๑. วิภงฺควาโร

เหตุปจฺจโย

๒๙๖. จิตฺตสํสฏฺฐสมุฏฺฐานํ ธมฺมํ สํสฏฺโฐ จิตฺตสํสฏฺฐสมุฏฺฐาโน ธมฺโม อุปฺปชฺชติ เหตุปจฺจยา – จิตฺตสํสฏฺฐสมุฏฺฐานํ เอกํ ขนฺธํ สํสฏฺฐา เทฺว ขนฺธา, เทฺว ขนฺเธ…เป… ปฏิสนฺธิกฺขเณ…เป…. (๑)

จิตฺตสํสฏฺฐสมุฏฺฐานํ ธมฺมํ สํสฏฺโฐ โนจิตฺตสํสฏฺฐสมุฏฺฐาโน ธมฺโม อุปฺปชฺชติ เหตุปจฺจยา – จิตฺตสํสฏฺฐสมุฏฺฐาเน ขนฺเธ สํสฏฺฐํ จิตฺตํ; ปฏิสนฺธิกฺขเณ…เป…. (๒)

จิตฺตสํสฏฺฐสมุฏฺฐานํ ธมฺมํ สํสฏฺโฐ จิตฺตสํสฏฺฐสมุฏฺฐาโน จ โนจิตฺตสํสฏฺฐสมุฏฺฐาโน จ ธมฺมา อุปฺปชฺชนฺติ เหตุปจฺจยา – จิตฺตสํสฏฺฐสมุฏฺฐานํ เอกํ ขนฺธํ สํสฏฺฐา เทฺว ขนฺธา จิตฺตญฺจ, เทฺว ขนฺเธ…เป… ปฏิสนฺธิกฺขเณ…เป…. (๓)

โนจิตฺตสํสฏฺฐสมุฏฺฐานํ ธมฺมํ สํสฏฺโฐ จิตฺตสํสฏฺฐสมุฏฺฐาโน ธมฺโม อุปฺปชฺชติ เหตุปจฺจยา – จิตฺตํ สํสฏฺฐา สมฺปยุตฺตกา ขนฺธา; ปฏิสนฺธิกฺขเณ…เป…. (๑)

จิตฺตสํสฏฺฐสมุฏฺฐานญฺจ โนจิตฺตสํสฏฺฐสมุฏฺฐานญฺจ ธมฺมํ สํสฏฺโฐ จิตฺตสํสฏฺฐสมุฏฺฐาโน ธมฺโม อุปฺปชฺชติ เหตุปจฺจยา – จิตฺตสํสฏฺฐสมุฏฺฐานํ เอกํ ขนฺธญฺจ จิตฺตญฺจ สํสฏฺฐา เทฺว ขนฺธา, เทฺว ขนฺเธ…เป… ปฏิสนฺธิกฺขเณ…เป…. (๑) (สํขิตฺตํ.)