๑. วิภงฺควาโร

(ปญฺหาวาเร เหตุปจฺจเยปิ อารมฺมณปจฺจเยปิ โลกุตฺตรํ น กาตพฺพํ, เสขา โคตฺรภุํ ปจฺจเวกฺขนฺติ, โวทานํ ปจฺจเวกฺขนฺตีติ กาตพฺพา. อธิปติปจฺจยมฺปิ สพฺพํ ชานิตฺวา กาตพฺพํ.)

อนนฺตรปจฺจโย

๑๑๒. อาสโว เจว สาสโว จ ธมฺโม อาสวสฺส เจว สาสวสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา อาสวา ปจฺฉิมานํ ปจฺฉิมานํ อาสวานํ อนนฺตรปจฺจเยน ปจฺจโย. (๑)

อาสโว เจว สาสโว จ ธมฺโม สาสวสฺส เจว โน จ อาสวสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อาสวา ปจฺฉิมานํ ปจฺฉิมานํ สาสวญฺเจว โน จ อาสวานํ ขนฺธานํ อนนฺตรปจฺจเยน ปจฺจโย; อาสวา วุฏฺฐานสฺส อนนฺตรปจฺจเยน ปจฺจโย. (๒)

อาสโว เจว สาสโว จ ธมฺโม อาสวสฺส เจว สาสวสฺส จ สาสวสฺส เจว โน จ อาสวสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา อาสวา ปจฺฉิมานํ ปจฺฉิมานํ อาสวานํ สมฺปยุตฺตกานญฺจ ขนฺธานํ อนนฺตรปจฺจเยน ปจฺจโย. (๓)

๑๑๓. สาสโว เจว โน จ อาสโว ธมฺโม สาสวสฺส เจว โน จ อาสวสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา สาสวา เจว โน จ อาสวา ขนฺธา ปจฺฉิมานํ ปจฺฉิมานํ สาสวานญฺเจว โน จ อาสวานํ ขนฺธานํ อนนฺตรปจฺจเยน ปจฺจโย; อนุโลมํ โคตฺรภุสฺส, อนุโลมํ โวทานสฺส, อาวชฺชนา สาสวานญฺเจว โน จ อาสวานํ ขนฺธานํ อนนฺตรปจฺจเยน ปจฺจโย. (๑)

สาสโว เจว โน จ อาสโว ธมฺโม อาสวสฺส เจว สาสวสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา สาสวา เจว โน จ อาสวา ขนฺธา ปจฺฉิมานํ ปจฺฉิมานํ อาสวานํ อนนฺตรปจฺจเยน ปจฺจโย; อาวชฺชนา อาสวานํ อนนฺตรปจฺจเยน ปจฺจโย. (๒)

สาสโว เจว โน จ อาสโว ธมฺโม อาสวสฺส เจว สาสวสฺส จ สาสวสฺส เจว โน จ อาสวสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา สาสวา เจว โน จ อาสวา ขนฺธา ปจฺฉิมานํ ปจฺฉิมานํ อาสวานํ สมฺปยุตฺตกานญฺจ ขนฺธานํ อนนฺตรปจฺจเยน ปจฺจโย; อาวชฺชนา อาสวานํ สมฺปยุตฺตกานญฺจ ขนฺธานํ อนนฺตรปจฺจเยน ปจฺจโย. (๓)

๑๑๔. อาสโว เจว สาสโว จ สาสโว เจว โน จ อาสโว จ ธมฺมา อาสวสฺส เจว สาสวสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา อาสวา จ สมฺปยุตฺตกา จ ขนฺธา ปจฺฉิมานํ ปจฺฉิมานํ อาสวานํ อนนฺตรปจฺจเยน ปจฺจโย. (๑)

อาสโว เจว สาสโว จ สาสโว เจว โน จ อาสโว จ ธมฺมา สาสวสฺส เจว โน จ อาสวสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อาสวา จ สมฺปยุตฺตกา จ ขนฺธา ปจฺฉิมานํ ปจฺฉิมานํ สาสวานญฺเจว โน จ อาสวานํ ขนฺธานํ อนนฺตรปจฺจเยน ปจฺจโย; อาสวา จ สมฺปยุตฺตกา จ ขนฺธา วุฏฺฐานสฺส อนนฺตรปจฺจเยน ปจฺจโย. (๒)

อาสโว เจว สาสโว จ สาสโว เจว โน จ อาสโว จ ธมฺมา อาสวสฺส เจว สาสวสฺส จ สาสวสฺส เจว โน จ อาสวสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา อาสวา จ สมฺปยุตฺตกา จ ขนฺธา ปจฺฉิมานํ ปจฺฉิมานํ อาสวานํ สมฺปยุตฺตกานญฺจ ขนฺธานํ อนนฺตรปจฺจเยน ปจฺจโย (เอวํ สพฺพํ วิตฺถาเรตพฺพํ). (๓)

(อาสวทุเกปิ อนนฺตรํ อิมินา สทิสํ กาตพฺพํ. อาวชฺชนาปิ วุฏฺฐานมฺปิ เอวํ สมุทฺทิฏฺฐํ สํขิตฺตํ. สพฺพํ ปริปุณฺณํ. อาสวทุกสทิสํ กาตพฺพํ, นินฺนานํ.)

อาสวสาสวทุกํ นิฏฺฐิตํ.