๕. สํสฏฺฐวาโร

๑-๔. ปจฺจยจตุกฺกํ

๖๔. นีวรณสมฺปยุตฺตํ ธมฺมํ สํสฏฺโฐ นีวรณสมฺปยุตฺโต ธมฺโม อุปฺปชฺชติ เหตุปจฺจยา…เป….

เหตุยา เทฺว, อารมฺมเณ เทฺว (สพฺพตฺถ เทฺว), วิปาเก เอกํ…เป… อวิคเต เทฺว.

อนุโลมํ.

๖๕. นีวรณสมฺปยุตฺตํ ธมฺมํ สํสฏฺโฐ นีวรณสมฺปยุตฺโต ธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโห.

นีวรณวิปฺปยุตฺตํ ธมฺมํ สํสฏฺโฐ… (สํขิตฺตํ).

นเหตุยา เทฺว, นอธิปติยา เทฺว, นปุเรชาเต เทฺว, นกมฺเม เทฺว, นวิปาเก เทฺว, นฌาเน เอกํ, นมคฺเค เอกํ, นวิปฺปยุตฺเต เทฺว.

ปจฺจนียํ.