๑. วิภงฺควาโร

เหตุปจฺจโย

๒๕๗. จิตฺตสหภู ธมฺโม จิตฺตสหภุสฺส ธมฺมสฺส เหตุปจฺจเยน ปจฺจโย – จิตฺตสหภู เหตู สมฺปยุตฺตกานํ ขนฺธานํ จิตฺตสหภูนํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย; ปฏิสนฺธิกฺขเณ…เป…. (๑)

จิตฺตสหภู ธมฺโม โนจิตฺตสหภุสฺส ธมฺมสฺส เหตุปจฺจเยน ปจฺจโย – จิตฺตสหภู เหตู จิตฺตสฺส โนจิตฺตสหภูนํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย; ปฏิสนฺธิกฺขเณ จิตฺตสหภู เหตู จิตฺตสฺส กฏตฺตา จ รูปานํ เหตุปจฺจเยน ปจฺจโย. (๒)

จิตฺตสหภู ธมฺโม จิตฺตสหภุสฺส จ โนจิตฺตสหภุสฺส จ ธมฺมสฺส เหตุปจฺจเยน ปจฺจโย; จิตฺตสหภู เหตู สมฺปยุตฺตกานํ ขนฺธานํ จิตฺตสฺส จ จิตฺตสหภูนญฺจ โนจิตฺตสหภูนญฺจ จิตฺตสมุฏฺฐานานํ รูปานํ เหตุปจฺจเยน ปจฺจโย. (๓)

อารมฺมณปจฺจโย

๒๕๘. จิตฺตสหภู ธมฺโม จิตฺตสหภุสฺส ธมฺมสฺส อารมฺมณปจฺจเยน ปจฺจโย… นว (จิตฺตสมุฏฺฐานทุกสทิสํ, นินฺนานากรณํ).

อธิปติปจฺจโย

๒๕๙. จิตฺตสหภู ธมฺโม จิตฺตสหภุสฺส ธมฺมสฺส อธิปติปจฺจเยน ปจฺจโย… ตีณิ (อารมฺมณาธิปติปิ สหชาตาธิปติปิ กาตพฺพา).

โนจิตฺตสหภู ธมฺโม โนจิตฺตสหภุสฺส ธมฺมสฺส อธิปติปจฺจเยน ปจฺจโย… ตีณิ (อารมฺมณาธิปติปิ สหชาตาธิปติปิ อิเมสมฺปิ ติณฺณํ กาตพฺพา. นวปิ ปญฺหา จิตฺตสมุฏฺฐานทุกสทิสา. อนฺเต ตีณิ อารมฺมณาธิปติเยว).

อนนฺตรปจฺจยาทิ

๒๖๐. จิตฺตสหภู ธมฺโม จิตฺตสหภุสฺส ธมฺมสฺส อนนฺตรปจฺจเยน ปจฺจโย… นว (จิตฺตสมุฏฺฐานทุกสทิสํ, นินฺนานากรณํ)… สมนนฺตรปจฺจเยน ปจฺจโย… นว (ปฏิจฺจสทิสา) … สหชาตปจฺจเยน ปจฺจโย… นว (ปฏิจฺจสทิสา)… อญฺญมญฺญปจฺจเยน ปจฺจโย… นว (ปฏิจฺจสทิสา)… นิสฺสยปจฺจเยน ปจฺจโย… นว (ปจฺจยวารสทิสา)… อุปนิสฺสยปจฺจเยน ปจฺจโย… นว (จิตฺตสมุฏฺฐานทุกสทิสา).

ปุเรชาตปจฺจโย

๒๖๑. โนจิตฺตสหภู ธมฺโม โนจิตฺตสหภุสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํ… ตีณิ (โนจิตฺตสหภู มูลํเยว ลพฺภติ, จิตฺตสมุฏฺฐานทุกสทิสา. ตีณิปิ นินฺนานากรณํ).

ปจฺฉาชาตาเสวนปจฺจยา

๒๖๒. จิตฺตสหภู ธมฺโม โนจิตฺตสหภุสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา จิตฺตสหภู ขนฺธา ปุเรชาตสฺส อิมสฺส โนจิตฺตสหภุสฺส กายสฺส ปจฺฉาชาตปจฺจเยน ปจฺจโย. (๑)

โนจิตฺตสหภู ธมฺโม โนจิตฺตสหภุสฺส ธมฺมสฺส ปจฺฉาชาตปจฺจเยน ปจฺจโย…เป…. (๑)

จิตฺตสหภู จ โนจิตฺตสหภู จ ธมฺมา โนจิตฺตสหภุสฺส ธมฺมสฺส ปจฺฉาชาตปจฺจเยน ปจฺจโย (สํขิตฺตํ)… อาเสวนปจฺจเยน ปจฺจโย… นว.

กมฺมปจฺจโย

๒๖๓. จิตฺตสหภู ธมฺโม จิตฺตสหภุสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกา. สหชาตา – จิตฺตสหภู เจตนา สมฺปยุตฺตกานํ ขนฺธานํ จิตฺตสหภูนํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย; ปฏิสนฺธิกฺขเณ…เป…. นานากฺขณิกา – จิตฺตสหภู เจตนา วิปากานํ จิตฺตสหภูนํ ขนฺธานํ กมฺมปจฺจเยน ปจฺจโย. (๑)

จิตฺตสหภู ธมฺโม โนจิตฺตสหภุสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกา. สหชาตา – จิตฺตสหภู เจตนา จิตฺตสฺส โนจิตฺตสหภูนํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย; ปฏิสนฺธิกฺขเณ…เป…. นานากฺขณิกา – จิตฺตสหภู เจตนา วิปากสฺส จิตฺตสฺส กฏตฺตา จ รูปานํ กมฺมปจฺจเยน ปจฺจโย. (๒)

จิตฺตสหภู ธมฺโม จิตฺตสหภุสฺส จ โนจิตฺตสหภุสฺส จ ธมฺมสฺส กมฺมปจฺจเยน ปจฺจโย – สหชาตา, นานากฺขณิกา. สหชาตา – จิตฺตสหภู เจตนา สมฺปยุตฺตกานํ ขนฺธานํ จิตฺตสฺส จ จิตฺตสหภูนญฺจ โนจิตฺตสหภูนญฺจ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย; ปฏิสนฺธิกฺขเณ…เป…. นานากฺขณิกา – จิตฺตสหภู เจตนา วิปากานํ ขนฺธานํ จิตฺตสฺส กฏตฺตา จ รูปานํ กมฺมปจฺจเยน ปจฺจโย. (๓)

วิปากปจฺจยาทิ

๒๖๔. จิตฺตสหภู ธมฺโม จิตฺตสหภุสฺส ธมฺมสฺส วิปากปจฺจเยน ปจฺจโย (จิตฺตสมุฏฺฐานทุกสทิสํ)… อาหารปจฺจเยน ปจฺจโย… นว (จิตฺตสมุฏฺฐานทุกสทิสา. อิมมฺปิ เอกํ กพฬีการอาหารสทิสํ). จิตฺตสหภู ธมฺโม จิตฺตสหภุสฺส ธมฺมสฺส อินฺทฺริยปจฺจเยน ปจฺจโย… นว (จิตฺตสมุฏฺฐานทุกสทิสํ, นินฺนานากรณํ)… ฌานปจฺจเยน ปจฺจโย… ตีณิ… มคฺคปจฺจเยน ปจฺจโย… ตีณิ… สมฺปยุตฺตปจฺจเยน ปจฺจโย… ปญฺจ.

วิปฺปยุตฺตปจฺจโย

๒๖๕. จิตฺตสหภู ธมฺโม จิตฺตสหภุสฺส ธมฺมสฺส วิปฺปยุตฺตปจฺจเยน ปจฺจโย. สหชาตา – จิตฺตสหภู ขนฺธา จิตฺตสหภูนํ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย. (๑)

จิตฺตสหภู ธมฺโม โนจิตฺตสหภุสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํ. สหชาตา – จิตฺตสหภู ขนฺธา โนจิตฺตสหภูนํ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย; ปฏิสนฺธิกฺขเณ…เป…. ปจฺฉาชาตา – จิตฺตสหภู ขนฺธา ปุเรชาตสฺส อิมสฺส โนจิตฺตสหภุสฺส กายสฺส วิปฺปยุตฺตปจฺจเยน ปจฺจโย. (๒)

จิตฺตสหภู ธมฺโม จิตฺตสหภุสฺส จ โนจิตฺตสหภุสฺส จ ธมฺมสฺส วิปฺปยุตฺตปจฺจเยน ปจฺจโย. สหชาตา – จิตฺตสหภู ขนฺธา จิตฺตสหภูนญฺจ โนจิตฺตสหภูนญฺจ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย. (๓)

๒๖๖. โนจิตฺตสหภู ธมฺโม โนจิตฺตสหภุสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปุเรชาตํ, ปจฺฉาชาตํ. สหชาตํ – จิตฺตํ โนจิตฺตสหภูนํ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย; ปฏิสนฺธิกฺขเณ จิตฺตํ กฏตฺตารูปานํ วิปฺปยุตฺตปจฺจเยน ปจฺจโย; จิตฺตํ วตฺถุสฺส วิปฺปยุตฺตปจฺจเยน ปจฺจโย; วตฺถุ จิตฺตสฺส วิปฺปยุตฺตปจฺจเยน ปจฺจโย. ปุเรชาตํ – จกฺขายตนํ จกฺขุวิญฺญาณสฺส วิปฺปยุตฺตปจฺจเยน ปจฺจโย…เป… กายายตนํ…เป… วตฺถุ จิตฺตสฺส วิปฺปยุตฺตปจฺจเยน ปจฺจโย. ปจฺฉาชาตํ – จิตฺตํ ปุเรชาตสฺส อิมสฺส โนจิตฺตสหภุสฺส กายสฺส วิปฺปยุตฺตปจฺจเยน ปจฺจโย. (๑)

โนจิตฺตสหภู ธมฺโม จิตฺตสหภุสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปุเรชาตํ. สหชาตํ – จิตฺตํ จิตฺตสหภูนํ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย. ปุเรชาตํ – จกฺขายตนํ จกฺขุวิญฺญาณสหคตานํ ขนฺธานํ วิปฺปยุตฺตปจฺจเยน ปจฺจโย…เป… กายายตนํ…เป… วตฺถุ จิตฺตสหภูนํ ขนฺธานํ วิปฺปยุตฺตปจฺจเยน ปจฺจโย. (๒)

โนจิตฺตสหภู ธมฺโม จิตฺตสหภุสฺส จ โนจิตฺตสหภุสฺส จ ธมฺมสฺส วิปฺปยุตฺตปจฺจเยน ปจฺจโย – สหชาตํ, ปุเรชาตํ. สหชาตํ – จิตฺตํ จิตฺตสหภูนญฺจ โนจิตฺตสหภูนญฺจ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย; ปฏิสนฺธิกฺขเณ…เป…. วตฺถุปุเรชาตํ – จกฺขายตนํ จกฺขุวิญฺญาณสฺส สมฺปยุตฺตกานญฺจ รูปานํ วิปฺปยุตฺตปจฺจเยน ปจฺจโย…เป… กายายตนํ…เป… วตฺถุ จิตฺตสฺส สมฺปยุตฺตกานญฺจ ขนฺธานํ วิปฺปยุตฺตปจฺจเยน ปจฺจโย. (๓)

๒๖๗. จิตฺตสหภู จ โนจิตฺตสหภู จ ธมฺมา จิตฺตสหภุสฺส ธมฺมสฺส วิปฺปยุตฺตปจฺจเยน ปจฺจโย. สหชาตา – จิตฺตสหภู ขนฺธา จ จิตฺตญฺจ จิตฺตสหภูนํ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย. (๑)

จิตฺตสหภู จ โนจิตฺตสหภู จ ธมฺมา โนจิตฺตสหภุสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํ. สหชาตา – จิตฺตสหภู ขนฺธา จ จิตฺตญฺจ โนจิตฺตสหภูนํ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย; ปฏิสนฺธิกฺขเณ …เป…. ปจฺฉาชาตา – จิตฺตสหภู ขนฺธา จ จิตฺตญฺจ ปุเรชาตสฺส อิมสฺส โนจิตฺตสหภุสฺส กายสฺส วิปฺปยุตฺตปจฺจเยน ปจฺจโย. (๒)

จิตฺตสหภู จ โนจิตฺตสหภู จ ธมฺมา จิตฺตสหภุสฺส จ โนจิตฺตสหภุสฺส จ ธมฺมสฺส วิปฺปยุตฺตปจฺจเยน ปจฺจโย – จิตฺตสหภู ขนฺธา จ จิตฺตญฺจ จิตฺตสหภูนญฺจ โนจิตฺตสหภูนญฺจ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย. (๓)

อตฺถิปจฺจโย

๒๖๘. จิตฺตสหภู ธมฺโม จิตฺตสหภุสฺส ธมฺมสฺส อตฺถิปจฺจเยน ปจฺจโย – จิตฺตสหภู เอโก ขนฺโธ…เป… (ปฏิจฺจสทิสํ). (๑)

จิตฺตสหภู ธมฺโม โนจิตฺตสหภุสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ (สํขิตฺตํ). (๒)

จิตฺตสหภู ธมฺโม จิตฺตสหภุสฺส จ โนจิตฺตสหภุสฺส จ ธมฺมสฺส อตฺถิปจฺจเยน ปจฺจโย – จิตฺตสหภู เอโก ขนฺโธ…เป… (ปฏิจฺจสทิสํ). (๓)

โนจิตฺตสหภู ธมฺโม โนจิตฺตสหภุสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ, ปจฺฉาชาตํ, อาหารํ, อินฺทฺริยํ (สํขิตฺตํ). (๑)

โนจิตฺตสหภู ธมฺโม จิตฺตสหภุสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ (สํขิตฺตํ. (๒)

โนจิตฺตสหภู ธมฺโม จิตฺตสหภุสฺส จ โนจิตฺตสหภุสฺส จ ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ (สํขิตฺตํ). (๓)

๒๖๙. จิตฺตสหภู จ โนจิตฺตสหภู จ ธมฺมา จิตฺตสหภุสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ. สหชาโต – จกฺขุวิญฺญาณสหคโต เอโก ขนฺโธ จ จกฺขายตนญฺจ จกฺขุวิญฺญาณญฺจ ทฺวินฺนํ ขนฺธานํ…เป… เทฺว ขนฺธา จ…เป… (สพฺพํ ปฏิสนฺธิยํ กาตพฺพํ, สหชาตํ ปุเรชาตมฺปิ). (๑)

จิตฺตสหภู จ โนจิตฺตสหภู จ ธมฺมา โนจิตฺตสหภุสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ, ปจฺฉาชาตํ, อาหารํ, อินฺทฺริยํ. สหชาตา – จกฺขุวิญฺญาณสหคตา ขนฺธา จกฺขายตนญฺจ จกฺขุวิญฺญาณสฺส อตฺถิปจฺจเยน ปจฺจโย…เป… กายวิญฺญาณสหคตา…เป… จิตฺตสหภู ขนฺธา จ จิตฺตญฺจ โนจิตฺตสหภูนํ จิตฺตสมุฏฺฐานานํ รูปานํ อตฺถิปจฺจเยน ปจฺจโย. สหชาตา – จิตฺตสหภู ขนฺธา จ วตฺถุ จ จิตฺตสฺส อตฺถิปจฺจเยน ปจฺจโย. สหชาตา – จิตฺตสหภู ขนฺธา จ มหาภูตา จ โนจิตฺตสหภูนํ จิตฺตสมุฏฺฐานานํ รูปานํ อตฺถิปจฺจเยน ปจฺจโย (ปฏิสนฺธิกฺขเณ ตีณิปิ กาตพฺพา). ปจฺฉาชาตา – จิตฺตสหภู ขนฺธา จ จิตฺตญฺจ ปุเรชาตสฺส อิมสฺส โนจิตฺตสหภุสฺส กายสฺส อตฺถิปจฺจเยน ปจฺจโย. ปจฺฉาชาตา – จิตฺตสหภู ขนฺธา จ กพฬีกาโร อาหาโร จ อิมสฺส โนจิตฺตสหภุสฺส กายสฺส อตฺถิปจฺจเยน ปจฺจโย. ปจฺฉาชาตา – จิตฺตสหภู ขนฺธา จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย. (๒)

จิตฺตสหภู จ โนจิตฺตสหภู จ ธมฺมา จิตฺตสหภุสฺส จ โนจิตฺตสหภุสฺส จ ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ. สหชาโต – จกฺขุวิญฺญาณสหคโต เอโก ขนฺโธ จ จกฺขายตนํ จ…เป… (ปจฺจยวารสทิสํ). (๓)