๑-๔. ปจฺจยานุโลมาทิ

เหตุปจฺจโย

๖๙. จิตฺตํ ธมฺมํ สํสฏฺโฐ โนจิตฺโต ธมฺโม อุปฺปชฺชติ เหตุปจฺจยา – จิตฺตํ สํสฏฺฐา สมฺปยุตฺตกา ขนฺธา; ปฏิสนฺธิกฺขเณ…เป…. (๑)

โนจิตฺตํ ธมฺมํ สํสฏฺโฐ โนจิตฺโต ธมฺโม อุปฺปชฺชติ เหตุปจฺจยา – โนจิตฺตํ เอกํ ขนฺธํ สํสฏฺฐา เทฺว ขนฺธา, เทฺว ขนฺเธ สํสฏฺโฐ เอโก ขนฺโธ; ปฏิสนฺธิกฺขเณ…เป…. (๑)

โนจิตฺตํ ธมฺมํ สํสฏฺโฐ จิตฺโต ธมฺโม อุปฺปชฺชติ เหตุปจฺจยา – โนจิตฺเต ขนฺเธ สํสฏฺฐํ จิตฺตํ; ปฏิสนฺธิกฺขเณ…เป…. (๒)

โนจิตฺตํ ธมฺมํ สํสฏฺโฐ จิตฺโต จ โนจิตฺโต จ ธมฺมา อุปฺปชฺชนฺติ เหตุปจฺจยา – โนจิตฺตํ เอกํ ขนฺธํ สํสฏฺฐา เทฺว ขนฺธา จิตฺตญฺจ, เทฺว ขนฺเธ…เป… ปฏิสนฺธิกฺขเณ…เป…. (๓)

จิตฺตญฺจ โนจิตฺตญฺจ ธมฺมํ สํสฏฺโฐ โนจิตฺโต ธมฺโม อุปฺปชฺชติ เหตุปจฺจยา – โนจิตฺตํ เอกํ ขนฺธญฺจ จิตฺตญฺจ สํสฏฺฐา เทฺว ขนฺธา, เทฺว ขนฺเธ จ…เป… ปฏิสนฺธิกฺขเณ…เป… (สํขิตฺตํ).

เหตุยา ปญฺจ, อารมฺมเณ ปญฺจ, อธิปติยา ปญฺจ (สพฺพตฺถ ปญฺจ), อวิคเต ปญฺจ (สํขิตฺตํ).

นเหตุยา ปญฺจ, นอธิปติยา ปญฺจ, นปุเรชาเต ปญฺจ, นปจฺฉาชาเต ปญฺจ, นอาเสวเน ปญฺจ, นกมฺเม ตีณิ, นวิปาเก ปญฺจ, นฌาเน ปญฺจ, นมคฺเค ปญฺจ, นวิปฺปยุตฺเต ปญฺจ.