๑. วิภงฺควาโร

เหตุปจฺจโย

๑๒๑. อาสโว เจว อาสวสมฺปยุตฺโต จ ธมฺโม อาสวสฺส เจว อาสวสมฺปยุตฺตสฺส จ ธมฺมสฺส เหตุปจฺจเยน ปจฺจโย… ตีณิ.

อาสวสมฺปยุตฺโต เจว โน จ อาสโว ธมฺโม อาสวสมฺปยุตฺตสฺส เจว โน จ อาสวสฺส ธมฺมสฺส เหตุปจฺจเยน ปจฺจโย – อาสวสมฺปยุตฺตา เจว โน จ อาสวา เหตู สมฺปยุตฺตกานํ ขนฺธานํ เหตุปจฺจเยน ปจฺจโย. (๑)

อารมฺมณปจฺจยาทิ

๑๒๒. อาสโว เจว อาสวสมฺปยุตฺโต จ ธมฺโม อาสวสฺส เจว อาสวสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย… ตีณิ.

อาสวสมฺปยุตฺโต เจว โน จ อาสโว ธมฺโม อาสวสมฺปยุตฺตสฺส เจว โน จ อาสวสฺส ธมฺมสฺส อารมฺมณปจฺจเยน ปจฺจโย – อาสวสมฺปยุตฺเต เจว โน จ อาสเว ขนฺเธ อารพฺภ อาสวสมฺปยุตฺตา เจว โน จ อาสวา ขนฺธา อุปฺปชฺชนฺติ. (๑)

อาสวสมฺปยุตฺโต เจว โน จ อาสโว ธมฺโม อาสวสฺส เจว อาสวสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย – อาสวสมฺปยุตฺเต เจว โน จ อาสเว ขนฺเธ อารพฺภ อาสวา อุปฺปชฺชนฺติ. (๒)

อาสวสมฺปยุตฺโต เจว โน จ อาสโว ธมฺโม อาสวสฺส เจว อาสวสมฺปยุตฺตสฺส จ อาสวสมฺปยุตฺตสฺส เจว โน จ อาสวสฺส จ ธมฺมสฺส อารมฺมณปจฺจเยน ปจฺจโย – อาสวสมฺปยุตฺเต เจว โน จ อาสเว ขนฺเธ อารพฺภ อาสวา จ อาสวสมฺปยุตฺตกา จ ขนฺธา อุปฺปชฺชนฺติ. (๓)

อาสโว เจว อาสวสมฺปยุตฺโต จ อาสวสมฺปยุตฺโต เจว โน จ อาสโว จ ธมฺมา อาสวสฺส เจว อาสวสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย … ตีณิ.

อธิปติปจฺจยา… (อารมฺมณสทิสา, ครุการมฺมณา) อนนฺตรปจฺจยา… (อารมฺมณสทิสาเยว, ปุริมา ปุริมาติ กาตพฺพา.) สมนนฺตรปจฺจยา… สหชาตปจฺจยา… อญฺญมญฺญปจฺจยา… นิสฺสยปจฺจยา… อุปนิสฺสยปจฺจยา (อารมฺมณสทิสํเยว, วิภชนา นตฺถิ… ตีณิ. อุปนิสฺสยํ สพฺพํ กาตพฺพํ).

กมฺมปจฺจยาทิ

๑๒๓. อาสวสมฺปยุตฺโต เจว โน จ อาสโว ธมฺโม อาสวสมฺปยุตฺตสฺส เจว โน จ อาสวสฺส ธมฺมสฺส กมฺมปจฺจเยน ปจฺจโย… ตีณิ… อาหารปจฺจเยน ปจฺจโย… ตีณิ… อินฺทฺริยปจฺจเยน ปจฺจโย… ตีณิ… ฌานปจฺจเยน ปจฺจโย… ตีณิ… มคฺคปจฺจเยน ปจฺจโย… นว… สมฺปยุตฺตปจฺจเยน ปจฺจโย… นว… อตฺถิปจฺจเยน ปจฺจโย… นตฺถิปจฺจเยน ปจฺจโย… วิคตปจฺจเยน ปจฺจโย… อวิคตปจฺจเยน ปจฺจโย… นว.