๑. วิภงฺควาโร

เหตุปจฺจโย

๖๖. สวิตกฺกสวิจาโร ธมฺโม สวิตกฺกสวิจารสฺส ธมฺมสฺส เหตุปจฺจเยน ปจฺจโย – สวิตกฺกสวิจารา เหตู สมฺปยุตฺตกานํ ขนฺธานํ เหตุปจฺจเยน ปจฺจโย. ปฏิสนฺธิกฺขเณ…เป…. (๑)

สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส เหตุปจฺจเยน ปจฺจโย – สวิตกฺกสวิจารา เหตู วิตกฺกสฺส เหตุปจฺจเยน ปจฺจโย. ปฏิสนฺธิกฺขเณ…เป…. (๒)

สวิตกฺกสวิจาโร ธมฺโม อวิตกฺกอวิจารสฺส ธมฺมสฺส เหตุปจฺจเยน ปจฺจโย – สวิตกฺกสวิจารา เหตู จิตฺตสมุฏฺฐานานํ รูปานํ เหตุปจฺจเยน ปจฺจโย. ปฏิสนฺธิกฺขเณ สวิตกฺกสวิจารา เหตู กฏตฺตารูปานํ เหตุปจฺจเยน ปจฺจโย. (๓)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกอวิจารสฺส จ ธมฺมสฺส เหตุปจฺจเยน ปจฺจโย – สวิตกฺกสวิจารา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย. ปฏิสนฺธิกฺขเณ สวิตกฺกสวิจารา เหตู สมฺปยุตฺตกานํ ขนฺธานํ กฏตฺตา จ รูปานํ เหตุปจฺจเยน ปจฺจโย. (๔)

สวิตกฺกสวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส เหตุปจฺจเยน ปจฺจโย – สวิตกฺกสวิจารา เหตู วิตกฺกสฺส จิตฺตสมุฏฺฐานานญฺจ รูปานํ เหตุปจฺจเยน ปจฺจโย. ปฏิสนฺธิกฺขเณ สวิตกฺกสวิจารา เหตู วิตกฺกสฺส กฏตฺตา จ รูปานํ เหตุปจฺจเยน ปจฺจโย. (๕)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส เหตุปจฺจเยน ปจฺจโย – สวิตกฺกสวิจารา เหตู สมฺปยุตฺตกานํ ขนฺธานํ วิตกฺกสฺส จ เหตุปจฺจเยน ปจฺจโย. ปฏิสนฺธิกฺขเณ สวิตกฺกสวิจารา เหตู สมฺปยุตฺตกานํ ขนฺธานํ วิตกฺกสฺส จ เหตุปจฺจเยน ปจฺจโย. (๖)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส เหตุปจฺจเยน ปจฺจโย – สวิตกฺกสวิจารา เหตู สมฺปยุตฺตกานํ ขนฺธานํ วิตกฺกสฺส จ จิตฺตสมุฏฺฐานานญฺจ รูปานํ เหตุปจฺจเยน ปจฺจโย. ปฏิสนฺธิกฺขเณ สวิตกฺกสวิจารา เหตู สมฺปยุตฺตกานํ ขนฺธานํ วิตกฺกสฺส จ กฏตฺตา จ รูปานํ เหตุปจฺจเยน ปจฺจโย. (๗)

๖๗. อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส เหตุปจฺจเยน ปจฺจโย – อวิตกฺกวิจารมตฺตา เหตู สมฺปยุตฺตกานํ ขนฺธานํ เหตุปจฺจเยน ปจฺจโย. ปฏิสนฺธิกฺขเณ อวิตกฺกวิจารมตฺตา เหตู สมฺปยุตฺตกานํ ขนฺธานํ เหตุปจฺจเยน ปจฺจโย. (๑)

อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส เหตุปจฺจเยน ปจฺจโย – อวิตกฺกวิจารมตฺตา เหตู วิจารสฺส จิตฺตสมุฏฺฐานานญฺจ รูปานํ เหตุปจฺจเยน ปจฺจโย. ปฏิสนฺธิกฺขเณ อวิตกฺกวิจารมตฺตา เหตู วิจารสฺส จ กฏตฺตา จ รูปานํ เหตุปจฺจเยน ปจฺจโย. (๒)

อวิตกฺกวิจารมตฺโต ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส เหตุปจฺจเยน ปจฺจโย – อวิตกฺกวิจารมตฺตา เหตู สมฺปยุตฺตกานํ ขนฺธานํ วิจารสฺส จ จิตฺตสมุฏฺฐานานญฺจ รูปานํ เหตุปจฺจเยน ปจฺจโย. ปฏิสนฺธิกฺขเณ อวิตกฺกวิจารมตฺตา เหตู สมฺปยุตฺตกานํ ขนฺธานํ วิจารสฺส จ กฏตฺตา จ รูปานํ เหตุปจฺจเยน ปจฺจโย. (๓)

๖๘. อวิตกฺกอวิจาโร ธมฺโม อวิตกฺกอวิจารสฺส ธมฺมสฺส เหตุปจฺจเยน ปจฺจโย – อวิตกฺกอวิจารา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย. ปฏิสนฺธิกฺขเณ อวิตกฺกอวิจารา เหตู สมฺปยุตฺตกานํ ขนฺธานํ กฏตฺตา จ รูปานํ เหตุปจฺจเยน ปจฺจโย. (๑)

อารมฺมณปจฺจโย

๖๙. สวิตกฺกสวิจาโร ธมฺโม สวิตกฺกสวิจารสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ ปจฺจเวกฺขติ; ปุพฺเพ สุจิณฺณานิ ปจฺจเวกฺขติ; สวิตกฺกสวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ปจฺจเวกฺขติ. อริยา ปหีเน กิเลเส ปจฺจเวกฺขนฺติ, วิกฺขมฺภิเต กิเลเส ปจฺจเวกฺขนฺติ, ปุพฺเพ สมุทาจิณฺเณ กิเลเส ชานนฺติ. สวิตกฺกสวิจาเร ขนฺเธ อนิจฺจโต ทุกฺขโต อนตฺตโต วิปสฺสนฺติ อสฺสาเทนฺติ อภินนฺทนฺติ; ตํ อารพฺภ ราโค อุปฺปชฺชติ…เป… โทมนสฺสํ อุปฺปชฺชติ. สวิตกฺกสวิจาเร ขนฺเธ อารพฺภ สวิตกฺกสวิจารา ขนฺธา อุปฺปชฺชนฺติ. (๑)

สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ ปจฺจเวกฺขติ; ตํ อารพฺภ วิตกฺโก อุปฺปชฺชติ. ปุพฺเพ สุจิณฺณานิ ปจฺจเวกฺขติ; สวิตกฺกสวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ปจฺจเวกฺขติ; ตํ อารพฺภ วิตกฺโก อุปฺปชฺชติ. อริยา ปหีเน กิเลเส ปจฺจเวกฺขนฺติ, วิกฺขมฺภิเต กิเลเส ปจฺจเวกฺขนฺติ, ปุพฺเพ สมุทาจิณฺเณ กิเลเส ชานนฺติ. สวิตกฺกสวิจาเร ขนฺเธ อนิจฺจโต ทุกฺขโต อนตฺตโต วิปสฺสนฺติ อสฺสาเทนฺติ อภินนฺทนฺติ; ตํ อารพฺภ วิตกฺโก อุปฺปชฺชติ. สวิตกฺกสวิจาเร ขนฺเธ อารพฺภ วิตกฺโก อุปฺปชฺชติ. (๒)

สวิตกฺกสวิจาโร ธมฺโม อวิตกฺกอวิจารสฺส ธมฺมสฺส อารมฺมณปจฺจเยน ปจฺจโย – เจโตปริยญาเณน สวิตกฺกสวิจารจิตฺตสมงฺคิสฺส จิตฺตํ ชานาติ; สวิตกฺกสวิจารา ขนฺธา เจโตปริยญาณสฺส, ปุพฺเพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส อารมฺมณปจฺจเยน ปจฺจโย. สวิตกฺกสวิจาเร ขนฺเธ อารพฺภ อวิตกฺกอวิจารา ขนฺธา อุปฺปชฺชนฺติ. (๓)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อารมฺมณปจฺจเยน ปจฺจโย – ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ ปจฺจเวกฺขติ; ตํ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. ปุพฺเพ สุจิณฺณานิ ปจฺจเวกฺขติ; สวิตกฺกสวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ปจฺจเวกฺขติ; ตํ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. อริยา ปหีเน กิเลเส ปจฺจเวกฺขนฺติ, วิกฺขมฺภิเต กิเลเส ปจฺจเวกฺขนฺติ, ปุพฺเพ สมุทาจิณฺเณ กิเลเส ชานนฺติ. สวิตกฺกสวิจาเร ขนฺเธ อนิจฺจโต ทุกฺขโต อนตฺตโต วิปสฺสนฺติ อสฺสาเทนฺติ อภินนฺทนฺติ; ตํ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. สวิตกฺกสวิจาเร ขนฺเธ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. (๔)

๗๐. อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส อารมฺมณปจฺจเยน ปจฺจโย – อวิตกฺกวิจารมตฺตา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ปจฺจเวกฺขติ; ตํ อารพฺภ วิตกฺโก อุปฺปชฺชติ. อวิตกฺกวิจารมตฺเต ขนฺเธ จ วิตกฺกญฺจ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ; ตํ อารพฺภ วิตกฺโก อุปฺปชฺชติ. อวิตกฺกวิจารมตฺเต ขนฺเธ จ วิตกฺกญฺจ อารพฺภ วิตกฺโก อุปฺปชฺชติ. (๑)

อวิตกฺกวิจารมตฺโต ธมฺโม สวิตกฺกสวิจารสฺส ธมฺมสฺส อารมฺมณปจฺจเยน ปจฺจโย – อวิตกฺกวิจารมตฺตา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ปจฺจเวกฺขนฺติ; ตํ อารพฺภ สวิตกฺกสวิจารา ขนฺธา อุปฺปชฺชนฺติ. อวิตกฺกวิจารมตฺเต ขนฺเธ จ วิตกฺกญฺจ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ; ตํ อารพฺภ ราโค อุปฺปชฺชติ…เป… โทมนสฺสํ อุปฺปชฺชติ. อวิตกฺกวิจารมตฺเต ขนฺเธ จ วิตกฺกญฺจ อารพฺภ สวิตกฺกสวิจารา ขนฺธา อุปฺปชฺชนฺติ. (๒)

อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส อารมฺมณปจฺจเยน ปจฺจโย – เจโตปริยญาเณน อวิตกฺกวิจารมตฺตจิตฺตสมงฺคิสฺส จิตฺตํ ชานาติ. อวิตกฺกวิจารมตฺตา ขนฺธา เจโตปริยญาณสฺส, ปุพฺเพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส อารมฺมณปจฺจเยน ปจฺจโย. อวิตกฺกวิจารมตฺเต ขนฺเธ จ วิตกฺกญฺจ อารพฺภ อวิตกฺกอวิจารา ขนฺธา อุปฺปชฺชนฺติ. (๓)

อวิตกฺกวิจารมตฺโต ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อารมฺมณปจฺจเยน ปจฺจโย – อวิตกฺกวิจารมตฺตา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ปจฺจเวกฺขติ; ตํ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. อวิตกฺกวิจารมตฺเต ขนฺเธ จ วิตกฺกญฺจ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ; ตํ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. อวิตกฺกวิจารมตฺเต ขนฺเธ จ วิตกฺกญฺจ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. (๔)

๗๑. อวิตกฺกอวิจาโร ธมฺโม อวิตกฺกอวิจารสฺส ธมฺมสฺส อารมฺมณปจฺจเยน ปจฺจโย – นิพฺพานํ อวิตกฺกอวิจารสฺส มคฺคสฺส ผลสฺส วิจารสฺส จ อารมฺมณปจฺจเยน ปจฺจโย. ทิพฺเพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติ, เจโตปริยญาเณน อวิตกฺกอวิจารจิตฺตสมงฺคิสฺส จิตฺตํ ชานาติ. อากาสานญฺจายตนํ วิญฺญาณญฺจายตนสฺส…เป… อากิญฺจญฺญายตนํ เนวสญฺญานาสญฺญายตนสฺส อารมฺมณปจฺจเยน ปจฺจโย. รูปายตนํ จกฺขุวิญฺญาณสฺส…เป… โผฏฺฐพฺพายตนํ กายวิญฺญาณสฺส อารมฺมณปจฺจเยน ปจฺจโย. อวิตกฺกอวิจารา ขนฺธา อิทฺธิวิธญาณสฺส, เจโตปริยญาณสฺส, ปุพฺเพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส อารมฺมณปจฺจเยน ปจฺจโย. อวิตกฺกอวิจาเร ขนฺเธ จ วิจารญฺจ อารพฺภ อวิตกฺกอวิจารา ขนฺธา อุปฺปชฺชนฺติ. (๑)

อวิตกฺกอวิจาโร ธมฺโม สวิตกฺกสวิจารสฺส ธมฺมสฺส อารมฺมณปจฺจเยน ปจฺจโย – อริยา อวิตกฺกอวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ปจฺจเวกฺขนฺติ; ตํ อารพฺภ สวิตกฺกสวิจารา ขนฺธา อุปฺปชฺชนฺติ. อริยา นิพฺพานํ ปจฺจเวกฺขนฺติ, นิพฺพานํ โคตฺรภุสฺส โวทานสฺส สวิตกฺกสวิจารสฺส มคฺคสฺส ผลสฺส อาวชฺชนาย อารมฺมณปจฺจเยน ปจฺจโย. จกฺขุํ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ; ตํ อารพฺภ ราโค อุปฺปชฺชติ…เป… โทมนสฺสํ อุปฺปชฺชติ. โสตํ… ฆานํ … ชิวฺหํ… กายํ… รูเป… สทฺเท… คนฺเธ… รเส… โผฏฺฐพฺเพ… วตฺถุํ… อวิตกฺกอวิจาเร ขนฺเธ จ วิจารญฺจ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ; ตํ อารพฺภ ราโค อุปฺปชฺชติ…เป… โทมนสฺสํ อุปฺปชฺชติ. อวิตกฺกอวิจาเร ขนฺเธ จ วิจารญฺจ อารพฺภ สวิตกฺกสวิจารา ขนฺธา อุปฺปชฺชนฺติ. (๒)

อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส อารมฺมณปจฺจเยน ปจฺจโย – อริยา อวิตกฺกอวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ปจฺจเวกฺขนฺติ; ตํ อารพฺภ วิตกฺโก อุปฺปชฺชติ. อริยา นิพฺพานํ ปจฺจเวกฺขนฺติ, นิพฺพานํ อวิตกฺกวิจารมตฺตสฺส มคฺคสฺส ผลสฺส วิตกฺกสฺส จ อารมฺมณปจฺจเยน ปจฺจโย. จกฺขุํ อนิจฺจโต ทุกฺขโต อนตฺตโต…เป… วตฺถุํ… อวิตกฺกอวิจาเร ขนฺเธ จ วิจารญฺจ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ; ตํ อารพฺภ วิตกฺโก อุปฺปชฺชติ. อวิตกฺกอวิจาเร ขนฺเธ จ วิจารญฺจ อารพฺภ วิตกฺโก อุปฺปชฺชติ. (๓)

อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อารมฺมณปจฺจเยน ปจฺจโย – นิพฺพานํ อวิตกฺกวิจารมตฺตสฺส มคฺคสฺส ผลสฺส วิจารสฺส จ อารมฺมณปจฺจเยน ปจฺจโย. (๔)

อวิตกฺกอวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อารมฺมณปจฺจเยน ปจฺจโย – อริยา อวิตกฺกอวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ปจฺจเวกฺขนฺติ; ตํ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. อริยา นิพฺพานํ ปจฺจเวกฺขนฺติ, นิพฺพานํ โคตฺรภุสฺส วิตกฺกสฺส จ โวทานสฺส วิตกฺกสฺส จ สวิตกฺกสวิจารสฺส มคฺคสฺส วิตกฺกสฺส จ สวิตกฺกสวิจารสฺส ผลสฺส วิตกฺกสฺส จ อาวชฺชนาย วิตกฺกสฺส จ อารมฺมณปจฺจเยน ปจฺจโย. จกฺขุํ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ; ตํ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. โสตํ…เป… โผฏฺฐพฺพํ… วตฺถุํ… อวิตกฺกอวิจาเร ขนฺเธ จ วิจารญฺจ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ; ตํ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. (๕)

๗๒. อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส อารมฺมณปจฺจเยน ปจฺจโย – อวิตกฺกวิจารมตฺเต ขนฺเธ จ วิจารญฺจ อารพฺภ สวิตกฺกสวิจารา ขนฺธา อุปฺปชฺชนฺติ. (๑)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส อารมฺมณปจฺจเยน ปจฺจโย – อวิตกฺกวิจารมตฺเต ขนฺเธ จ วิจารญฺจ อารพฺภ วิตกฺโก อุปฺปชฺชติ. (๒)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส อารมฺมณปจฺจเยน ปจฺจโย – อวิตกฺกวิจารมตฺตา ขนฺธา จ วิจาโร จ เจโตปริยญาณสฺส, ปุพฺเพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส อารมฺมณปจฺจเยน ปจฺจโย. อวิตกฺกวิจารมตฺเต ขนฺเธ จ วิจารญฺจ อารพฺภ อวิตกฺกอวิจารา ขนฺธา อุปฺปชฺชนฺติ. (๓)

อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อารมฺมณปจฺจเยน ปจฺจโย – อวิตกฺกวิจารมตฺเต ขนฺเธ จ วิจารญฺจ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. (๔)

๗๓. สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส อารมฺมณปจฺจเยน ปจฺจโย – สวิตกฺกสวิจาเร ขนฺเธ จ วิตกฺกญฺจ อารพฺภ สวิตกฺกสวิจารา ขนฺธา อุปฺปชฺชนฺติ. (๑)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกวิจารมตฺตสฺส อารมฺมณปจฺจเยน ปจฺจโย – สวิตกฺกสวิจาเร ขนฺเธ จ วิตกฺกญฺจ อารพฺภ วิตกฺโก อุปฺปชฺชติ. (๒)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกอวิจารสฺส ธมฺมสฺส อารมฺมณปจฺจเยน ปจฺจโย – สวิตกฺกสวิจารา ขนฺธา จ วิตกฺโก จ เจโตปริยญาณสฺส, ปุพฺเพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส อารมฺมณปจฺจเยน ปจฺจโย. สวิตกฺกสวิจาเร ขนฺเธ จ วิตกฺกญฺจ อารพฺภ อวิตกฺกอวิจารา ขนฺธา อุปฺปชฺชนฺติ. (๓)

สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อารมฺมณปจฺจเยน ปจฺจโย – สวิตกฺกสวิจาเร ขนฺเธ จ วิตกฺกญฺจ อารพฺภ สวิตกฺกสวิจารา ขนฺธา จ วิตกฺโก จ อุปฺปชฺชนฺติ. (๔)

อธิปติปจฺจโย

๗๔. สวิตกฺกสวิจาโร ธมฺโม สวิตกฺกสวิจารสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ. อารมฺมณาธิปติ – ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ ครุํ กตฺวา ปจฺจเวกฺขติ; ปุพฺเพ สุจิณฺณานิ ครุํ กตฺวา ปจฺจเวกฺขติ. สวิตกฺกสวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ครุํ กตฺวา ปจฺจเวกฺขติ. สวิตกฺกสวิจาเร ขนฺเธ ครุํ กตฺวา อสฺสาเทติ อภินนฺทติ; ตํ ครุํ กตฺวา ราโค อุปฺปชฺชติ, ทิฏฺฐิ อุปฺปชฺชติ. สหชาตาธิปติ – สวิตกฺกสวิจารา อธิปติ สมฺปยุตฺตกานํ ขนฺธานํ อธิปติปจฺจเยน ปจฺจโย. (๑)

สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ. อารมฺมณาธิปติ – ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ ครุํ กตฺวา ปจฺจเวกฺขติ; ตํ ครุํ กตฺวา วิตกฺโก อุปฺปชฺชติ. ปุพฺเพ สุจิณฺณานิ ครุํ กตฺวา ปจฺจเวกฺขติ. สวิตกฺกสวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ครุํ กตฺวา ปจฺจเวกฺขนฺติ; ตํ ครุํ กตฺวา วิตกฺโก อุปฺปชฺชติ. สวิตกฺกสวิจาเร ขนฺเธ ครุํ กตฺวา อสฺสาเทติ อภินนฺทติ; ตํ ครุํ กตฺวา วิตกฺโก อุปฺปชฺชติ. สหชาตาธิปติ – สวิตกฺกสวิจารา อธิปติ วิตกฺกสฺส อธิปติปจฺจเยน ปจฺจโย. (๒)

สวิตกฺกสวิจาโร ธมฺโม อวิตกฺกอวิจารสฺส ธมฺมสฺส อธิปติปจฺจเยน ปจฺจโย. สหชาตาธิปติ – สวิตกฺกสวิจารา อธิปติ จิตฺตสมุฏฺฐานานํ รูปานํ อธิปติปจฺจเยน ปจฺจโย. (๓)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกอวิจารสฺส จ ธมฺมสฺส อธิปติปจฺจเยน ปจฺจโย. สหชาตาธิปติ – สวิตกฺกสวิจารา อธิปติ สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย. (๔)

สวิตกฺกสวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อธิปติปจฺจเยน ปจฺจโย. สหชาตาธิปติ – สวิตกฺกสวิจารา อธิปติ วิตกฺกสฺส จ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย. (๕)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ สหชาตาธิปติ. อารมฺมณาธิปติ – ทานํ ทตฺวา สีลํ สมาทิยิตฺวา, อุโปสถกมฺมํ กตฺวา ตํ ครุํ กตฺวา ปจฺจเวกฺขติ; ตํ ครุํ กตฺวา สวิตกฺกสวิจารา ขนฺธา จ วิตกฺโก จ อุปฺปชฺชนฺติ. ปุพฺเพ สุจิณฺณานิ ครุํ กตฺวา ปจฺจเวกฺขติ, สวิตกฺกสวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ครุํ กตฺวา ปจฺจเวกฺขติ; ตํ ครุํ กตฺวา สวิตกฺกสวิจารา ขนฺธา จ วิตกฺโก จ อุปฺปชฺชนฺติ. สวิตกฺกสวิจาเร ขนฺเธ ครุํ กตฺวา อสฺสาเทติ อภินนฺทติ; ตํ ครุํ กตฺวา สวิตกฺกสวิจารา ขนฺธา จ วิตกฺโก จ อุปฺปชฺชนฺติ. สหชาตาธิปติ – สวิตกฺกสวิจารา อธิปติ สมฺปยุตฺตกานํ ขนฺธานํ วิตกฺกสฺส จ อธิปติปจฺจเยน ปจฺจโย. (๖)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อธิปติปจฺจเยน ปจฺจโย. สหชาตาธิปติ – สวิตกฺกสวิจารา อธิปติ สมฺปยุตฺตกานํ ขนฺธานํ วิตกฺกสฺส จ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย. (๗)

๗๕. อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ. อารมฺมณาธิปติ – อวิตกฺกวิจารมตฺตา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ครุํ กตฺวา ปจฺจเวกฺขติ; ตํ ครุํ กตฺวา วิตกฺโก อุปฺปชฺชติ. อวิตกฺกวิจารมตฺเต ขนฺเธ จ วิตกฺกญฺจ ครุํ กตฺวา อสฺสาเทติ อภินนฺทติ; ตํ ครุํ กตฺวา วิตกฺโก อุปฺปชฺชติ. สหชาตาธิปติ – อวิตกฺกวิจารมตฺตา อธิปติ สมฺปยุตฺตกานํ ขนฺธานํ อธิปติปจฺจเยน ปจฺจโย. (๑)

อวิตกฺกวิจารมตฺโต ธมฺโม สวิตกฺกสวิจารสฺส ธมฺมสฺส อธิปติปจฺจเยน ปจฺจโย. อารมฺมณาธิปติ – อวิตกฺกวิจารมตฺตา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ครุํ กตฺวา ปจฺจเวกฺขติ; ตํ ครุํ กตฺวา สวิตกฺกสวิจารา ขนฺธา อุปฺปชฺชนฺติ. อวิตกฺกวิจารมตฺเต ขนฺเธ จ วิตกฺกญฺจ ครุํ กตฺวา อสฺสาเทติ อภินนฺทติ; ตํ ครุํ กตฺวา ราโค อุปฺปชฺชติ, ทิฏฺฐิ อุปฺปชฺชติ. (๒)

อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส อธิปติปจฺจเยน ปจฺจโย. สหชาตาธิปติ – อวิตกฺกวิจารมตฺตา อธิปติ วิจารสฺส จิตฺตสมุฏฺฐานานญฺจ รูปานํ อธิปติปจฺจเยน ปจฺจโย. (๓)

อวิตกฺกวิจารมตฺโต ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อธิปติปจฺจเยน ปจฺจโย. สหชาตาธิปติ – อวิตกฺกวิจารมตฺตา อธิปติ สมฺปยุตฺตกานํ ขนฺธานํ วิจารสฺส จ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย. (๔)

อวิตกฺกวิจารมตฺโต ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อธิปติปจฺจเยน ปจฺจโย. อารมฺมณาธิปติ – อวิตกฺกวิจารมตฺตา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ครุํ กตฺวา ปจฺจเวกฺขติ; ตํ ครุํ กตฺวา สวิตกฺกสวิจารา ขนฺธา จ วิตกฺโก จ อุปฺปชฺชนฺติ. อวิตกฺกวิจารมตฺเต ขนฺเธ จ วิตกฺกญฺจ ครุํ กตฺวา อสฺสาเทติ อภินนฺทติ; ตํ ครุํ กตฺวา สวิตกฺกสวิจารา ขนฺธา จ วิตกฺโก จ อุปฺปชฺชนฺติ. (๕)

๗๖. อวิตกฺกอวิจาโร ธมฺโม อวิตกฺกอวิจารสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ. อารมฺมณาธิปติ – นิพฺพานํ อวิตกฺกอวิจารสฺส มคฺคสฺส ผลสฺส วิจารสฺส จ อธิปติปจฺจเยน ปจฺจโย. สหชาตาธิปติ – อวิตกฺกอวิจารา อธิปติ สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย. (๑)

อวิตกฺกอวิจาโร ธมฺโม สวิตกฺกสวิจารสฺส ธมฺมสฺส อธิปติปจฺจเยน ปจฺจโย. อารมฺมณาธิปติ – อริยา อวิตกฺกอวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ครุํ กตฺวา ปจฺจเวกฺขนฺติ; ตํ ครุํ กตฺวา สวิตกฺกสวิจารา ขนฺธา อุปฺปชฺชนฺติ, อริยา นิพฺพานํ ครุํ กตฺวา ปจฺจเวกฺขนฺติ; นิพฺพานํ โคตฺรภุสฺส โวทานสฺส สวิตกฺกสวิจารสฺส มคฺคสฺส ผลสฺส อธิปติปจฺจเยน ปจฺจโย. จกฺขุํ ครุํ กตฺวา อสฺสาเทติ อภินนฺทติ; ตํ ครุํ กตฺวา ราโค อุปฺปชฺชติ, ทิฏฺฐิ อุปฺปชฺชติ. โสตํ… ฆานํ… ชิวฺหํ… กายํ… รูเป… สทฺเท… คนฺเธ… รเส… โผฏฺฐพฺเพ… วตฺถุํ… อวิตกฺกอวิจาเร ขนฺเธ จ วิจารญฺจ ครุํ กตฺวา อสฺสาเทติ อภินนฺทติ; ตํ ครุํ กตฺวา ราโค อุปฺปชฺชติ, ทิฏฺฐิ อุปฺปชฺชติ. (๒)

อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส อธิปติปจฺจเยน ปจฺจโย. อารมฺมณาธิปติ – อริยา อวิตกฺกอวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ครุํ กตฺวา ปจฺจเวกฺขนฺติ; ตํ ครุํ กตฺวา วิตกฺโก อุปฺปชฺชติ, อริยา นิพฺพานํ ครุํ กตฺวา ปจฺจเวกฺขนฺติ; นิพฺพานํ อวิตกฺกวิจารมตฺตสฺส มคฺคสฺส ผลสฺส วิตกฺกสฺส จ อธิปติปจฺจเยน ปจฺจโย. จกฺขุํ…เป… วตฺถุํ… อวิตกฺกอวิจาเร ขนฺเธ จ วิจารญฺจ ครุํ กตฺวา อสฺสาเทติ อภินนฺทติ; ตํ ครุํ กตฺวา วิตกฺโก อุปฺปชฺชติ. (๓)

อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อธิปติปจฺจเยน ปจฺจโย. อารมฺมณาธิปติ – นิพฺพานํ อวิตกฺกวิจารมตฺตสฺส มคฺคสฺส ผลสฺส วิจารสฺส จ อธิปติปจฺจเยน ปจฺจโย. (๔)

อวิตกฺกอวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อธิปติปจฺจเยน ปจฺจโย. อารมฺมณาธิปติ – อริยา อวิตกฺกอวิจารา ฌานา วุฏฺฐหิตฺวา, มคฺคา วุฏฺฐหิตฺวา, ผลา วุฏฺฐหิตฺวา ผลํ ครุํ กตฺวา ปจฺจเวกฺขนฺติ; ตํ ครุํ กตฺวา สวิตกฺกสวิจารา ขนฺธา จ วิตกฺโก จ อุปฺปชฺชนฺติ, อริยา นิพฺพานํ ครุํ กตฺวา ปจฺจเวกฺขนฺติ; นิพฺพานํ โคตฺรภุสฺส วิตกฺกสฺส จ โวทานสฺส วิตกฺกสฺส จ สวิตกฺกสวิจารสฺส มคฺคสฺส วิตกฺกสฺส จ สวิตกฺกสวิจารสฺส ผลสฺส วิตกฺกสฺส จ อธิปติปจฺจเยน ปจฺจโย. จกฺขุํ ครุํ กตฺวา…เป… วตฺถุํ… อวิตกฺกอวิจาเร ขนฺเธ จ วิจารญฺจ ครุํ กตฺวา อสฺสาเทติ อภินนฺทติ; ตํ ครุํ กตฺวา สวิตกฺกสวิจารา ขนฺธา จ วิตกฺโก จ อุปฺปชฺชนฺติ. (๕)

๗๗. อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อธิปติปจฺจเยน ปจฺจโย. อารมฺมณาธิปติ – อวิตกฺกวิจารมตฺเต ขนฺเธ จ วิจารญฺจ ครุํ กตฺวา สวิตกฺกสวิจารา ขนฺธา อุปฺปชฺชนฺติ. (๑)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส อธิปติปจฺจเยน ปจฺจโย. อารมฺมณาธิปติ – อวิตกฺกวิจารมตฺเต ขนฺเธ จ วิจารญฺจ ครุํ กตฺวา วิตกฺโก อุปฺปชฺชติ. (๒)

อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อธิปติปจฺจเยน ปจฺจโย. อารมฺมณาธิปติ – อวิตกฺกวิจารมตฺเต ขนฺเธ จ วิจารญฺจ ครุํ กตฺวา สวิตกฺกสวิจารา ขนฺธา จ วิตกฺโก จ อุปฺปชฺชนฺติ. (๓)

๗๘. สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส ธมฺมสฺส อธิปติปจฺจเยน ปจฺจโย. อารมฺมณาธิปติ – สวิตกฺกสวิจาเร ขนฺเธ จ วิตกฺกญฺจ ครุํ กตฺวา สวิตกฺกสวิจารา ขนฺธา อุปฺปชฺชนฺติ. (๑)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกวิจารมตฺตสฺส ธมฺมสฺส อธิปติปจฺจเยน ปจฺจโย. อารมฺมณาธิปติ – สวิตกฺกสวิจาเร ขนฺเธ จ วิตกฺกญฺจ ครุํ กตฺวา วิตกฺโก อุปฺปชฺชติ. (๒)

สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อธิปติปจฺจเยน ปจฺจโย. อารมฺมณาธิปติ – สวิตกฺกสวิจาเร ขนฺเธ จ วิตกฺกญฺจ ครุํ กตฺวา สวิตกฺกสวิจารา ขนฺธา จ วิตกฺโก จ อุปฺปชฺชนฺติ. (๓)

อนนฺตรปจฺจโย

๗๙. สวิตกฺกสวิจาโร ธมฺโม สวิตกฺกสวิจารสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา สวิตกฺกสวิจารา ขนฺธา ปจฺฉิมานํ ปจฺฉิมานํ สวิตกฺกสวิจารานํ ขนฺธานํ อนนฺตรปจฺจเยน ปจฺจโย. อนุโลมํ โคตฺรภุสฺส… อนุโลมํ โวทานสฺส… โคตฺรภุ สวิตกฺกสวิจารสฺส มคฺคสฺส… โวทานํ สวิตกฺกสวิจารสฺส มคฺคสฺส… สวิตกฺกสวิจาโร มคฺโค สวิตกฺกสวิจารสฺส ผลสฺส… สวิตกฺกสวิจารํ ผลํ สวิตกฺกสวิจารสฺส ผลสฺส… อนุโลมํ สวิตกฺกสวิจาราย ผลสมาปตฺติยา อนนฺตรปจฺจเยน ปจฺจโย. (๑)

สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา สวิตกฺกสวิจารา ขนฺธา ปจฺฉิมสฺส ปจฺฉิมสฺส วิตกฺกสฺส อนนฺตรปจฺจเยน ปจฺจโย. สวิตกฺกสวิจารํ จุติจิตฺตํ อวิตกฺกวิจารมตฺตสฺส อุปปตฺติจิตฺตสฺส…เป… สวิตกฺกสวิจารา ขนฺธา อวิตกฺกวิจารมตฺตสฺส วุฏฺฐานสฺส วิตกฺกสฺส จ…เป… อวิตกฺกวิจารมตฺตสฺส ฌานสฺส ปริกมฺมํ อวิตกฺกวิจารมตฺตสฺส ฌานสฺส… โคตฺรภุ อวิตกฺกวิจารมตฺตสฺส มคฺคสฺส… โวทานํ อวิตกฺกวิจารมตฺตสฺส มคฺคสฺส… อนุโลมํ อวิตกฺกวิจารมตฺตาย ผลสมาปตฺติยา วิตกฺกสฺส จ อนนฺตรปจฺจเยน ปจฺจโย. (๒)

สวิตกฺกสวิจาโร ธมฺโม อวิตกฺกอวิจารสฺส ธมฺมสฺส อนนฺตรปจฺจเยน ปจฺจโย – สวิตกฺกสวิจารํ จุติจิตฺตํ อวิตกฺกอวิจารสฺส อุปปตฺติจิตฺตสฺส วิจารสฺส จ อนนฺตรปจฺจเยน ปจฺจโย – อาวชฺชนา ปญฺจนฺนํ วิญฺญาณานํ อนนฺตรปจฺจเยน ปจฺจโย. สวิตกฺกสวิจารา ขนฺธา อวิตกฺกอวิจารสฺส วุฏฺฐานสฺส วิจารสฺส จ…เป… ทุติยสฺส ฌานสฺส ปริกมฺมํ ทุติเย ฌาเน วิจารสฺส อนนฺตรปจฺจเยน ปจฺจโย. ตติยสฺส ฌานสฺส ปริกมฺมํ …เป… จตุตฺถสฺส ฌานสฺส ปริกมฺมํ…เป… อากาสานญฺจายตนสฺส ปริกมฺมํ…เป… วิญฺญาณญฺจายตนสฺส ปริกมฺมํ…เป… อากิญฺจญฺญายตนสฺส ปริกมฺมํ…เป… เนวสญฺญานาสญฺญายตนสฺส ปริกมฺมํ…เป… ทิพฺพสฺส จกฺขุสฺส ปริกมฺมํ…เป… ทิพฺพาย โสตธาตุยา ปริกมฺมํ…เป… อิทฺธิวิธญาณสฺส ปริกมฺมํ…เป… เจโตปริยญาณสฺส ปริกมฺมํ…เป… ปุพฺเพนิวาสานุสฺสติญาณสฺส ปริกมฺมํ…เป… ยถากมฺมูปคญาณสฺส ปริกมฺมํ…เป… อนาคตํสญาณสฺส ปริกมฺมํ…เป… โคตฺรภุ อวิตกฺกอวิจารสฺส มคฺคสฺส วิจารสฺส จ… โวทานํ อวิตกฺกอวิจารสฺส มคฺคสฺส วิจารสฺส จ… อนุโลมํ อวิตกฺกอวิจาราย ผลสมาปตฺติยา วิจารสฺส จ อนนฺตรปจฺจเยน ปจฺจโย. (๓)

สวิตกฺกสวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อนนฺตรปจฺจเยน ปจฺจโย – สวิตกฺกสวิจารํ จุติจิตฺตํ อวิตกฺกวิจารมตฺตสฺส อุปปตฺติจิตฺตสฺส วิจารสฺส จ อนนฺตรปจฺจเยน ปจฺจโย. สวิตกฺกสวิจารา ขนฺธา อวิตกฺกวิจารมตฺตสฺส วุฏฺฐานสฺส วิจารสฺส จ อนนฺตรปจฺจเยน ปจฺจโย. อวิตกฺกวิจารมตฺตสฺส ฌานสฺส ปริกมฺมํ อวิตกฺกวิจารมตฺตสฺส ฌานสฺส วิจารสฺส จ อนนฺตรปจฺจเยน ปจฺจโย. โคตฺรภุ อวิตกฺกวิจารมตฺตสฺส มคฺคสฺส วิจารสฺส จ… โวทานํ อวิตกฺกวิจารมตฺตสฺส มคฺคสฺส วิจารสฺส จ… อนุโลมํ อวิตกฺกวิจารมตฺตาย ผลสมาปตฺติยา วิจารสฺส จ อนนฺตรปจฺจเยน ปจฺจโย. (๔)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา สวิตกฺกสวิจารา ขนฺธา ปจฺฉิมานํ ปจฺฉิมานํ สวิตกฺกสวิจารานํ ขนฺธานํ วิตกฺกสฺส จ อนนฺตรปจฺจเยน ปจฺจโย. อนุโลมํ โคตฺรภุสฺส วิตกฺกสฺส จ… อนุโลมํ โวทานสฺส วิตกฺกสฺส จ… โคตฺรภุ สวิตกฺกสวิจารสฺส มคฺคสฺส วิตกฺกสฺส จ… โวทานํ สวิตกฺกสวิจารสฺส มคฺคสฺส วิตกฺกสฺส จ… สวิตกฺกสวิจาโร มคฺโค สวิตกฺกสวิจารสฺส ผลสฺส วิตกฺกสฺส จ… สวิตกฺกสวิจารํ ผลํ สวิตกฺกสวิจารสฺส ผลสฺส วิตกฺกสฺส จ… อนุโลมํ สวิตกฺกสวิจาราย ผลสมาปตฺติยา วิตกฺกสฺส จ อนนฺตรปจฺจเยน ปจฺจโย. (๕)

๘๐. อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส อนนฺตรปจฺจเยน ปจฺจโย – ปุริโม ปุริโม วิตกฺโก ปจฺฉิมสฺส ปจฺฉิมสฺส วิตกฺกสฺส อนนฺตรปจฺจเยน ปจฺจโย. ปุริมา ปุริมา อวิตกฺกวิจารมตฺตา ขนฺธา ปจฺฉิมานํ ปจฺฉิมานํ อวิตกฺกวิจารมตฺตานํ ขนฺธานํ อนนฺตรปจฺจเยน ปจฺจโย. อวิตกฺกวิจารมตฺโต มคฺโค อวิตกฺกวิจารมตฺตสฺส ผลสฺส… อวิตกฺกวิจารมตฺตํ ผลํ อวิตกฺกวิจารมตฺตสฺส ผลสฺส อนนฺตรปจฺจเยน ปจฺจโย. (๑)

อวิตกฺกวิจารมตฺโต ธมฺโม สวิตกฺกสวิจารสฺส ธมฺมสฺส อนนฺตรปจฺจเยน ปจฺจโย – ปุริโม ปุริโม วิตกฺโก ปจฺฉิมานํ ปจฺฉิมานํ สวิตกฺกสวิจารานํ ขนฺธานํ อนนฺตรปจฺจเยน ปจฺจโย. อวิตกฺกวิจารมตฺตํ จุติจิตฺตํ สวิตกฺกสวิจารสฺส อุปปตฺติจิตฺตสฺส อนนฺตรปจฺจเยน ปจฺจโย. อวิตกฺกวิจารมตฺตํ ภวงฺคํ อาวชฺชนาย อนนฺตรปจฺจเยน ปจฺจโย. อวิตกฺกวิจารมตฺตา ขนฺธา สวิตกฺกสวิจารสฺส วุฏฺฐานสฺส อนนฺตรปจฺจเยน ปจฺจโย. (๒)

อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อวิตกฺกวิจารมตฺตา ขนฺธา ปจฺฉิมสฺส ปจฺฉิมสฺส วิจารสฺส อนนฺตรปจฺจเยน ปจฺจโย. อวิตกฺกวิจารมตฺตํ จุติจิตฺตํ วิตกฺโก จ อวิตกฺกอวิจารสฺส อุปปตฺติจิตฺตสฺส วิจารสฺส จ อนนฺตรปจฺจเยน ปจฺจโย. อวิตกฺกวิจารมตฺตา ขนฺธา วิตกฺโก จ อวิตกฺกอวิจารสฺส วุฏฺฐานสฺส วิจารสฺส จ อนนฺตรปจฺจเยน ปจฺจโย. (๓)

อวิตกฺกวิจารมตฺโต ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา อวิตกฺกวิจารมตฺตา ขนฺธา ปจฺฉิมานํ ปจฺฉิมานํ อวิตกฺกวิจารมตฺตานํ ขนฺธานํ วิจารสฺส จ อนนฺตรปจฺจเยน ปจฺจโย. อวิตกฺกวิจารมตฺโต มคฺโค อวิตกฺกวิจารมตฺตสฺส ผลสฺส วิจารสฺส จ… อวิตกฺกวิจารมตฺตํ ผลํ อวิตกฺกวิจารมตฺตสฺส ผลสฺส วิจารสฺส จ อนนฺตรปจฺจเยน ปจฺจโย. (๔)

อวิตกฺกวิจารมตฺโต ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อนนฺตรปจฺจเยน ปจฺจโย – ปุริโม ปุริโม วิตกฺโก ปจฺฉิมานํ ปจฺฉิมานํ สวิตกฺกสวิจารานํ ขนฺธานํ วิตกฺกสฺส จ อนนฺตรปจฺจเยน ปจฺจโย. อวิตกฺกวิจารมตฺตํ จุติจิตฺตํ สวิตกฺกสวิจารสฺส อุปปตฺติจิตฺตสฺส วิตกฺกสฺส จ อนนฺตรปจฺจเยน ปจฺจโย. อวิตกฺกวิจารมตฺตํ ภวงฺคํ อาวชฺชนาย วิตกฺกสฺส จ อนนฺตรปจฺจเยน ปจฺจโย. อวิตกฺกวิจารมตฺตา ขนฺธา สวิตกฺกสวิจารสฺส วุฏฺฐานสฺส วิตกฺกสฺส จ อนนฺตรปจฺจเยน ปจฺจโย. (๕)

๘๑. อวิตกฺกอวิจาโร ธมฺโม อวิตกฺกอวิจารสฺส ธมฺมสฺส อนนฺตรปจฺจเยน ปจฺจโย – ปุริโม ปุริโม วิจาโร ปจฺฉิมสฺส ปจฺฉิมสฺส วิจารสฺส อนนฺตรปจฺจเยน ปจฺจโย. ปุริมา ปุริมา อวิตกฺกอวิจารา ขนฺธา ปจฺฉิมานํ ปจฺฉิมานํ อวิตกฺกอวิจารานํ ขนฺธานํ อนนฺตรปจฺจเยน ปจฺจโย. อวิตกฺกอวิจาโร มคฺโค อวิตกฺกอวิจารสฺส ผลสฺส… อวิตกฺกอวิจารํ ผลํ อวิตกฺกอวิจารสฺส ผลสฺส อนนฺตรปจฺจเยน ปจฺจโย. นิโรธา วุฏฺฐหนฺตสฺส เนวสญฺญานาสญฺญายตนํ อวิตกฺกอวิจาราย ผลสมาปตฺติยา วิจารสฺส จ อนนฺตรปจฺจเยน ปจฺจโย. (๑)

อวิตกฺกอวิจาโร ธมฺโม สวิตกฺกสวิจารสฺส ธมฺมสฺส อนนฺตรปจฺจเยน ปจฺจโย – อวิตกฺกอวิจารํ จุติจิตฺตํ วิจาโร จ สวิตกฺกสวิจารสฺส อุปปตฺติจิตฺตสฺส อนนฺตรปจฺจเยน ปจฺจโย. อวิตกฺกอวิจารํ ภวงฺคํ วิจาโร จ อาวชฺชนาย อนนฺตรปจฺจเยน ปจฺจโย. อวิตกฺกอวิจารา ขนฺธา วิจาโร จ สวิตกฺกสวิจารสฺส วุฏฺฐานสฺส อนนฺตรปจฺจเยน ปจฺจโย. นิโรธา วุฏฺฐหนฺตสฺส เนวสญฺญานาสญฺญายตนํ สวิตกฺกสวิจาราย ผลสมาปตฺติยา อนนฺตรปจฺจเยน ปจฺจโย. (๒)

อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส อนนฺตรปจฺจเยน ปจฺจโย – ปุริโม ปุริโม วิจาโร ปจฺฉิมานํ ปจฺฉิมานํ อวิตกฺกวิจารมตฺตานํ ขนฺธานํ อนนฺตรปจฺจเยน ปจฺจโย. อวิตกฺกอวิจารํ จุติจิตฺตํ วิจาโร จ อวิตกฺกวิจารมตฺตสฺส อุปปตฺติจิตฺตสฺส วิตกฺกสฺส จ อนนฺตรปจฺจเยน ปจฺจโย. อวิตกฺกอวิจารา ขนฺธา วิจาโร จ อวิตกฺกวิจารมตฺตสฺส วุฏฺฐานสฺส วิตกฺกสฺส จ อนนฺตรปจฺจเยน ปจฺจโย. นิโรธา วุฏฺฐหนฺตสฺส เนวสญฺญานาสญฺญายตนํ อวิตกฺกวิจารมตฺตาย ผลสมาปตฺติยา วิตกฺกสฺส จ อนนฺตรปจฺจเยน ปจฺจโย. (๓)

อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อนนฺตรปจฺจเยน ปจฺจโย – ปุริโม ปุริโม วิจาโร ปจฺฉิมานํ ปจฺฉิมานํ อวิตกฺกวิจารมตฺตานํ ขนฺธานํ วิจารสฺส จ อนนฺตรปจฺจเยน ปจฺจโย. อวิตกฺกอวิจารํ จุติจิตฺตํ อวิตกฺกวิจารมตฺตสฺส อุปปตฺติจิตฺตสฺส วิจารสฺส จ อนนฺตรปจฺจเยน ปจฺจโย. อวิตกฺกอวิจารา ขนฺธา อวิตกฺกวิจารมตฺตสฺส วุฏฺฐานสฺส วิจารสฺส จ อนนฺตรปจฺจเยน ปจฺจโย. นิโรธา วุฏฺฐหนฺตสฺส เนวสญฺญานาสญฺญายตนํ อวิตกฺกวิจารมตฺตาย ผลสมาปตฺติยา วิจารสฺส จ อนนฺตรปจฺจเยน ปจฺจโย. (๔)

อวิตกฺกอวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อนนฺตรปจฺจเยน ปจฺจโย – อวิตกฺกอวิจารํ จุติจิตฺตํ วิจาโร จ สวิตกฺกสวิจารสฺส อุปปตฺติจิตฺตสฺส วิตกฺกสฺส จ อนนฺตรปจฺจเยน ปจฺจโย. อวิตกฺกอวิจารํ ภวงฺคญฺจ วิจาโร จ อาวชฺชนาย วิตกฺกสฺส จ อนนฺตรปจฺจเยน ปจฺจโย. อวิตกฺกอวิจารา ขนฺธา วิจาโร จ สวิตกฺกสวิจารสฺส วุฏฺฐานสฺส วิตกฺกสฺส จ อนนฺตรปจฺจเยน ปจฺจโย. นิโรธา วุฏฺฐหนฺตสฺส เนวสญฺญานาสญฺญายตนํ สวิตกฺกสวิจาราย ผลสมาปตฺติยา วิตกฺกสฺส จ อนนฺตรปจฺจเยน ปจฺจโย. (๕)

๘๒. อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อนนฺตรปจฺจเยน ปจฺจโย – อวิตกฺกวิจารมตฺตํ จุติจิตฺตญฺจ วิจาโร จ สวิตกฺกสวิจารสฺส อุปปตฺติจิตฺตสฺส อนนฺตรปจฺจเยน ปจฺจโย. อวิตกฺกวิจารมตฺตํ ภวงฺคญฺจ วิจาโร จ อาวชฺชนาย อนนฺตรปจฺจเยน ปจฺจโย. อวิตกฺกวิจารมตฺตา ขนฺธา จ วิจาโร จ สวิตกฺกสวิจารสฺส วุฏฺฐานสฺส อนนฺตรปจฺจเยน ปจฺจโย. (๑)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อวิตกฺกวิจารมตฺตา ขนฺธา จ วิจาโร จ ปจฺฉิมานํ ปจฺฉิมานํ อวิตกฺกวิจารมตฺตานํ ขนฺธานํ อนนฺตรปจฺจเยน ปจฺจโย. อวิตกฺกวิจารมตฺโต มคฺโค จ วิจาโร จ อวิตกฺกวิจารมตฺตสฺส ผลสฺส อนนฺตรปจฺจเยน ปจฺจโย. อวิตกฺกวิจารมตฺตํ ผลญฺจ วิจาโร จ อวิตกฺกวิจารมตฺตสฺส ผลสฺส อนนฺตรปจฺจเยน ปจฺจโย. (๒)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อวิตกฺกวิจารมตฺตา ขนฺธา จ วิจาโร จ ปจฺฉิมสฺส ปจฺฉิมสฺส วิจารสฺส อนนฺตรปจฺจเยน ปจฺจโย. อวิตกฺกวิจารมตฺตํ จุติจิตฺตญฺจ วิจาโร จ อวิตกฺกอวิจารสฺส อุปปตฺติจิตฺตสฺส อนนฺตรปจฺจเยน ปจฺจโย. อวิตกฺกวิจารมตฺตา ขนฺธา จ วิจาโร จ อวิตกฺกอวิจารสฺส วุฏฺฐานสฺส อนนฺตรปจฺจเยน ปจฺจโย. (๓)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา อวิตกฺกวิจารมตฺตา ขนฺธา จ วิจาโร จ ปจฺฉิมานํ ปจฺฉิมานํ อวิตกฺกวิจารมตฺตานํ ขนฺธานํ วิจารสฺส จ อนนฺตรปจฺจเยน ปจฺจโย. อวิตกฺกวิจารมตฺโต มคฺโค จ วิจาโร จ อวิตกฺกวิจารมตฺตสฺส ผลสฺส วิจารสฺส จ อนนฺตรปจฺจเยน ปจฺจโย. อวิตกฺกวิจารมตฺตํ ผลญฺจ วิจาโร จ อวิตกฺกวิจารมตฺตสฺส ผลสฺส จ วิจารสฺส จ อนนฺตรปจฺจเยน ปจฺจโย. (๔)

อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อนนฺตรปจฺจเยน ปจฺจโย – อวิตกฺกวิจารมตฺตํ จุติจิตฺตญฺจ วิจาโร จ สวิตกฺกสวิจารสฺส อุปปตฺติจิตฺตสฺส วิตกฺกสฺส จ อนนฺตรปจฺจเยน ปจฺจโย. อวิตกฺกวิจารมตฺตํ ภวงฺคญฺจ วิจาโร จ อาวชฺชนาย วิตกฺกสฺส จ อนนฺตรปจฺจเยน ปจฺจโย. อวิตกฺกวิจารมตฺตา ขนฺธา จ วิจาโร จ สวิตกฺกสวิจารสฺส วุฏฺฐานสฺส วิตกฺกสฺส จ อนนฺตรปจฺจเยน ปจฺจโย. (๕)

๘๓. สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา สวิตกฺกสวิจารา ขนฺธา จ วิตกฺโก จ ปจฺฉิมานํ ปจฺฉิมานํ สวิตกฺกสวิจารานํ ขนฺธานํ อนนฺตรปจฺจเยน ปจฺจโย. อนุโลมญฺจ วิตกฺโก จ โคตฺรภุสฺส… อนุโลมญฺจ วิตกฺโก จ โวทานสฺส… โคตฺรภุ จ วิตกฺโก จ สวิตกฺกสวิจารสฺส มคฺคสฺส… โวทานญฺจ วิตกฺโก จ สวิตกฺกสวิจารสฺส มคฺคสฺส… สวิตกฺกสวิจาโร มคฺโค จ วิตกฺโก จ สวิตกฺกสวิจารสฺส ผลสฺส… สวิตกฺกสวิจารํ ผลญฺจ วิตกฺโก จ สวิตกฺกสวิจารสฺส ผลสฺส… อนุโลมญฺจ วิตกฺโก จ สวิตกฺกสวิจาราย ผลสมาปตฺติยา อนนฺตรปจฺจเยน ปจฺจโย. (๑)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกวิจารมตฺตสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา สวิตกฺกสวิจารา ขนฺธา จ วิตกฺโก จ ปจฺฉิมสฺส ปจฺฉิมสฺส วิตกฺกสฺส อนนฺตรปจฺจเยน ปจฺจโย. สวิตกฺกสวิจารํ จุติจิตฺตญฺจ วิตกฺโก จ อวิตกฺกวิจารมตฺตสฺส อุปปตฺติจิตฺตสฺส อนนฺตรปจฺจเยน ปจฺจโย. สวิตกฺกสวิจารา ขนฺธา จ วิตกฺโก จ อวิตกฺกวิจารมตฺตสฺส วุฏฺฐานสฺส อนนฺตรปจฺจเยน ปจฺจโย. อวิตกฺกวิจารมตฺตสฺส ฌานสฺส ปริกมฺมญฺจ วิตกฺโก จ อวิตกฺกวิจารมตฺตสฺส ฌานสฺส อนนฺตรปจฺจเยน ปจฺจโย. โคตฺรภุ จ วิตกฺโก จ อวิตกฺกวิจารมตฺตสฺส มคฺคสฺส… โวทานญฺจ วิตกฺโก จ อวิตกฺกวิจารมตฺตสฺส มคฺคสฺส … อนุโลมญฺจ วิตกฺโก จ อวิตกฺกวิจารมตฺตาย ผลสมาปตฺติยา อนนฺตรปจฺจเยน ปจฺจโย. (๒)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกอวิจารสฺส ธมฺมสฺส อนนฺตรปจฺจเยน ปจฺจโย – สวิตกฺกสวิจารํ จุติจิตฺตญฺจ วิตกฺโก จ อวิตกฺกอวิจารสฺส อุปปตฺติจิตฺตสฺส วิจารสฺส จ อนนฺตรปจฺจเยน ปจฺจโย. อาวชฺชนา จ วิตกฺโก จ ปญฺจนฺนํ วิญฺญาณานํ อนนฺตรปจฺจเยน ปจฺจโย. สวิตกฺกสวิจารา ขนฺธา จ วิตกฺโก จ อวิตกฺกอวิจารสฺส วุฏฺฐานสฺส จ วิจารสฺส จ อนนฺตรปจฺจเยน ปจฺจโย. ทุติยสฺส ฌานสฺส ปริกมฺมญฺจ วิตกฺโก จ ทุติเย ฌาเน วิจารสฺส อนนฺตรปจฺจเยน ปจฺจโย. ตติยสฺส ฌานสฺส ปริกมฺมญฺจ วิตกฺโก จ…เป… จตุตฺถสฺส ฌานสฺส ปริกมฺมญฺจ วิตกฺโก จ…เป… อากาสานญฺจายตนสฺส ปริกมฺมญฺจ วิตกฺโก จ…เป… วิญฺญาณญฺจายตนสฺส ปริกมฺมญฺจ วิตกฺโก จ…เป… อากิญฺจญฺญายตนสฺส ปริกมฺมญฺจ วิตกฺโก จ…เป… เนวสญฺญานาสญฺญายตนสฺส ปริกมฺมญฺจ วิตกฺโก จ …เป… ทิพฺพสฺส จกฺขุสฺส ปริกมฺมญฺจ วิตกฺโก จ…เป… ทิพฺพาย โสตธาตุยา ปริกมฺมญฺจ วิตกฺโก จ…เป… อิทฺธิวิธญาณสฺส ปริกมฺมญฺจ วิตกฺโก จ…เป… เจโตปริยญาณสฺส ปริกมฺมญฺจ วิตกฺโก จ…เป… ปุพฺเพนิวาสานุสฺสติญาณสฺส ปริกมฺมญฺจ วิตกฺโก จ…เป… ยถากมฺมูปคญาณสฺส ปริกมฺมญฺจ วิตกฺโก จ…เป… อนาคตํสญาณสฺส ปริกมฺมญฺจ วิตกฺโก จ…เป… โคตฺรภุ จ วิตกฺโก จ อวิตกฺกอวิจารสฺส มคฺคสฺส วิจารสฺส จ… โวทานญฺจ วิตกฺโก จ อวิตกฺกอวิจารสฺส มคฺคสฺส วิจารสฺส จ… อนุโลมญฺจ วิตกฺโก จ อวิตกฺกอวิจาราย ผลสมาปตฺติยา วิจารสฺส จ อนนฺตรปจฺจเยน ปจฺจโย. (๓)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อนนฺตรปจฺจเยน ปจฺจโย – สวิตกฺกสวิจารํ จุติจิตฺตญฺจ วิตกฺโก จ อวิตกฺกวิจารมตฺตสฺส อุปปตฺติจิตฺตสฺส จ วิจารสฺส จ อนนฺตรปจฺจเยน ปจฺจโย. สวิตกฺกสวิจารา ขนฺธา จ วิตกฺโก จ อวิตกฺกวิจารมตฺตสฺส วุฏฺฐานสฺส จ วิจารสฺส จ อนนฺตรปจฺจเยน ปจฺจโย. อวิตกฺกวิจารมตฺตสฺส ฌานสฺส ปริกมฺมญฺจ วิตกฺโก จ อวิตกฺกวิจารมตฺตสฺส ฌานสฺส จ วิจารสฺส จ อนนฺตรปจฺจเยน ปจฺจโย. โคตฺรภุ จ วิตกฺโก จ อวิตกฺกวิจารมตฺตสฺส มคฺคสฺส จ วิจารสฺส จ อนนฺตรปจฺจเยน ปจฺจโย. โวทานญฺจ วิตกฺโก จ อวิตกฺกวิจารมตฺตสฺส มคฺคสฺส จ วิจารสฺส จ… อนุโลมญฺจ วิตกฺโก จ อวิตกฺกวิจารมตฺตาย ผลสมาปตฺติยา จ วิจารสฺส จ อนนฺตรปจฺจเยน ปจฺจโย. (๔)

สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา สวิตกฺกสวิจารา ขนฺธา จ วิตกฺโก จ ปจฺฉิมานํ ปจฺฉิมานํ สวิตกฺกสวิจารานํ ขนฺธานํ วิตกฺกสฺส จ อนนฺตรปจฺจเยน ปจฺจโย. อนุโลมญฺจ วิตกฺโก จ โคตฺรภุสฺส จ วิตกฺกสฺส จ… อนุโลมญฺจ วิตกฺโก จ โวทานสฺส จ วิตกฺกสฺส จ… โคตฺรภุ จ วิตกฺโก จ สวิตกฺกสวิจารสฺส จ มคฺคสฺส จ วิตกฺกสฺส จ… โวทานญฺจ วิตกฺโก จ สวิตกฺกสวิจารสฺส มคฺคสฺส จ วิตกฺกสฺส จ อนนฺตรปจฺจเยน ปจฺจโย. สวิตกฺกสวิจาโร มคฺโค จ วิตกฺโก จ สวิตกฺกสวิจารสฺส ผลสฺส จ วิตกฺกสฺส จ … สวิตกฺกสวิจารํ ผลญฺจ วิตกฺโก จ สวิตกฺกสวิจารสฺส ผลสฺส จ วิตกฺกสฺส จ… อนุโลมญฺจ วิตกฺโก จ สวิตกฺกสวิจาราย ผลสมาปตฺติยา จ วิตกฺกสฺส จ อนนฺตรปจฺจเยน ปจฺจโย. (๕)

สมนนฺตรปจฺจโย

๘๔. สวิตกฺกสวิจาโร ธมฺโม สวิตกฺกสวิจารสฺส ธมฺมสฺส สมนนฺตรปจฺจเยน ปจฺจโย (อนนฺตรปจฺจโยปิ สมนนฺตรปจฺจโยปิ สทิโส).

สหชาตปจฺจโย

๘๕. สวิตกฺกสวิจาโร ธมฺโม สวิตกฺกสวิจารสฺส ธมฺมสฺส สหชาตปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ สหชาตปจฺจเยน ปจฺจโย. ตโย ขนฺธา เอกสฺส ขนฺธสฺส สหชาตปจฺจเยน ปจฺจโย. เทฺว ขนฺธา ทฺวินฺนํ ขนฺธานํ สหชาตปจฺจเยน ปจฺจโย. ปฏิสนฺธิกฺขเณ สวิตกฺกสวิจาโร เอโก ขนฺโธ ติณฺณนฺนํ ขนฺธานํ…เป… เทฺว ขนฺธา ทฺวินฺนํ ขนฺธานํ…เป…. (๑)

สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส สหชาตปจฺจเยน ปจฺจโย – สวิตกฺกสวิจารา ขนฺธา วิตกฺกสฺส สหชาตปจฺจเยน ปจฺจโย. ปฏิสนฺธิกฺขเณ…เป…. (๒)

สวิตกฺกสวิจาโร ธมฺโม อวิตกฺกอวิจารสฺส ธมฺมสฺส สหชาตปจฺจเยน ปจฺจโย – สวิตกฺกสวิจารา ขนฺธา จิตฺตสมุฏฺฐานานํ รูปานํ สหชาตปจฺจเยน ปจฺจโย. ปฏิสนฺธิกฺขเณ…เป… กฏตฺตารูปานํ…เป…. (๓)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกอวิจารสฺส จ ธมฺมสฺส สหชาตปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย. ปฏิสนฺธิกฺขเณ…เป…. (๔)

สวิตกฺกสวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส สหชาตปจฺจเยน ปจฺจโย – สวิตกฺกสวิจารา ขนฺธา วิตกฺกสฺส จ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย. ปฏิสนฺธิกฺขเณ…เป…. (๕)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส สหชาตปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ วิตกฺกสฺส จ สหชาตปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ วิตกฺกสฺส จ สหชาตปจฺจเยน ปจฺจโย. ปฏิสนฺธิกฺขเณ…เป…. (๖)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส สหชาตปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ วิตกฺกสฺส จ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ วิตกฺกสฺส จ จิตฺตสมุฏฺฐานานญฺจ รูปานํ…เป… ปฏิสนฺธิกฺขเณ…เป…. (๗)

๘๖. อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส สหชาตปจฺจเยน ปจฺจโย – อวิตกฺกวิจารมตฺโต เอโก ขนฺโธ ติณฺณนฺนํ ขนฺธานํ สหชาตปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ…เป… ปฏิสนฺธิกฺขเณ…เป…. (๑)

อวิตกฺกวิจารมตฺโต ธมฺโม สวิตกฺกสวิจารสฺส ธมฺมสฺส สหชาตปจฺจเยน ปจฺจโย – วิตกฺโก สวิตกฺกสวิจารานํ ขนฺธานํ สหชาตปจฺจเยน ปจฺจโย. ปฏิสนฺธิกฺขเณ…เป…. (๒)

อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส สหชาตปจฺจเยน ปจฺจโย – อวิตกฺกวิจารมตฺตา ขนฺธา วิจารสฺส จิตฺตสมุฏฺฐานานญฺจ รูปานํ สหชาตปจฺจเยน ปจฺจโย, วิตกฺโก จิตฺตสมุฏฺฐานานํ รูปานํ สหชาตปจฺจเยน ปจฺจโย. ปฏิสนฺธิกฺขเณ…เป…. (๓)

อวิตกฺกวิจารมตฺโต ธมฺโม สวิตกฺกสวิจารสฺส จ อวิตกฺกอวิจารสฺส จ ธมฺมสฺส สหชาตปจฺจเยน ปจฺจโย – วิตกฺโก สวิตกฺกสวิจารานํ ขนฺธานํ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย. ปฏิสนฺธิกฺขเณ…เป…. (๔)

อวิตกฺกวิจารมตฺโต ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส สหชาตปจฺจเยน ปจฺจโย – อวิตกฺกวิจารมตฺโต เอโก ขนฺโธ ติณฺณนฺนํ ขนฺธานํ วิจารสฺส จ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ วิจารสฺส จ จิตฺตสมุฏฺฐานานญฺจ รูปานํ…เป… ปฏิสนฺธิกฺขเณ…เป…. (๕)

๘๗. อวิตกฺกอวิจาโร ธมฺโม อวิตกฺกอวิจารสฺส ธมฺมสฺส สหชาตปจฺจเยน ปจฺจโย – อวิตกฺกอวิจาโร เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย. วิจาโร จิตฺตสมุฏฺฐานานํ รูปานํ…เป… ปฏิสนฺธิกฺขเณ อวิตกฺกอวิจาโร เอโก ขนฺโธ ติณฺณนฺนํ ขนฺธานํ กฏตฺตา จ รูปานํ…เป… เทฺว ขนฺธา ทฺวินฺนํ ขนฺธานํ กฏตฺตา จ รูปานํ…เป… วิจาโร กฏตฺตารูปานํ…เป… ขนฺธา วตฺถุสฺส…เป… วตฺถุ ขนฺธานํ…เป… วิจาโร วตฺถุสฺส…เป… วตฺถุ วิจารสฺส…เป… เอกํ มหาภูตํ ติณฺณนฺนํ มหาภูตานํ…เป… มหาภูตา จิตฺตสมุฏฺฐานานํ รูปานํ กฏตฺตารูปานํ อุปาทารูปานํ…เป… พาหิรํ… อาหารสมุฏฺฐานํ… อุตุสมุฏฺฐานํ… อสญฺญสตฺตานํ เอกํ มหาภูตํ…เป… มหาภูตา กฏตฺตารูปานํ อุปาทารูปานํ สหชาตปจฺจเยน ปจฺจโย. (๑)

อวิตกฺกอวิจาโร ธมฺโม สวิตกฺกสวิจารสฺส ธมฺมสฺส สหชาตปจฺจเยน ปจฺจโย – ปฏิสนฺธิกฺขเณ วตฺถุ สวิตกฺกสวิจารานํ ขนฺธานํ สหชาตปจฺจเยน ปจฺจโย. (๒)

อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส สหชาตปจฺจเยน ปจฺจโย – วิจาโร อวิตกฺกวิจารมตฺตานํ ขนฺธานํ สหชาตปจฺจเยน ปจฺจโย. ปฏิสนฺธิกฺขเณ วิจาโร อวิตกฺกวิจารมตฺตานํ ขนฺธานํ สหชาตปจฺจเยน ปจฺจโย. ปฏิสนฺธิกฺขเณ วตฺถุ อวิตกฺกวิจารมตฺตานํ ขนฺธานํ สหชาตปจฺจเยน ปจฺจโย. ปฏิสนฺธิกฺขเณ วตฺถุ วิตกฺกสฺส สหชาตปจฺจเยน ปจฺจโย. (๓)

อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส สหชาตปจฺจเยน ปจฺจโย – วิจาโร อวิตกฺกวิจารมตฺตานํ ขนฺธานํ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย. ปฏิสนฺธิกฺขเณ วิจาโร อวิตกฺกวิจารมตฺตานํ ขนฺธานํ กฏตฺตา จ รูปานํ…เป… ปฏิสนฺธิกฺขเณ วตฺถุ อวิตกฺกวิจารมตฺตานํ ขนฺธานํ วิจารสฺส จ สหชาตปจฺจเยน ปจฺจโย. (๔)

อวิตกฺกอวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส สหชาตปจฺจเยน ปจฺจโย – ปฏิสนฺธิกฺขเณ วตฺถุ สวิตกฺกสวิจารานํ ขนฺธานํ วิตกฺกสฺส จ สหชาตปจฺจเยน ปจฺจโย. (๕)

๘๘. สวิตกฺกสวิจาโร จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส สหชาตปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ สหชาตปจฺจเยน ปจฺจโย…เป… เทฺว ขนฺธา จ วตฺถุ จ ทฺวินฺนํ ขนฺธานํ สหชาตปจฺจเยน ปจฺจโย. (๑)

สวิตกฺกสวิจาโร จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส สหชาตปจฺจเยน ปจฺจโย – ปฏิสนฺธิกฺขเณ สวิตกฺกสวิจารา ขนฺธา จ วตฺถุ จ วิตกฺกสฺส สหชาตปจฺจเยน ปจฺจโย. (๒)

สวิตกฺกสวิจาโร จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส สหชาตปจฺจเยน ปจฺจโย – สวิตกฺกสวิจารา ขนฺธา จ มหาภูตา จ จิตฺตสมุฏฺฐานานํ รูปานํ สหชาตปจฺจเยน ปจฺจโย. ปฏิสนฺธิกฺขเณ สวิตกฺกสวิจารา ขนฺธา จ มหาภูตา จ กฏตฺตารูปานํ สหชาตปจฺจเยน ปจฺจโย. (๓)

สวิตกฺกสวิจาโร จ อวิตกฺกอวิจาโร จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส สหชาตปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ วิตกฺกสฺส จ…เป… เทฺว ขนฺธา จ วตฺถุ จ ทฺวินฺนํ ขนฺธานํ วิตกฺกสฺส จ สหชาตปจฺจเยน ปจฺจโย. (๔)

๘๙. อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส สหชาตปจฺจเยน ปจฺจโย – ปฏิสนฺธิกฺขเณ วิตกฺโก จ วตฺถุ จ สวิตกฺกสวิจารานํ ขนฺธานํ สหชาตปจฺจเยน ปจฺจโย. (๑)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส สหชาตปจฺจเยน ปจฺจโย – อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ…เป… เทฺว ขนฺธา จ วิจาโร จ ทฺวินฺนํ ขนฺธานํ สหชาตปจฺจเยน ปจฺจโย. ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ…เป… เทฺว ขนฺธา จ วิจาโร จ ทฺวินฺนํ ขนฺธานํ…เป… ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วตฺถุ จ ติณฺณนฺนํ ขนฺธานํ สหชาตปจฺจเยน ปจฺจโย. (๒)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส สหชาตปจฺจเยน ปจฺจโย – อวิตกฺกวิจารมตฺตา ขนฺธา จ วิจาโร จ จิตฺตสมุฏฺฐานานํ รูปานํ สหชาตปจฺจเยน ปจฺจโย. อวิตกฺกวิจารมตฺตา ขนฺธา จ มหาภูตา จ จิตฺตสมุฏฺฐานานํ รูปานํ…เป… วิตกฺโก จ มหาภูตา จ จิตฺตสมุฏฺฐานานํ รูปานํ…เป… ปฏิสนฺธิกฺขเณ อวิตกฺกวิจารมตฺตา ขนฺธา จ วิจาโร จ กฏตฺตารูปานํ…เป… ปฏิสนฺธิกฺขเณ อวิตกฺกวิจารมตฺตา ขนฺธา จ มหาภูตา จ กฏตฺตารูปานํ…เป… ปฏิสนฺธิกฺขเณ วิตกฺโก จ มหาภูตา จ กฏตฺตารูปานํ…เป… ปฏิสนฺธิกฺขเณ อวิตกฺกวิจารมตฺตา ขนฺธา จ วตฺถุ จ วิจารสฺส สหชาตปจฺจเยน ปจฺจโย. (๓)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส สหชาตปจฺจเยน ปจฺจโย – อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย. ตโย ขนฺธา จ วิจาโร จ เอกสฺส ขนฺธสฺส จิตฺตสมุฏฺฐานานญฺจ รูปานํ สหชาตปจฺจเยน ปจฺจโย. เทฺว ขนฺธา จ วิจาโร จ ทฺวินฺนํ ขนฺธานํ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย. ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ กฏตฺตา จ รูปานํ สหชาตปจฺจเยน ปจฺจโย…เป… เทฺว ขนฺธา…เป… ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วตฺถุ จ ติณฺณนฺนํ ขนฺธานํ วิจารสฺส จ สหชาตปจฺจเยน ปจฺจโย…เป… เทฺว ขนฺธา จ วตฺถุ จ ทฺวินฺนํ ขนฺธานํ วิจารสฺส จ สหชาตปจฺจเยน ปจฺจโย. (๔)

๙๐. สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส ธมฺมสฺส สหชาตปจฺจเยน ปจฺจโย – สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ สหชาตปจฺจเยน ปจฺจโย…เป… เทฺว ขนฺธา จ วิตกฺโก จ ทฺวินฺนํ ขนฺธานํ สหชาตปจฺจเยน ปจฺจโย. ปฏิสนฺธิกฺขเณ…เป…. (๑)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกอวิจารสฺส ธมฺมสฺส สหชาตปจฺจเยน ปจฺจโย – สวิตกฺกสวิจารา ขนฺธา จ วิตกฺโก จ จิตฺตสมุฏฺฐานานํ รูปานํ สหชาตปจฺจเยน ปจฺจโย. ปฏิสนฺธิกฺขเณ…เป…. (๒)

สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส จ อวิตกฺกอวิจารสฺส จ ธมฺมสฺส สหชาตปจฺจเยน ปจฺจโย – สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย…เป… เทฺว ขนฺธา จ วิตกฺโก จ ทฺวินฺนํ ขนฺธานํ จิตฺตสมุฏฺฐานานญฺจ รูปานํ สหชาตปจฺจเยน ปจฺจโย. ปฏิสนฺธิกฺขเณ…เป…. (๓)

๙๑. สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส สหชาตปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วิตกฺโก จ วตฺถุ จ ติณฺณนฺนํ ขนฺธานํ สหชาตปจฺจเยน ปจฺจโย…เป… เทฺว ขนฺธา จ วิตกฺโก จ วตฺถุ จ ทฺวินฺนํ ขนฺธานํ สหชาตปจฺจเยน ปจฺจโย. (๑)

สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส สหชาตปจฺจเยน ปจฺจโย – สวิตกฺกสวิจารา ขนฺธา จ วิตกฺโก จ มหาภูตา จ จิตฺตสมุฏฺฐานานํ รูปานํ สหชาตปจฺจเยน ปจฺจโย. ปฏิสนฺธิกฺขเณ สวิตกฺกสวิจารา ขนฺธา จ วิตกฺโก จ มหาภูตา จ กฏตฺตารูปานํ สหชาตปจฺจเยน ปจฺจโย. (๒)

อญฺญมญฺญปจฺจโย

๙๒. สวิตกฺกสวิจาโร ธมฺโม สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป… ปฏิสนฺธิกฺขเณ สวิตกฺกสวิจาโร เอโก ขนฺโธ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ อญฺญมญฺญปจฺจเยน ปจฺจโย. (๑)

สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส อญฺญมญฺญปจฺจเยน ปจฺจโย – สวิตกฺกสวิจารา ขนฺธา วิตกฺกสฺส อญฺญมญฺญปจฺจเยน ปจฺจโย. ปฏิสนฺธิกฺขเณ…เป…. (๒)

สวิตกฺกสวิจาโร ธมฺโม อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจารา ขนฺธา วตฺถุสฺส อญฺญมญฺญปจฺจเยน ปจฺจโย. (๓)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ ติณฺณนฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย. (๔)

สวิตกฺกสวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจารา ขนฺธา วิตกฺกสฺส จ วตฺถุสฺส จ อญฺญมญฺญปจฺจเยน ปจฺจโย. (๕)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อญฺญมญฺญปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ วิตกฺกสฺส จ อญฺญมญฺญปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ วิตกฺกสฺส จ อญฺญมญฺญปจฺจเยน ปจฺจโย. ปฏิสนฺธิกฺขเณ…เป…. (๖)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ ติณฺณนฺนํ ขนฺธานํ วิตกฺกสฺส จ วตฺถุสฺส จ อญฺญมญฺญปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ วิตกฺกสฺส จ วตฺถุสฺส จ อญฺญมญฺญปจฺจเยน ปจฺจโย. (๗)

๙๓. อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส อญฺญมญฺญปจฺจเยน ปจฺจโย – อวิตกฺกวิจารมตฺโต เอโก ขนฺโธ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ อญฺญมญฺญปจฺจเยน ปจฺจโย. ปฏิสนฺธิกฺขเณ…เป…. (๑)

อวิตกฺกวิจารมตฺโต ธมฺโม สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – วิตกฺโก สวิตกฺกสวิจารานํ ขนฺธานํ อญฺญมญฺญปจฺจเยน ปจฺจโย. ปฏิสนฺธิกฺขเณ…เป…. (๒)

อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย – อวิตกฺกวิจารมตฺตา ขนฺธา วิจารสฺส อญฺญมญฺญปจฺจเยน ปจฺจโย. ปฏิสนฺธิกฺขเณ อวิตกฺกวิจารมตฺตา ขนฺธา วิจารสฺส จ วตฺถุสฺส จ อญฺญมญฺญปจฺจเยน ปจฺจโย. ปฏิสนฺธิกฺขเณ วิตกฺโก วตฺถุสฺส อญฺญมญฺญปจฺจเยน ปจฺจโย. (๓)

อวิตกฺกวิจารมตฺโต ธมฺโม สวิตกฺกสวิจารสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ วิตกฺโก สวิตกฺกสวิจารานํ ขนฺธานํ วตฺถุสฺส จ อญฺญมญฺญปจฺจเยน ปจฺจโย. (๔)

อวิตกฺกวิจารมตฺโต ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – อวิตกฺกวิจารมตฺโต เอโก ขนฺโธ ติณฺณนฺนํ ขนฺธานํ วิจารสฺส จ อญฺญมญฺญปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ วิจารสฺส จ อญฺญมญฺญปจฺจเยน ปจฺจโย. ปฏิสนฺธิกฺขเณ อวิตกฺกวิจารมตฺโต เอโก ขนฺโธ ติณฺณนฺนํ ขนฺธานํ วิจารสฺส จ วตฺถุสฺส จ อญฺญมญฺญปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ วิจารสฺส จ วตฺถุสฺส จ อญฺญมญฺญปจฺจเยน ปจฺจโย. (๕)

๙๔. อวิตกฺกอวิจาโร ธมฺโม อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย – อวิตกฺกอวิจาโร เอโก ขนฺโธ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ อญฺญมญฺญปจฺจเยน ปจฺจโย. ปฏิสนฺธิกฺขเณ อวิตกฺกอวิจาโร เอโก ขนฺโธ ติณฺณนฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย. ขนฺธา วตฺถุสฺส…เป… วตฺถุ ขนฺธานํ…เป… วิจาโร วตฺถุสฺส…เป… วตฺถุ วิจารสฺส…เป… เอกํ มหาภูตํ ติณฺณนฺนํ มหาภูตานํ…เป… พาหิรํ… อาหารสมุฏฺฐานํ… อุตุสมุฏฺฐานํ… อสญฺญสตฺตานํ เอกํ มหาภูตํ…เป…. (๑)

อวิตกฺกอวิจาโร ธมฺโม สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ วตฺถุ สวิตกฺกสวิจารานํ ขนฺธานํ อญฺญมญฺญปจฺจเยน ปจฺจโย. (๒)

อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส อญฺญมญฺญปจฺจเยน ปจฺจโย – วิจาโร อวิตกฺกวิจารมตฺตานํ ขนฺธานํ อญฺญมญฺญปจฺจเยน ปจฺจโย. ปฏิสนฺธิกฺขเณ วิจาโร อวิตกฺกวิจารมตฺตานํ ขนฺธานํ อญฺญมญฺญปจฺจเยน ปจฺจโย. ปฏิสนฺธิกฺขเณ วตฺถุ อวิตกฺกวิจารมตฺตานํ ขนฺธานํ อญฺญมญฺญปจฺจเยน ปจฺจโย. ปฏิสนฺธิกฺขเณ วตฺถุ วิตกฺกสฺส อญฺญมญฺญปจฺจเยน ปจฺจโย. (๓)

อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ วิจาโร อวิตกฺกวิจารมตฺตานํ ขนฺธานํ วตฺถุสฺส จ อญฺญมญฺญปจฺจเยน ปจฺจโย. ปฏิสนฺธิกฺขเณ วตฺถุ อวิตกฺกวิจารมตฺตานํ ขนฺธานํ วิจารสฺส จ อญฺญมญฺญปจฺจเยน ปจฺจโย. (๔)

อวิตกฺกอวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ วตฺถุ สวิตกฺกสวิจารานํ ขนฺธานํ วิตกฺกสฺส จ อญฺญมญฺญปจฺจเยน ปจฺจโย. (๕)

๙๕. สวิตกฺกสวิจาโร จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ…เป… เทฺว ขนฺธา จ วตฺถุ จ ทฺวินฺนํ ขนฺธานํ อญฺญมญฺญปจฺจเยน ปจฺจโย. (๑)

สวิตกฺกสวิจาโร จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจารา ขนฺธา จ วตฺถุ จ วิตกฺกสฺส อญฺญมญฺญปจฺจเยน ปจฺจโย. (๒)

สวิตกฺกสวิจาโร จ อวิตกฺกอวิจาโร จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ วิตกฺกสฺส จ อญฺญมญฺญปจฺจเยน ปจฺจโย…เป… เทฺว ขนฺธา จ วตฺถุ จ ทฺวินฺนํ ขนฺธานํ วิตกฺกสฺส จ อญฺญมญฺญปจฺจเยน ปจฺจโย. (๓)

๙๖. อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ วิตกฺโก จ วตฺถุ จ สวิตกฺกสวิจารานํ ขนฺธานํ อญฺญมญฺญปจฺจเยน ปจฺจโย. (๑)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส อญฺญมญฺญปจฺจเยน ปจฺจโย – อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป… เทฺว ขนฺธา จ วิจาโร จ ทฺวินฺนํ ขนฺธานํ อญฺญมญฺญปจฺจเยน ปจฺจโย. ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วิจาโร จ วตฺถุ จ ติณฺณนฺนํ ขนฺธานํ…เป… เทฺว ขนฺธา จ วิจาโร จ วตฺถุ จ ทฺวินฺนํ ขนฺธานํ อญฺญมญฺญปจฺจเยน ปจฺจโย. (๒)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ อวิตกฺกวิจารมตฺตา ขนฺธา จ วิจาโร จ วตฺถุสฺส อญฺญมญฺญปจฺจเยน ปจฺจโย. ปฏิสนฺธิกฺขเณ อวิตกฺกวิจารมตฺตา ขนฺธา จ วตฺถุ จ วิจารสฺส อญฺญมญฺญปจฺจเยน ปจฺจโย. (๓)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย…เป… เทฺว ขนฺธา จ วิจาโร จ ทฺวินฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย. ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วตฺถุ จ ติณฺณนฺนํ ขนฺธานํ วิจารสฺส จ อญฺญมญฺญปจฺจเยน ปจฺจโย…เป… เทฺว ขนฺธา จ วตฺถุ จ ทฺวินฺนํ ขนฺธานํ วิจารสฺส จ อญฺญมญฺญปจฺจเยน ปจฺจโย. (๔)

๙๗. สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป… เทฺว ขนฺธา จ วิตกฺโก จ ทฺวินฺนํ ขนฺธานํ อญฺญมญฺญปจฺจเยน ปจฺจโย. ปฏิสนฺธิกฺขเณ…เป…. (๑)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจารา ขนฺธา จ วิตกฺโก จ วตฺถุสฺส อญฺญมญฺญปจฺจเยน ปจฺจโย. (๒)

สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย…เป… เทฺว ขนฺธา จ วิตกฺโก จ ทฺวินฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย. (๓)

สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วิตกฺโก จ วตฺถุ จ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป… เทฺว ขนฺธา จ วิตกฺโก จ วตฺถุ จ ทฺวินฺนํ ขนฺธานํ อญฺญมญฺญปจฺจเยน ปจฺจโย. (๑)

นิสฺสยปจฺจโย

๙๘. สวิตกฺกสวิจาโร ธมฺโม สวิตกฺกสวิจารสฺส ธมฺมสฺส นิสฺสยปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ (สํขิตฺตํ) สตฺต.

อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส นิสฺสยปจฺจเยน ปจฺจโย (สํขิตฺตํ) ปญฺจ.