๑. วิภงฺควาโร

เหตุปจฺจโย

๑๐๑. อุปาทานญฺเจว อุปาทานสมฺปยุตฺตญฺจ ธมฺมํ ปฏิจฺจ อุปาทาโน เจว อุปาทานสมฺปยุตฺโต จ ธมฺโม อุปฺปชฺชติ เหตุปจฺจยา – ทิฏฺฐุปาทานํ ปฏิจฺจ กามุปาทานํ (จกฺกํ กาตพฺพํ). (๑)

อุปาทานญฺเจว อุปาทานสมฺปยุตฺตญฺจ ธมฺมํ ปฏิจฺจ อุปาทานสมฺปยุตฺโต เจว โน จ อุปาทาโน ธมฺโม อุปฺปชฺชติ เหตุปจฺจยา – อุปาทาเน ปฏิจฺจ สมฺปยุตฺตกา ขนฺธา. (๒)

อุปาทานญฺเจว อุปาทานสมฺปยุตฺตญฺจ ธมฺมํ ปฏิจฺจ อุปาทาโน เจว อุปาทานสมฺปยุตฺโต จ อุปาทานสมฺปยุตฺโต เจว โน จ อุปาทาโน จ ธมฺมา อุปฺปชฺชนฺติ เหตุปจฺจยา – ทิฏฺฐุปาทานํ ปฏิจฺจ กามุปาทานํ สมฺปยุตฺตกา จ ขนฺธา (จกฺกํ). (๓)