๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๗๓. จิตฺตสํสฏฺฐสมุฏฺฐานสหภุํ กุสลํ ธมฺมํ ปฏิจฺจ จิตฺตสํสฏฺฐสมุฏฺฐานสหภู กุสโล ธมฺโม อุปฺปชฺชติ เหตุปจฺจยา… ตีณิ.

โนจิตฺตสํสฏฺฐสมุฏฺฐานสหภุํ กุสลํ ธมฺมํ ปฏิจฺจ จิตฺตสํสฏฺฐสมุฏฺฐานสหภู กุสโล ธมฺโม อุปฺปชฺชติ เหตุปจฺจยา. (๑)

จิตฺตสํสฏฺฐสมุฏฺฐานสหภุํ กุสลญฺจ โนจิตฺตสํสฏฺฐสมุฏฺฐานสหภุํ กุสลญฺจ ธมฺมํ ปฏิจฺจ จิตฺตสํสฏฺฐสมุฏฺฐานสหภู กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๗๔. เหตุยา ปญฺจ, อารมฺมเณ ปญฺจ…เป… อวิคเต ปญฺจ (สํขิตฺตํ).

(สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)

๗๕. จิตฺตสํสฏฺฐสมุฏฺฐานสหภุํ อกุสลํ ธมฺมํ ปฏิจฺจ จิตฺตสํสฏฺฐสมุฏฺฐานสหภู อกุสโล ธมฺโม อุปฺปชฺชติ เหตุปจฺจยา… ตีณิ.

โนจิตฺตสํสฏฺฐสมุฏฺฐานสหภุํ อกุสลํ ธมฺมํ ปฏิจฺจ จิตฺตสํสฏฺฐสมุฏฺฐานสหภู อกุสโล ธมฺโม อุปฺปชฺชติ เหตุปจฺจยา. (๑)

จิตฺตสํสฏฺฐสมุฏฺฐานสหภุํ อกุสลญฺจ โนจิตฺตสํสฏฺฐสมุฏฺฐานสหภุํ อกุสลญฺจ ธมฺมํ ปฏิจฺจ จิตฺตสํสฏฺฐสมุฏฺฐานสหภู อกุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๗๖. เหตุยา ปญฺจ, อารมฺมเณ ปญฺจ…เป… อวิคเต ปญฺจ (สํขิตฺตํ).

(สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)

๗๗. จิตฺตสํสฏฺฐสมุฏฺฐานสหภุํ อพฺยากตํ ธมฺมํ ปฏิจฺจ จิตฺตสํสฏฺฐสมุฏฺฐานสหภู อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

๗๘. เหตุยา นว, อารมฺมเณ นว…เป… อวิคเต นว. (สํขิตฺตํ. จิตฺตสํสฏฺฐสมุฏฺฐานทุกอพฺยากตสทิสํ. สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)