๑. วิภงฺควาโร

นเหตุปจฺจโย

๗๐. ทสฺสเนน ปหาตพฺพเหตุกํ ธมฺมํ สํสฏฺโฐ เนวทสฺสเนน นภาวนาย ปหาตพฺพเหตุโก ธมฺโม อุปฺปชฺชติ นเหตุปจฺจยา – วิจิกิจฺฉาสหคเต ขนฺเธ สํสฏฺโฐ วิจิกิจฺฉาสหคโต โมโห.(๑)

ภาวนาย ปหาตพฺพเหตุกํ ธมฺมํ สํสฏฺโฐ เนวทสฺสเนน นภาวนาย ปหาตพฺพเหตุโก ธมฺโม อุปฺปชฺชติ นเหตุปจฺจยา – อุทฺธจฺจสหคเต ขนฺเธ สํสฏฺโฐ อุทฺธจฺจสหคโต โมโห. (๑)

เนวทสฺสเนน นภาวนาย ปหาตพฺพเหตุกํ ธมฺมํ สํสฏฺโฐ เนวทสฺสเนน นภาวนาย ปหาตพฺพเหตุโก ธมฺโม อุปฺปชฺชติ นเหตุปจฺจยา – อเหตุกํ เนวทสฺสเนน นภาวนาย ปหาตพฺพเหตุกํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ สํสฏฺฐา เทฺว ขนฺธา. อเหตุกปฏิสนฺธิกฺขเณ…เป…. (๑)

นอธิปติปจฺจยาทิ

๗๑. ทสฺสเนน ปหาตพฺพเหตุกํ ธมฺมํ สํสฏฺโฐ…เป… นอธิปติปจฺจยา (สหชาตสทิสํ)… นปุเรชาตปจฺจยา… นปจฺฉาชาตปจฺจยา, นอาเสวนปจฺจยา… นกมฺมปจฺจยา… สตฺต, นวิปากปจฺจยา… นฌานปจฺจยา… นมคฺคปจฺจยา… นวิปฺปยุตฺตปจฺจยา….