๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๔๓. จิตฺตสมุฏฺฐานํ กุสลํ ธมฺมํ ปฏิจฺจ จิตฺตสมุฏฺฐาโน กุสโล ธมฺโม อุปฺปชฺชติ เหตุปจฺจยา. จิตฺตสมุฏฺฐานํ กุสลํ ธมฺมํ ปฏิจฺจ โนจิตฺตสมุฏฺฐาโน กุสโล ธมฺโม อุปฺปชฺชติ เหตุปจฺจยา. จิตฺตสมุฏฺฐานํ กุสลํ ธมฺมํ ปฏิจฺจ จิตฺตสมุฏฺฐาโน กุสโล จ โนจิตฺตสมุฏฺฐาโน กุสโล จ ธมฺมา อุปฺปชฺชนฺติ เหตุปจฺจยา. (๓)

โนจิตฺตสมุฏฺฐานํ กุสลํ ธมฺมํ ปฏิจฺจ จิตฺตสมุฏฺฐาโน กุสโล ธมฺโม อุปฺปชฺชติ เหตุปจฺจยา. (๑)

จิตฺตสมุฏฺฐานํ กุสลญฺจ โนจิตฺตสมุฏฺฐานํ กุสลญฺจ ธมฺมํ ปฏิจฺจ จิตฺตสมุฏฺฐาโน กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๔๔. เหตุยา ปญฺจ, อารมฺมเณ ปญฺจ (สพฺพตฺถ ปญฺจ), อวิคเต ปญฺจ (สํขิตฺตํ).

นอธิปติยา ปญฺจ, นปุเรชาเต ปญฺจ…เป… นกมฺเม ตีณิ, นวิปาเก ปญฺจ…เป… นวิปฺปยุตฺเต ปญฺจ (สํขิตฺตํ, สหชาตวาราทิ วิตฺถาเรตพฺโพ).

๔๕. จิตฺตสมุฏฺฐาโน กุสโล ธมฺโม จิตฺตสมุฏฺฐานสฺส กุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๔๖. เหตุยา ตีณิ, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต ปญฺจ…เป… อุปนิสฺสเย นว, อาเสวเน นว, กมฺเม ตีณิ, อาหาเร ปญฺจ, อินฺทฺริเย ปญฺจ, ฌาเน ตีณิ, มคฺเค ตีณิ, สมฺปยุตฺเต ปญฺจ, อตฺถิยา ปญฺจ…เป… อวิคเต ปญฺจ (สํขิตฺตํ).

๔๗. จิตฺตสมุฏฺฐานํ อกุสลํ ธมฺมํ ปฏิจฺจ จิตฺตสมุฏฺฐาโน อกุสโล ธมฺโม อุปฺปชฺชติ เหตุปจฺจยา… ตีณิ.

โนจิตฺตสมุฏฺฐานํ อกุสลํ ธมฺมํ ปฏิจฺจ จิตฺตสมุฏฺฐาโน อกุสโล ธมฺโม อุปฺปชฺชติ เหตุปจฺจยา. (๑)

จิตฺตสมุฏฺฐานํ อกุสลญฺจ โนจิตฺตสมุฏฺฐานํ อกุสลญฺจ ธมฺมํ ปฏิจฺจ จิตฺตสมุฏฺฐาโน อกุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ).

๔๘. เหตุยา ปญฺจ, อารมฺมเณ ปญฺจ…เป… อวิคเต ปญฺจ (สํขิตฺตํ).

(กุสลตฺติกสทิสํ สหชาตวารมฺปิ …เป… ปญฺหาวารมฺปิ วิตฺถาเรตพฺพํ.)

๔๙. จิตฺตสมุฏฺฐานํ อพฺยากตํ ธมฺมํ ปฏิจฺจ จิตฺตสมุฏฺฐาโน อพฺยากโต ธมฺโม อุปฺปชฺชติ เหตุปจฺจยา… ตีณิ.

โนจิตฺตสมุฏฺฐานํ อพฺยากตํ ธมฺมํ ปฏิจฺจ โนจิตฺตสมุฏฺฐาโน อพฺยากโต ธมฺโม อุปฺปชฺชติ เหตุปจฺจยา… ตีณิ.

จิตฺตสมุฏฺฐานํ อพฺยากตญฺจ โนจิตฺตสมุฏฺฐานํ อพฺยากตญฺจ ธมฺมํ ปฏิจฺจ จิตฺตสมุฏฺฐาโน อพฺยากโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๕๐. เหตุยา นว, อารมฺมเณ นว, อธิปติยา ปญฺจ (สพฺพตฺถ นว), ปุเรชาเต ปญฺจ, อาเสวเน ปญฺจ…เป… อวิคเต นว (สํขิตฺตํ).

นเหตุยา นว, นอารมฺมเณ ฉ, นอธิปติยา นว…เป… นกมฺเม ตีณิ, นวิปาเก ฉ, นอาหาเร เอกํ, นอินฺทฺริเย เอกํ, นฌาเน ฉ, นมคฺเค นว, นสมฺปยุตฺเต ฉ, นวิปฺปยุตฺเต ฉ, โนนตฺถิยา ฉ, โนวิคเต ฉ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ วิตฺถาเรตพฺพํ.)

๕๑. จิตฺตสมุฏฺฐาโน อพฺยากโต ธมฺโม จิตฺตสมุฏฺฐานสฺส อพฺยากตสฺส ธมฺมสฺส เหตุปจฺจเยน ปจฺจโย… ตีณิ.

จิตฺตสมุฏฺฐาโน อพฺยากโต ธมฺโม จิตฺตสมุฏฺฐานสฺส อพฺยากตสฺส ธมฺมสฺส อารมฺมณปจฺจเยน ปจฺจโย (สํขิตฺตํ).

๕๒. เหตุยา ตีณิ, อารมฺมเณ นว, อธิปติยา นว, อนนฺตเร นว (สพฺพตฺถ นว), ปุเรชาเต นว, ปจฺฉาชาเต นว, อาเสวเน นว, กมฺเม ตีณิ, วิปาเก นว, อาหาเร นว (จิตฺตสมุฏฺฐานมูลํ โนจิตฺตสมุฏฺฐานสฺส กพฬีกาโร อาหาโร กาตพฺโพ. โนจิตฺตสมุฏฺฐาโน จิตฺตสมุฏฺฐานสฺส กพฬีกาโร อาหาโร ฆฏเน มชฺเฌ กพฬีกาโร อาหาโร), อินฺทฺริเย นว (รูปชีวิตินฺทฺริยํ เอกํ), ฌาเน ตีณิ, มคฺเค ตีณิ, สมฺปยุตฺเต ปญฺจ, วิปฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นว (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)