๑. วิภงฺควาโร

เหตุปจฺจโย

๙๘. อุปาทาโน เจว อุปาทานิโย จ ธมฺโม อุปาทานสฺส เจว อุปาทานิยสฺส จ ธมฺมสฺส เหตุปจฺจเยน ปจฺจโย – อุปาทานา เจว อุปาทานิยา จ เหตู สมฺปยุตฺตกานํ อุปาทานานํ เหตุปจฺจเยน ปจฺจโย. (๑)

อุปาทาโน เจว อุปาทานิโย จ ธมฺโม อุปาทานิยสฺส เจว โน จ อุปาทานสฺส ธมฺมสฺส เหตุปจฺจเยน ปจฺจโย – อุปาทานา เจว อุปาทานิยา จ เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย (อุปาทานทุกสทิสา นินฺนานา, นว ปญฺหา).

อารมฺมณปจฺจโย

๙๙. อุปาทาโน เจว อุปาทานิโย จ ธมฺโม อุปาทานสฺส เจว อุปาทานิยสฺส จ ธมฺมสฺส อารมฺมณปจฺจเยน ปจฺจโย – อุปาทาเน อารพฺภ อุปาทานา อุปฺปชฺชนฺติ… ตีณิ.

อุปาทานิโย เจว โน จ อุปาทาโน ธมฺโม อุปาทานิยสฺส เจว โน จ อุปาทานสฺส ธมฺมสฺส อารมฺมณปจฺจเยน ปจฺจโย – ทานํ…เป… ฌานา วุฏฺฐหิตฺวา ฌานํ ปจฺจเวกฺขติ, อสฺสาเทติ อภินนฺทติ, ตํ อารพฺภ ราโค อุปฺปชฺชติ, ทิฏฺฐิ อุปฺปชฺชติ, วิจิกิจฺฉา อุทฺธจฺจํ โทมนสฺสํ อุปฺปชฺชติ; อริยา โคตฺรภุํ ปจฺจเวกฺขนฺติ, โวทานํ ปจฺจเวกฺขนฺติ, ปหีเน กิเลเส…เป… วิกฺขมฺภิเต กิเลเส…เป… ปุพฺเพ สมุทาจิณฺเณ…เป… จกฺขุํ…เป… วตฺถุํ…เป… (สํขิตฺตํ) อนาคตํสญาณสฺส อาวชฺชนาย อารมฺมณปจฺจเยน ปจฺจโย. (๑)

อุปาทานิโย เจว โน จ อุปาทาโน ธมฺโม อุปาทานสฺส เจว อุปาทานิยสฺส จ ธมฺมสฺส อารมฺมณปจฺจเยน ปจฺจโย (สํขิตฺตํ, อิตเร เทฺว อุปาทานทุกสทิสา). (๓)

อุปาทาโน เจว อุปาทานิโย จ อุปาทานิโย เจว โน จ อุปาทาโน จ ธมฺมา อุปาทานสฺส เจว อุปาทานิยสฺส จ ธมฺมสฺส อารมฺมณปจฺจเยน ปจฺจโย… ตีณิ (เหฏฺฐา อธิปติ ตีณิ, อุปาทานทุกสทิสา).

อธิปติปจฺจโย

๑๐๐. อุปาทานิโย เจว โน จ อุปาทาโน ธมฺโม อุปาทานิยสฺส เจว โน จ อุปาทานสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ. อารมฺมณาธิปติ – ทานํ…เป… ฌานา วุฏฺฐหิตฺวา ฌานํ ครุํ กตฺวา ปจฺจเวกฺขติ, อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฏฺฐิ อุปฺปชฺชติ; เสกฺขา โคตฺรภุํ ครุํ กตฺวา…เป… โวทานํ…เป… จกฺขุํ…เป… วตฺถุํ อุปาทานิเย เจว โน จ อุปาทาเน ขนฺเธ ครุํ กตฺวา อุปาทานิยา เจว โน จ อุปาทานา ขนฺธา อุปฺปชฺชนฺติ. สหชาตาธิปติ – อุปาทานิยา เจว โน จ อุปาทานาธิปติ สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย (อวเสสา เทฺวปิ อารมฺมณาธิปติ สหชาตาธิปติปิ อุปาทานทุกสทิสา). (๓)

(ฆฏนา อธิปติ ตีณิ, อุปาทานทุกสทิสา. สพฺเพ ปจฺจยา อุปาทานทุกสทิสา. อุปาทานิเย โลกุตฺตรํ นตฺถิ, ปจฺจนียมฺปิ อิตเร เทฺว คณนาปิ อุปาทานทุกสทิสํ.)

อุปาทานอุปาทานิยทุกํ นิฏฺฐิตํ.