๑. วิภงฺควาโร

นเหตุปจฺจยาทิ

๓๘๙. อุปาทา ธมฺมํ ปจฺจยา โนอุปาทา ธมฺโม อุปฺปชฺชติ นเหตุปจฺจยา – จกฺขายตนํ ปจฺจยา จกฺขุวิญฺญาณํ…เป… กายายตนํ ปจฺจยา กายวิญฺญาณํ, วตฺถุํ ปจฺจยา อเหตุกา โนอุปาทา ขนฺธา; อเหตุกปฏิสนฺธิกฺขเณ…เป… วตฺถุํ ปจฺจยา วิจิกิจฺฉาสหคโต อุทฺธจฺจสหคโต โมโห. (๑)

โนอุปาทา ธมฺมํ ปจฺจยา โนอุปาทา ธมฺโม อุปฺปชฺชติ นเหตุปจฺจยา – อเหตุกํ โนอุปาทา เอกํ ขนฺธํ ปจฺจยา ตโย ขนฺธา โนอุปาทา จ จิตฺตสมุฏฺฐานํ รูปํ…เป… เทฺว ขนฺเธ…เป… อเหตุกปฏิสนฺธิกฺขเณ…เป… เอกํ มหาภูตํ…เป… (ยาว อสญฺญสตฺตา) วิจิกิจฺฉาสหคเต อุทฺธจฺจสหคเต ขนฺเธ ปจฺจยา วิจิกิจฺฉาสหคโต อุทฺธจฺจสหคโต โมโห (ตีณิปิ ปฏิจฺจสทิสา, นินฺนานากรณา). (๓)

อุปาทา จ โนอุปาทา จ ธมฺมํ ปจฺจยา โนอุปาทา ธมฺโม อุปฺปชฺชติ นเหตุปจฺจยา – จกฺขุวิญฺญาณสหคตํ เอกํ ขนฺธญฺจ จกฺขายตนญฺจ ปจฺจยา ตโย ขนฺธา…เป… เทฺว ขนฺเธ จ…เป… กายวิญฺญาณสหคตํ…เป… อเหตุกํ โนอุปาทา เอกํ ขนฺธญฺจ วตฺถุญฺจ ปจฺจยา ตโย ขนฺธา…เป… เทฺว ขนฺเธ จ…เป… ปฏิสนฺธิกฺขเณ…เป… วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโห. (๑)

นอารมฺมณปจฺจยา ตีณิ, นอาเสวนปจฺจยา ปญฺจ.

นกมฺมปจฺจยาทิ

๓๙๐. อุปาทา ธมฺมํ ปจฺจยา โนอุปาทา ธมฺโม อุปฺปชฺชติ นกมฺมปจฺจยา – วตฺถุํ ปจฺจยา โนอุปาทา เจตนา. (๑)

โนอุปาทา ธมฺมํ ปจฺจยา โนอุปาทา ธมฺโม อุปฺปชฺชติ นกมฺมปจฺจยา – โนอุปาทา ขนฺเธ ปจฺจยา สมฺปยุตฺตกา เจตนา; พาหิรํ อาหารสมุฏฺฐานํ อุตุสมุฏฺฐานํ…เป… เทฺว มหาภูเต ปจฺจยา เทฺว มหาภูตา. (๑)

โนอุปาทา ธมฺมํ ปจฺจยา อุปาทา ธมฺโม อุปฺปชฺชติ นกมฺมปจฺจยา – พาหิเร อาหารสมุฏฺฐาเน อุตุสมุฏฺฐาเน มหาภูเต ปจฺจยา อุปาทารูปํ. (๒)

โนอุปาทา ธมฺมํ ปจฺจยา อุปาทา จ โนอุปาทา จ ธมฺมา อุปฺปชฺชนฺติ นกมฺมปจฺจยา – พาหิรํ อาหารสมุฏฺฐานํ อุตุสมุฏฺฐานํ เอกํ มหาภูตํ ปจฺจยา ตโย มหาภูตา อุปาทา จ รูปํ…เป… เทฺว มหาภูเต…เป…. (๓)

อุปาทา จ โนอุปาทา จ ธมฺมํ ปจฺจยา โนอุปาทา ธมฺโม อุปฺปชฺชติ นกมฺมปจฺจยา – โนอุปาทา ขนฺเธ จ วตฺถุญฺจ ปจฺจยา โนอุปาทา เจตนา. (๑)

นวิปากปจฺจยา ปญฺจ, นอาหารปจฺจยา ตีณิ, นอินฺทฺริยปจฺจยา ตีณิ.

นฌานปจฺจยาทิ

๓๙๑. อุปาทา ธมฺมํ ปจฺจยา โนอุปาทา ธมฺโม อุปฺปชฺชติ นฌานปจฺจยา – จกฺขายตนํ ปจฺจยา จกฺขุวิญฺญาณํ…เป… กายายตนํ ปจฺจยา กายวิญฺญาณํ. (๑)

โนอุปาทา ธมฺมํ ปจฺจยา โนอุปาทา ธมฺโม อุปฺปชฺชติ นฌานปจฺจยา – ปญฺจวิญฺญาณสหคตํ เอกํ ขนฺธํ ปจฺจยา ตโย ขนฺธา…เป… เทฺว ขนฺเธ…เป… พาหิรํ อาหารสมุฏฺฐานํ อุตุสมุฏฺฐานํ อสญฺญสตฺตานํ…เป… เทฺว มหาภูเต ปจฺจยา เทฺว มหาภูตา. (๑)

โนอุปาทา ธมฺมํ ปจฺจยา อุปาทา ธมฺโม อุปฺปชฺชติ นฌานปจฺจยา – พาหิเร อาหารสมุฏฺฐาเน อุตุสมุฏฺฐาเน อสญฺญสตฺตานํ มหาภูเต ปจฺจยา อุปาทา กฏตฺตารูปํ. (๒)

โนอุปาทา ธมฺมํ ปจฺจยา อุปาทา จ โนอุปาทา จ ธมฺมา อุปฺปชฺชนฺติ นฌานปจฺจยา – พาหิรํ อาหารสมุฏฺฐานํ อุตุสมุฏฺฐานํ อสญฺญสตฺตานํ เอกํ มหาภูตํ ปจฺจยา ตโย มหาภูตา อุปาทา จ กฏตฺตารูปํ…เป… เทฺว…เป…. (๓)

อุปาทา จ โนอุปาทา จ ธมฺมํ ปจฺจยา โนอุปาทา ธมฺโม อุปฺปชฺชติ นฌานปจฺจยา – จกฺขุวิญฺญาณสหคตํ เอกํ ขนฺธญฺจ จกฺขายตนญฺจ ปจฺจยา ตโย ขนฺธา…เป… เทฺว ขนฺเธ จ…เป…. (๑)

นมคฺคปจฺจยา ปญฺจ, นสมฺปยุตฺตปจฺจยา ตีณิ, นวิปฺปยุตฺตปจฺจยา ตีณิ, โนนตฺถิปจฺจยา ตีณิ, โนวิคตปจฺจยา ตีณิ.