๑. วิภงฺควาโร

เหตุปจฺจโย

๙๕. อุปาทานญฺเจว อุปาทานิยญฺจ ธมฺมํ ปฏิจฺจ อุปาทาโน เจว อุปาทานิโย จ ธมฺโม อุปฺปชฺชติ เหตุปจฺจยา – ทิฏฺฐุปาทานํ ปฏิจฺจ กามุปาทานํ, กามุปาทานํ ปฏิจฺจ ทิฏฺฐุปาทานํ (จกฺกํ). (๑)

อุปาทานญฺเจว อุปาทานิยญฺจ ธมฺมํ ปฏิจฺจ อุปาทานิโย เจว โน จ อุปาทาโน ธมฺโม อุปฺปชฺชติ เหตุปจฺจยา – อุปาทาเน ปฏิจฺจ สมฺปยุตฺตกา ขนฺธา จิตฺตสมุฏฺฐานญฺจ รูปํ. (๑)

อุปาทานญฺเจว อุปาทานิยญฺจ ธมฺมํ ปฏิจฺจ อุปาทาโน เจว อุปาทานิโย จ อุปาทานิโย เจว โน จ อุปาทาโน จ ธมฺมา อุปฺปชฺชนฺติ เหตุปจฺจยา – ทิฏฺฐุปาทานํ ปฏิจฺจ กามุปาทานํ สมฺปยุตฺตกา จ ขนฺธา จิตฺตสมุฏฺฐานานญฺจ รูปํ (จกฺกํ). (๓)

๙๖. อุปาทานิยญฺเจว โน จ อุปาทานํ ธมฺมํ ปฏิจฺจ อุปาทานิโย เจว โน จ อุปาทาโน ธมฺโม อุปฺปชฺชติ เหตุปจฺจยา – อุปาทานิยญฺเจว โน จ อุปาทานํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ…เป… ปฏิสนฺธิกฺขเณ…เป… (ยาว อชฺฌตฺติกา มหาภูตา). (๑)

อุปาทานิยญฺเจว โน จ อุปาทานํ ธมฺมํ ปฏิจฺจ อุปาทาโน เจว อุปาทานิโย จ ธมฺโม อุปฺปชฺชติ เหตุปจฺจยา – อุปาทานิเย เจว โน จ อุปาทาเน ขนฺเธ ปฏิจฺจ อุปาทานา. (๒)

อุปาทานิยญฺเจว โน จ อุปาทานํ ธมฺมํ ปฏิจฺจ อุปาทาโน เจว อุปาทานิโย จ อุปาทานิโย เจว โน จ อุปาทาโน จ ธมฺมา อุปฺปชฺชนฺติ เหตุปจฺจยา – อุปาทานิยญฺเจว โน จ อุปาทานํ เอกํ ขนฺธํ ปฏิจฺจ ตโย ขนฺธา อุปาทานา จ จิตฺตสมุฏฺฐานญฺจ รูปํ…เป… เทฺว ขนฺเธ…เป…. (๓)

๙๗. อุปาทานญฺเจว อุปาทานิยญฺจ อุปาทานิยญฺเจว โน จ อุปาทานญฺจ ธมฺมํ ปฏิจฺจ อุปาทาโน เจว อุปาทานิโย จ ธมฺโม อุปฺปชฺชติ เหตุปจฺจยา – ทิฏฺฐุปาทานญฺจ สมฺปยุตฺตเก จ ขนฺเธ ปฏิจฺจ กามุปาทานํ (จกฺกํ). (๑)

อุปาทานญฺเจว อุปาทานิยญฺจ อุปาทานิยญฺเจว โน จ อุปาทานญฺจ ธมฺมํ ปฏิจฺจ อุปาทานิโย เจว โน จ อุปาทาโน ธมฺโม อุปฺปชฺชติ เหตุปจฺจยา – อุปาทานิยญฺเจว โน จ อุปาทานํ เอกํ ขนฺธญฺจ อุปาทาเน จ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ จ…เป… อุปาทาเน จ มหาภูเต จ ปฏิจฺจ จิตฺตสมุฏฺฐานํ รูปํ. (๒)

อุปาทานญฺเจว อุปาทานิยญฺจ อุปาทานิยญฺเจว โน จ อุปาทานญฺจ ธมฺมํ ปฏิจฺจ อุปาทาโน เจว อุปาทานิโย จ อุปาทานิโย เจว โน จ อุปาทาโน จ ธมฺมา อุปฺปชฺชนฺติ เหตุปจฺจยา – อุปาทานิยญฺเจว โน จ อุปาทานํ เอกํ ขนฺธญฺจ ทิฏฺฐุปาทานญฺจ ปฏิจฺจ ตโย ขนฺธา กามุปาทานญฺจ จิตฺตสมุฏฺฐานญฺจ รูปํ…เป… เทฺว ขนฺเธ จ…เป… (จกฺกํ). (๓)