๕. สํสฏฺฐวาโร

๑-๔. ปจฺจยานุโลมาทิ

๑๗๒. นเหตุํ สเหตุกํ ธมฺมํ สํสฏฺโฐ นเหตุ สเหตุโก ธมฺโม อุปฺปชฺชติ เหตุปจฺจยา – นเหตุํ สเหตุกํ เอกํ ขนฺธํ…เป… ปฏิสนฺธิกฺขเณ…เป….

๑๗๓. เหตุยา เอกํ, อารมฺมเณ เทฺว, อธิปติยา เอกํ, อนนฺตเร เทฺว (สพฺพตฺถ เทฺว), มคฺเค เอกํ…เป… อวิคเต เทฺว.

อนุโลมํ.

๑๗๔. นเหตุํ อเหตุกํ ธมฺมํ สํสฏฺโฐ นเหตุ อเหตุโก ธมฺโม อุปฺปชฺชติ นเหตุปจฺจยา – นเหตุํ อเหตุกํ เอกํ ขนฺธํ…เป… ปฏิสนฺธิกฺขเณ…เป….

๑๗๕. นเหตุยา เอกํ, นอธิปติยา เทฺว, นปุเรชาเต เทฺว, นปจฺฉาชาเต เทฺว, นอาเสวเน เทฺว, นกมฺเม เทฺว, นวิปาเก เทฺว, นฌาเน เอกํ, นมคฺเค เอกํ, นวิปฺปยุตฺเต เทฺว.

ปจฺจนียํ.

(เอวํ อวเสสาปิ เทฺว คณนา คเณตพฺพา.)