๑. วิภงฺควาโร

นเหตุปจฺจโย

๔๕. ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นเหตุปจฺจยา – อเหตุกํ ปริตฺตํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป… อเหตุกปฏิสนฺธิกฺขเณ…เป… วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโห. (๑)

นอธิปติปจฺจโย

๔๖. ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นอธิปติปจฺจยา – ปริตฺตํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป… ปฏิสนฺธิกฺขเณ…เป…. (๑)

มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นอธิปติปจฺจยา – มหคฺคเต ขนฺเธ สํสฏฺฐา มหคฺคตา อธิปติ, วิปากํ มหคฺคตํ เอกํ ขนฺธํ สํสฏฺฐา…เป… ปฏิสนฺธิกฺขเณ…เป…. (๑)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นอธิปติปจฺจยา – อปฺปมาเณ ขนฺเธ สํสฏฺฐา อปฺปมาณา อธิปติ. (๑)

นปุเรชาตปจฺจโย

๔๗. ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นปุเรชาตปจฺจยา – อรูเป ปริตฺตํ เอกํ ขนฺธํ สํสฏฺฐา ตโย ขนฺธา…เป… ปฏิสนฺธิกฺขเณ…เป…. (๑)

มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นปุเรชาตปจฺจยา – อรูเป มหคฺคตํ เอกํ ขนฺธํ สํสฏฺฐา ตโย ขนฺธา…เป… ปฏิสนฺธิกฺขเณ…เป…. (๑)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นปุเรชาตปจฺจยา – อรูเป อปฺปมาณํ เอกํ ขนฺธํ สํสฏฺฐา ตโย ขนฺธา…เป…. (๑)

นปจฺฉาชาต-นอาเสวนปจฺจยา

๔๘. ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นปจฺฉาชาตปจฺจยา… นอาเสวนปจฺจยา – ปริตฺตํ เอกํ ขนฺธํ สํสฏฺฐา ตโย ขนฺธา…เป… ปฏิสนฺธิกฺขเณ…เป…. (๑)

มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นอาเสวนปจฺจยา – วิปากํ มหคฺคตํ เอกํ ขนฺธํ สํสฏฺฐา ตโย ขนฺธา…เป… ปฏิสนฺธิกฺขเณ…เป…. (๑)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นอาเสวนปจฺจยา – วิปากํ อปฺปมาณํ เอกํ ขนฺธํ สํสฏฺฐา ตโย ขนฺธา…เป…. (๑)

นกมฺมปจฺจโย

๔๙. ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นกมฺมปจฺจยา – ปริตฺเต ขนฺเธ สํสฏฺฐา ปริตฺตา เจตนา. (๑)

มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นกมฺมปจฺจยา – มหคฺคเต ขนฺเธ สํสฏฺฐา มหคฺคตา เจตนา. (๑)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นกมฺมปจฺจยา – กุสเล อปฺปมาเณ ขนฺเธ สํสฏฺฐา อปฺปมาณา เจตนา. (๑)

นวิปากปจฺจโย

๕๐. ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นวิปากปจฺจยา – ปริตฺตํ เอกํ ขนฺธํ สํสฏฺฐา ตโย ขนฺธา…เป…. (๑)

มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นวิปากปจฺจยา – มหคฺคตํ เอกํ ขนฺธํ สํสฏฺฐา ตโย ขนฺธา…เป…. (๑)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นวิปากปจฺจยา – กุสลํ อปฺปมาณํ เอกํ ขนฺธํ สํสฏฺฐา ตโย ขนฺธา…เป…. (๑)

นฌานปจฺจยาทิ

๕๑. ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นฌานปจฺจยา… นมคฺคปจฺจยา… นวิปฺปยุตฺตปจฺจยา – อรูเป ปริตฺตํ เอกํ ขนฺธํ สํสฏฺฐา ตโย ขนฺธา…เป…. (๑)

มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นวิปฺปยุตฺตปจฺจยา – อรูเป มหคฺคตํ เอกํ ขนฺธํ สํสฏฺฐา ตโย ขนฺธา…เป…. (๑)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นวิปฺปยุตฺตปจฺจยา – อรูเป อปฺปมาณํ เอกํ ขนฺธํ สํสฏฺฐา ตโย ขนฺธา…เป…. (๑)

๒. ปจฺจยปจฺจนียํ

๒. สงฺขฺยาวาโร

๕๒. นเหตุยา เอกํ, นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นกมฺเม ตีณิ, นวิปาเก ตีณิ, นฌาเน เอกํ, นมคฺเค เอกํ, นวิปฺปยุตฺเต ตีณิ (เอวํ คเณตพฺพํ).

ปจฺจนียํ.

๓. ปจฺจยานุโลมปจฺจนียํ

๕๓. เหตุปจฺจยา นอธิปติยา ตีณิ, นปุเรชาเต นปจฺฉาชาเต นอาเสวเน นกมฺเม นวิปาเก นวิปฺปยุตฺเต ตีณิ (เอวํ คณตพฺพํ).

อนุโลมปจฺจนียํ.

๔. ปจฺจยปจฺจนียานุโลมํ

๕๔. นเหตุปจฺจยา อารมฺมเณ เอกํ, อนนฺตเร เอกํ…เป… อวิคเต เอก (เอวํ คเณตพฺพํ).

ปจฺจนียานุโลมํ.

สํสฏฺฐวาโร.