๑. วิภงฺควาโร

เหตุปจฺจโย

๙๐. ปรามาสวิปฺปยุตฺตํ ปรามฏฺฐํ ธมฺมํ ปฏิจฺจ ปรามาสวิปฺปยุตฺโต ปรามฏฺโฐ ธมฺโม อุปฺปชฺชติ เหตุปจฺจยา – ปรามาสวิปฺปยุตฺตํ ปรามฏฺฐํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ…เป….

ปรามาสวิปฺปยุตฺตํ อปรามฏฺฐํ ธมฺมํ ปฏิจฺจ ปรามาสวิปฺปยุตฺโต อปรามฏฺโฐ ธมฺโม อุปฺปชฺชติ เหตุปจฺจยา (สํขิตฺตํ).

(ยถา จูฬนฺตรทุเก โลกิยทุกํ เอวํ กาตพฺพํ นินฺนานากรณํ.)

ปรามาสวิปฺปยุตฺตปรามฏฺฐทุกํ นิฏฺฐิตํ.

ปรามาสโคจฺฉกํ นิฏฺฐิตํ.