺโม อุปฺปชฺชติ เหตุปจฺจยา. โนจิตฺตํ อพฺยากตํ ธมฺมํ ปฏิจฺจ จิตฺโต อพฺยากโต ธมฺโม อุปฺปชฺชติ เหตุปจฺจยา. โนจิตฺตํ อพฺยากตํ ธมฺมํ ปฏิจฺจ จิตฺโต อพฺยากโต จ โนจิตฺโต อพฺยากโต จ ธมฺมา อุปฺปชฺชนฺติ เหตุปจฺจยา. (๓)

จิตฺตํ อพฺยากตญฺจ โนจิตฺตํ อพฺยากตญฺจ ธมฺมํ ปฏิจฺจ โนจิตฺโต อพฺยากโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๖. เหตุยา ปญฺจ, อารมฺมเณ ปญฺจ…เป… วิปาเก ปญฺจ…เป… อวิคเต ปญฺจ (สํขิตฺตํ).

นเหตุยา ปญฺจ, นอารมฺมเณ ตีณิ, นอธิปติยา ปญฺจ…เป… นปุเรชาเต นปจฺฉาชาเต นอาเสวเน ปญฺจ, นกมฺเม ตีณิ, นวิปาเก ปญฺจ, นอาหาเร เอกํ, นอินฺทฺริเย เอกํ, นฌาเน ปญฺจ, นมคฺเค ปญฺจ, นสมฺปยุตฺเต ตีณิ, นวิปฺปยุตฺเต ปญฺจ…เป… โนวิคเต ตีณิ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ วิตฺถาเรตพฺพํ.)

๑๗. โนจิตฺโต อพฺยากโต ธมฺโม โนจิตฺตสฺส อพฺยากตสฺส ธมฺมสฺส เหตุปจฺจเยน ปจฺจโย… ตีณิ (จิตฺตทุกกุสลสทิสํ วิตฺถาเรตพฺพํ).

๑๘. เหตุยา ตีณิ, อารมฺมเณ นว, อธิปติยา นว, อนนฺตเร นว…เป… สหชาเต ปญฺจ, ปุเรชาเต ตีณิ, อาเสวเน นว, กมฺเม ตีณิ, วิปาเก ปญฺจ, วิปฺปยุตฺเต ปญฺจ, อตฺถิยา ปญฺจ, นตฺถิยา นว…เป… อวิคเต ปญฺจ (สํขิตฺตํ).